#الشهوه المحرمه #6#
#ليوثي المياحي
الدكتور شال التحليل بيده ولبس نظارته المكبره باوع ع التحليل وباوع بوجه فريال وباوع بوجهي وبتسم وكال بنتي عندج حمل ‘ صحت شلون !!!
جن واحد هطرني على راسي وتخربطت كام الدكتور يركض عليه عنده بطل مي غسل بيه وجهي ‘
صحيت باوعت ع فريال عيني عليهه مصدومه وصافنه ومشدوهه وساكته وتلاكت عيني بعينهه حسيتهه ذبت كل الصوج بيه وحسيت عيونهه تكلي ليش مامه اني شسويت وهيج اجازه خلصيني فدوه مامه ونزلت دمعه من عيونهه وشهكت وبجت الدكتور كالي خير اختي خما صاير شي الناس تفرح من يصير عدهم اطفال خما اكو مانع ‘‘ ارتبكت بصوتي التعبان وكتله لا دكتور هاي من الفرحه لان راجعنه وكالو ميصير عدهه خلفه‘
كتب الدكتور ورقه وكال تاخذين هاي الادويه من الصيدليه وياريت اتراجعين دكتوره اختصاص حمل وتوليد‘
سحبت فريال من ايدهه وطلعنه من المستشفى شاسوي ياربي دبرني شلون ويه هاي المصيبه شراح اكول شحجي وضلن الافكار ياخذني ويجيبني ‘شلون ما ارهمهه ماترهم فكرت اخذهه واموتهه كلبي ما نطاني شنو ذنبهه ؟؟؟
اخلي سم بالاكل لحميد واموته الخوف كتلني ماضلت سالفه ماجتي ابالي واحنه دنمشي بالشارع فريال كالتلي يمه شراح انسوي بهل مصيبه كتلهه والله يا امي ما ادري اروح ع جدج واكله ' كالت لا يمه لا ؟؟ جدي ما يتفاهم يروح ياذيج ويكتلج وانتي اتعرفيه كل الزين.
صفنة فريال وكالتلي يمه اريدج اتسامحيني كتلهه يمه وانتي شنو ذنبج المسامح ربج هوه اعلم وديشوف كلشي يصير جواه فريال راحت ركض وذبت روحهه جوه سياره سريعه !!! عطت وج يمه فريال ركضت عليهه حتى اخلصهه ما لحكت بيهه ابو السياره اتخربط كامت السياره تتمايل مثل الزكزاك وريحت الشعواط مال تايرات السياره ملت الجو وما حسيت غير صوت ضربه قويه صحت بعلو صوتي وج يمه فرياااااااااال!!!! الناس اجتي تتراكض ع الحادث واني رحت اركض لكيت فريال متمدده بالكاع وتون الناس راحت تتراكض ع ابو السياره فريال صحت وج يمه اشسويتي كومي كومي كبل ما الناس تلتم علينه خطيه السايق راد يخلص نفسه اضطر يلوف سيارته ويضرب الجزره اللي بالشارع حتى ما يدعم بنيتي اخذتهه لفريال من اديهه ورحت يم جنبر مال حلويات وجكاير كتلهه عفيه بلكي بطل مي كال الولد ابو الجنبر شبيهه خاله كتله اتخربطت لان ؟؟ سكتت شويه وكتله لان حامل ‘باوعت ع الحادث شفت ابو السياره خطيه مابيه شي اخذت فريال ومشيت وكتلهه ولج تريدين اذبينه بمصيبه جديده امشي للبيت والله يحلهه ‘
رجعت للبيت واول ما طبيت البيت عطت وصحت كلت اليوم اطلع كل قهر كلبي بيه وك حميد وك نذل شلون اشوف راح تحل هل مصيبه طلع احميد من الملهى مالته وجكارته بحلكه ورفع حاجبه وباوع عليه واني اعيط واصيح وك حميد بنتك حامل منك شلون راح ادبرهه متكلي وك محد مسويهه كبلك يا نذل شنو انته حيوان شيطان لاوالله هم الحيوان اشرف منك اجه يركض ولزمني من شعري وسحلني بالبيت كله ونزع الحزام وما خله شي بجسمي يعتب عليه الا ان فقدت‘
