الشهوة المحرمه
#3#
ليوثي المياحي
اندك باب البيت كام حميد فتحه، لن اخو مجيد ومرته وابنه هلة بحميد شلونك اتفضلو كل الهﻻ بيكم طلعت عليهم هلة خوية اتفضلو هله هله بخيتي تفضلو فرشت فراش عندي ولو مو جديد بس نظيف من ازوجت جهزولياه اخذت مرت مجيد ورحنه للمطبخ والجهال ضلو يلعبون الى ان صار الليل كلت بلكي اليوم ماكو شرب يجوز حميد يستحي من اخوه ،صاح حميد ام فريال اليوم اريدج اتحضريلنه ميز من هذا اللي ابخاطرج طبعا اني صرت استاذه بهاي الشغﻻت وصارت عندي خبرة جبيرة المهم كمت وامري لله بعد ما جنت احضر لواحد صارو اثنين شربو وسكرو ع الاخر واني ما كدرت انام ﻻن اخوه يبات يمنه وانوب سكران واسمعهم يحجون وبصوت عالي ويتمظحكون ويحجون ع البنات حجي مينحجي مجيد يكل لحميد ياريت لو الواحد كل يوم يخطف بنيه زغيرة ويكضي احله ليله وياهه رد حميد كاله اويلي ويكون عمرهه ثنعش ثلطعش سنه حياة يبووو الا ترجعك شباب ، سمعت الحجي وكلت ﻻ هاي هيج ﻻن سكرانين ويجطلون بحجيهم بس ما اعتقدت ايسووهه ،مجيد وعائلته بقو اسبوع يمنه يباتون واني كل الليل ابقه سهرانه ﻻن اخاف من هذا مجيد ﻻن يسكر ويكوم يحجي حجي اعوذ بالله منه خلص الاسبوع وشهر يجر شهر الى ان حملت بولد وكتله اني اسميه فسميته علي .
ظل حميد على هذا طبعه وما تغير وشكد ردت اغيره بس مكدرت وشما اسوي اطلع غلطانه واترزل هاي اذا ما حصلت كتله غسل ولبس ،بس مابيدي شي اسويه ،ومثل ما كتلكم اكثر من مرة فكرت انهزم واروح ﻻهلي واكللهم ع تصرفات حميد بس فضيله ظالمه هواي وماترحم واتشوف دم سنونهه وﻻ تشوفني ،واكيد راح اتكلي الصوج منج مو من حميد ، صبرت وكلت يارب انته مغير الاحوال من حال الى حال غير اطباع هل اب الظالم مو لخاطري لخاطر هل جهال الزغار
بقيت بهل حال وحميد وﻻ يهتم بينه مﻻبسنه انتهت واكطم بيه منا ومنا ومشيتهه وحتى الاكل ما جنه ناكل حالنه حال الاوادم الاكله اللي تعجبه بس انسويهه وفلوسة كلهه يصرفهه ع الشرب والسوالف المكسرة دشداشتي هلكد ماقديمه طبعت بيهه اثار جسمي ، وخلفله ع اختي سعديه نوبات بالبوكه اتجيبلي مﻻ بسهه القديمه اكصكصهه واخيطهه بيدي للجهال ونوبات الجيارين خطية هم يجيبون هل مﻻ بس الزايده عدهم وينطونياهه .
مرت الايام صعبه عليه الى ان اجتني البنت الثالثه ،وسماهه شكريه .. صارت المسؤؤليه عليه اكبر صارن تلث بنات وولد ،كلت ﻻزم اتحمل ظلم حميد لخاطر هل جهال شنو ذنبهم ،فقررت اشتغل كلت حتى لو اخبز للجيران او حتى اغسل مﻻبس شكو بيهه احسن من هل ذل ، واشتري لهل جهال مﻻبس اوكلهم اكل يحبوه ﻻن كل مرة يكولولي مامه مشتهين فﻻن اكله اكللهم هسه من يجي ابوكم واكله ويسكتون يدرون بيه اجذب عليهم ،يسكتون يدرون اذا كلت اﻻبوهم احصل كتله قويه اني اذا اتاخرت بالطبخ او الميز مالته او قصرت بشي هاي الي كتبهه الله عليه واتصير ليله سودة عليه.
اجه حميد وردت اكله ع الشغل بس سكتت كلت اخاف احصل كتله من ذني مﻻته اللي اتكسر العظام وهوة ﻻرحمه عندة.
مرت سنين كلهه مرار وظيم وحسرة نوبات اتمنه الموت وﻻ هل عيشة ويه هل حيوان اتصورو حتى بالنومه يتصرف مثل الحيوان ما عندة اي مشاعر وما حسيت فد يوم انه اني انسانه احب وانحب وضليت اتحسر ع احﻻمي اللي جنت متصورة الزواج شي حلو وحب وحنان وعشرة .
فريال صار عمرهه اثنعش سنه والمكروصة صارت كلش حلوة ودوم اوصيهه من اتروح للمدرسه يمه ديري بالج على نفسج وﻻ ترحين هيج هيج من المدرسه ترجعين للبيت . وجانت كلش شاطره بدروسهه وتحب المدرسه يمكن حتى تخلص من جو البيت الكئيب . حتى التلفزون اخذه باعه وصرف فلوسه ع الشرب . اجه فديوم الظهر للبيت كعد و دخلت فريال وراه وسدت الباب هستوهه جايه من المدرسه سلمت عليه هلو بابه ضل صافن عليهه ضليت اباوع عليه كلت شبيه هل رجال ،راحت فريال اتبدل مﻻبسهه كالي اكلج فريال بعد متروح للمدرسه كتله ليش يرجال خطيه شاطرة وتحب مدرستهه ، زكح بيه وسطرني براشدي وكعني بالكاع اكلج اتبطل يعني اتبطل سمعت فريال وجتي تركض وتريد اتكومني لزمهه دك كتل خطيه وهي تبجي وتصيح شمسوية اني كال تدرين شمسوية انتي ﻻن كبرانه و صايرة حلوة والرايح والجاي يباوع عليج اني اخاف ع عرضي اذا واحد اتحرش بيج لو سواله مكسورة وياج طبعا الحجي اللي كاله ماينحجي ﻻن حجي ما اكدر اكولله الكم وانتو افتهمو بعد . كمت وتعاركت وياه ظربني دفرة وكعني وراح جاب عوجيه عدنه بالبيت او وين يوجعني الى ان كسر العوجية عليه وما حسيت بنفسي اﻻ واني نايمه بالفراش ثاري جيرانه سامعين عياط فريال وجايين للبيت ومخلصيني منه وماخذيني يمهم واﻻ جان اني هسه جوة التراب . صحيت وكلتلهم اروح البيتي ما قبلو الجيران كالو اخاف ياذيج مرة اللخ كتلهم جهالي مابيه اعوفهم ،رجعت للبيت وجسمي احسه مو مني ،اجتني فريال حظنتهه وبدينه نبجي اني وياهه جانت فريال مو بنتي صديقتي احجيلهه كلشي وما اظم عليهه شي خطيه جانت يومية من تجي تحجيلي شصار وياهه بالمدرسه وشلون المعلمين والمعلمات يحبوهه وتكللهم اني اريد اصير محاميه حت ادافع على الناس المظلومين واني جنت اقصر على نفسي في سبيل اخليهه تدرس بالمدرسه ، كالت يمه ﻻ تعبين نفسج اني بعد ما روح للمدرسة اصﻻ اني كرهته شلي بهل دوخة تحجي خطيه والدمعه بطرف عينهه ،كتلهه يمه الله كريم ﻻزم يصير حل لهل سالفه خما راح نبقه هيج .