وعافني مرميه ع الكاع اجتني فريال تركض وتصيح مامه مامه وجابت مي وغسلت وجهي وشالتني هيه والجهال وسحلوني سحل ودوني بالغرفه كتلهه فريال بعد ما اسكت كالت يمه فدوه عوفيه اللي صار صار الله ديباوع علينه ‘يعرف بكل اللي ديصير. حميد كام يصيح ويعربد ويفشر اليوم الا اكتلج انتي وبناتج وراح يركض ع سكراب السياره صحت وج يمه فريال كومي اقفلي الباب كامت فريال وركض قفلت باب الغرفه من جوه حميد جاب شيش مال حديد ويريد يكسر الباب ولج اليوم الا اكتلكم خلاص واخلص منكم الجهال اسود وجي كامو يخافون التمو يمي ويبجون ويتصايحون راد يكسر الباب مكدر خله وراح للغرفه مالته وبقينه محبوسين وره شويه سمعت الباب مال البيت انفتح وانطبك عرفت حميد طلع من البيت ردت اكوم افتح باب الغرفه بس مكدرت لان جسمي كله يوجعني كلت خطيه اسوي لهل جهال غده فريال كالت يمه اكعدي اني اروح اسوي غده فتحت الباب فريال وسوت غده وكعدو الجهال وتغدو لما صار العصر انفتح باب البيت جوي الجهال يتراكضون للغرفه وقفلو الباب بالمفتاح حميد طب وكبل للغرفه مالته وما حجه ولا كلمه صار الليل اندكت الباب كلت منو جانه بهل ليل الله اليستر صاح حميد اي اجاك فتح الباب وكال هله مجيد تعال طب راحو كعدو بالملهى مالته واجه حميد للغرفه مالتي وحجه بصوت ناصي ولج افتحي الباب ودزيلي فريال خل اتحضرنه المزه نريد نشرب اني ومجيد وراح كتله بصوت ناصي تشرب سم ياحيوان الله ينتقم منك الجهال من الخوف يتراجفون وفريال ادموعهه ع خدهه كالت يمه عفيه لتعوفيني يمهم كتلهه يمه روحي للمطبخ جيبلي سجينه اليوم لوهمه لو اني راحت فريال وهي ترجف جابت سجينه ونطتنياهه وخليتهه يمي كلت بس يسوون شي اكتلهم حميد واخوه راحت فريال حضرتلهم المزه والشرب ورجعت للغرفه كتلهه هايمه كالت اي يمه حضرتلهم المزه والشرب وكالي ابويه روحي لغرفه امج !!! كلت شعجب ‘!
كاعدين اني والجهال بالغرفه وسمعنه صوت باب البيت انسد اجه حميد للغرفه فتح الباب وارتجه ع جرجوبه الباب كالي ولج صفيه حضري بنتج الخميس يجون ياخذونهه لابن عمهه عادل ابن مجيد بالكوت‘
كمت من مكاني وصرت يمه وكتلهه بصوت ناصي والمصيبه اللي ابطنهه شلون ‘ صاح بوجهي وفزيت كال مالج شغله حجيت لمجيد كلشي وهوه اقترح عليه نزوجهه لعادل صفنت وكلت يربي هاي وين ذبيتني هذوله موعائله هذوله شنو من بشر يعني اخوه يدري بالمصيبه وبدل ميحجي عليه ويلومه يسترله يعني عوف بنتي وعوف اخوك زين مو هذا ابنك شلون يعني جتفك ما دخن عليه والله ما ادري شاكول رجعت لفراشي وكعدت وخليت ايدي ع خدي وصفنت‘
و را يوم حميد انطاني فلوس كالي تاخذين فريال وتجهزيهه ليوم الخميس ‘اخذتهه للسوك وشتريتلهه دشداشتين وملابس داخليه ونفنوف وعلبتين مكياج وشامبوات وريح نوعين وحجزت بدله بيضه وفريال ما تحجي شاكللهه تهز راسهه خطيه احسهه كارهه الدنيه‘ كملنه تجهيز ورجعنه للبيت ‘
يوم الخميس كعدت فريال وسبحتهه وصحت جيرانه ام وليد حتى تمكيج فريال وترتبهه وترتب شعرهه العصر جوي اخذو بنتي عود عروس لعادل جان عمره ازغر من فريال بسنه ويبين عليه كلش فقير كعدو بالبيت شويه وجايبين وياهم شباب يغنون ويتمركصون وشايف خير ومستاهلهه وعادل طفي الكلوب خدهه يشع ويه الروب ‘ وجبنالك برنو ما ملعوب بسركيهه‘ اجتني الضحكه واعوذ بالله منك يا لساني‘‘‘ بس من هم اللي بيه ما طلعت وجنت خايفه ع فريال هواي اذا اكتشفوهه الله اليستر اخذو فريال وجنهم اخذو روحي مني فريال مشت ويه رجلهه بالباب وكفت ودارت وجهه عليه باوعت عليهه حسيتهه تكول يمه سامحيني يمكن هاي اخر مره اشوفج اجتي تركض عليه وحضنتني وحضنتهه وبجينه ومسحت دموعهه ورتبت وجهه وراحت ويه ابن عمهه سديت الباب وكعدت ابجي وايدي ع خدي ....وللماساه بقيه