مر اسبوع كلت ماكو غير ابويه اروح اكله شنو ذنبهه هل مسكينه ،وادري بيه ما يخليني اروح ع اهلي تانيته الصبح طلع بالسيارة وصيت فريال ع الجهال ورحت البيت اهلي دكيت الباب وجان تطلع فظيله كالتلي ﻻهله وﻻ مرحبه شعندج جايه من الصباحيات اكيد مسوية مصيبه وجايه اذبين بﻻج علينه كلتلهه ابويه موجود رايدته بشغله مهمه كالتلي ﻻ ماموجود بهل لحظة صاح ابوية منو بالباب ،اتلعثمت فضيله وجان اصيح اني صفيه يابه ،اجه ابوية للباب كال ها خير شكو من الصباحيات كتله يابه جايتك بسالفه ومحد يحلهه غيرك كال شنو هل سالفه كتله خل اطب بالبيت واحجيلك صاحت فضيله وج هوة مريض يكدر يسمع سوالفج المكسرة ياله طب يرجال سحبت ابوية من ايدة وتريد اطببه للبيت دفعت الباب بيدي وكعدت بالباب يابه عيني ابوس رجليناتك اسمعني كال تعاي طبي جوة فضيله زعلت وخنزرت على ابوية وراحت لغرفتهه وطبكت الباب حيل طلعت اختي سعوده تركض وتصيح خير اشصاير ها صفيه شكو عيني شبيج خما حميد كتلج اذاج جان ابوية يصيح بسعديه دوكفي هي ثوله خل نفتهم ،كتله يابه جيتي والله مو علمودي علمود فريال خطيه ابوهه يريد يبطلهه من المدرسه وتدري فريال شكد اتحب المدرسه وشكد شاطرة بدروسهه بلكي تحجي وياه ما يبطلهه فدوة يابه ، سعودة كالت وعليش يبطلهه هذا الحقير جان ابوية يكفخهه براشدي وكاللهه يله لغرفتج ﻻ اكسر راسج خطية سعودة كامت تبجي وراحت ركض للغرفه وسدته عليهه ، كالي يخايبه جايتني من الصبح وفورتي دمي ع لمود هل سالفه دكومي من طيح الله حضج واذا بطله احسن خل يبطلهه ﻻن اول وتالي البنيه مصيرهه تزوج وتروح البيت رجلهه شو كومي يله روحي ارجعي واستري على نفسج وجهالج ولضلين ادورين سوالف عتج.
رجعت للبيت والحسرة تاكاني اكل انوب اشوف هل مسكينه كامت تذبل يوم عن يوم حتى الضحكة كامت ما تضحكهه اﻻ من اتباوع ابوجهي حتى ﻻتقهرني ،
سلمت امري لله ونسيت سالفه فريال ،ومن ذاك اليوم اللي تعاركنه اني وياه كام ميتقربلي وبيناتنه الحجي اني كيفت ﻻن جان حيوان مو بني ادم ، وفديوم طب لغرفة الجهال وذب مﻻبسهم وفرشهم وصاح عليه وج صخيمه ،كتله ها كول شتريد كال افرشيلي بهاي الغرفه كلت معقوله حن كلبه ع جهاله وراح ينام وياهم كالي هاي الغرفة اريد اشرب بيهه .فرغتله الغرفة ورتبتهه اله وخليت الجهال ينامون وياي بالغرفه ، كام يشرب بالغرفه وينام بيهه حتى كمنه ما هلكد نشوفه بس من يطلع يروح للحمام حتى للشغل صار ميطلع هواي .
فد ليله اجيت مثل ما يومية احضرلة الميز كالي والجكارة بايدة روحي انتي نامي اليوم مبينج تعبانه كتله والميز كال خل فريال اتحظرة ،جنت اخاف ع فريال شمعرفهه بشغﻻت الشرب والجاجيك وجنت ما اريدهه تتعلم هاي الشغﻻت كتله ﻻ اني ما جايني نوم ابقه وياك ،زكح بيه وكالي اكلج فريال يعني فريال كتلهه هاي هيه ﻻصيح واتصير عصبي هسه اخلي فريال انجيبلك المزة واخليهه اتسويلك عشة ورة متكمل شرب ،
اني هم رحت نمت ﻻن جنت تعبانه هواي وبس نيمت الجهال ماحسيت بروحي الا واني بسابع نومه،
كعدت الصبح من النوم وصحت فريال يمه وينج كومي سوي ريوك ﻻبوج شيخلصنه اذا كعد ومالكه ريوك اباوع فريال ماكو بالغرفه طلعت ادور عليهه كلت اخاف راحت للحمام ،طلعت لغرفه حميد اكعدة حتى يطلع للشغل ،فتحت الباب وما اشوفلك اﻻ فريال كاعدة بزاوية الغرفه وﻻمه نفسهه وترجف وتشهك وهدومهه مشككة ،وحميد نايم ويشوخر وريحه العرك ماليه الغرفه ،كتلهه ولج يمه شبيج ،كالت مابيه شي يمه ،ولج معزايه شلون مابيج شي ،كامت تلطم وتصرخ وتظرب وجهه ،كلتلهه ولج اشصار فهميني وشنو هل دم البيج وبالفراش وهدومج ليش مشككه ولج منو اجه يمج منو كليلي ولج يمه ، واني الطم وهيه تخمش بوجهه حتى طلعت الدم كتلهه منو كوليلي وابوج وين جان .كالتلي وهيه تشهل يمه ...وللماساة بقيه
