الشهوه المحرمه #5#
#ليوثي المياحي
حضنهه وبوسهه وكاللهه كومي فريال اركصيلي ..اوونسيني احله ونسه ..ريحه المشروب جانت بكل ركن من اركان الغرفه كامت سود وجي فريال تركص شلون مجان مره تميل يسره ومره يمنه وبالهه شارد وتشهك وتبجي وبداخلهه صرخه يمكن تهد الكوون .والنذل يطك اصبعتين .. وي دندن جان يكوم يركص وياهه الى ان ذابت بديه ‘
صحت عيطت كسرت باب الحمام ردت بس ينفتح ما كدرت خطيه الجهال سمعتهم يصايحون عليه ‘اجه حميد وكتلهم بالحزام صحتله حميد ضالم وين تروح من الله ذوله شنو ذنبهم الله ينتقم منك ‘ اجه حميد فتح باب الحمام وشعره منفوش وريحته تكتل خفت منه وكرفصت بزاويه من زوايا الحمام وبدون ميحجي جرني من عطوبي وسحلني سحل من الحمام واني اعيط وبالحزام ما خله شي بجسمي ما زاره ولج باعي ادفنج انتي وجهالج جري عدل وياي وسوي الي اريده احسن ما تعرفين شاسوي دفرني ابطني وراح للملهى مالته‘
جوي الجهال يتراكضون عليه وحضنوني وحضنتهم وضلينه نبجي اجتي فريال من غرفته سكرانه وخطوه تجر خطوه وشعرهه منفوش وجهه ملغمط شافتني وكعت عليه تبجي . يمه شلون بيه دبريني . خل اموت نفسي بلكي ارتاح يمه شاسوي ما اريد اعيش حضنتهه وما ادري شاكللهه . وبجيت
كام حميد كل ميطب للبيت يصير البيت جحيم يحبسنه بالغرفه اني والجهال وفريال تبدل وتتمكيج وتروح تكول صارت مثل الرجال الالي ومتحجي ولا كلمه . فوك القهر كام يوميه يجيبلهه ملابس داخليه مدري شلونهن ويكللهه اليوك اريد تلبسيم هذا او ذاك.
بقينه ع هل حال اكثر من شهر . طلعت للسوك كلت خطيه هل جهال خل اجيبلهم شويه فواكه من زمان ما ماكلين وبيناتنه الحجي ردت شويه اغير نفسيتي لان تعبت هواي اسوكت ورجعت للبيت وخليت جدر التمن ع النار وسويت جدر باميه كلت هم غده واللي يزود نتعشه بيه صار الضهر اجه حميد وصاح ولج وين الغده لا غسل ايده لا سمه بالرحمن صبيت الغده وصحت للجهال يمه تعالو اتغدو التمو الجهال حواليه وبدينه نتغده حميد اكل ع السريع مش حلكه بايده ورث جكاره وكام راح لغرفتهه صحت فريال يمه كومي اكليلج لكمه كالت يمه ما اشتهي لحيت عليهه اجت كعدت خطيه واول لكمه خلتهه بحلكهه كامت ترد وراحت ركض ع الحمام رحت وراهه يمه شبيج خاف معدتج مستبرده كالت ما ادري يمه هاي كل شويه واريد ارد واحس بدوخه . غسلت وجهه وكلتلهه تعاي اسويلج نومي بصره هسه تصيرين زينه اخذتهه ورحت للغرفه كلتلهه نامي ارتاحي ‘
رحت لميت المواعين حتى اجلفهن بالمطبخ وما حسيت الا فريال ركض وللحمام وهم كامت ترد كلتلهه يمه ابقي هنا يم الجهال هسه اروح لجاسم المضمد واجيبلج كبسول مال معده ‘رحت ع حميد كتله حميد بنتك مريضه تروح لجاسم اجيبلهه دوه صاح بوجهي ومرض يطبج انتي وبنتج روحي انتي حضن البطل مالتهه وسنح ع الجربايه‘ والجكاره معووجه بحلكه.
لبست عباتي ورحت ع جاسم المضمد كتله خويه شلونك كالي كل الهله بيج خيتي كتله بنيتي كل شويه وتذب من راسهه بلكي الكه عندك دوه كالي خيتي بنتج شكد عمرهه كتله 19سنه كالي خاف حامل انظربت براسي او وكعت بالكاع لزمني جاسم المضمد ها اختي اسم الله شبيج كتله لا عيني مابيه شي عزه وصخام الصخمني شلون راحت من بالي خاف هاي حامل ياربي شلون‘ جاسم كال خما اكو شي يمه كتله وصوتي يرجف لا عيني بنيتي ما مزوجه بعدهه كال زين خاف ماكله شي ومسممه بيه جيبيهه حتى اسويلهه تحليل دم‘ كلتله لا عيني هاي مستبرده طلعت من يمه واني مسطوره شلون ياربي شلون ما فكرت بهاي السالفه ‘ رجعت للبيت واني فكره اجيبني وفكره توديني بله اذا طلعت حامل من ابوههه شاحجي شاكول يبووو هاي شلون بلوه ربي بليتني بيهه شمسويه جواك ربي ‘هل مسكينه شنو ذنبهه اووووووف.جريت حسره وكلت لازم العصر اوديهه اسويلهه تحليل حتى اعرف راسي من رجليه ‘ رحت ع حميد كتلهه حميد رحت ع المضمد جاسم وكتله كال لازم اتسوولهه تحليل دم خاف عدهه تسمم كالي والجكاره عاوجهه بحلكه وديهه انتي وفضينه بالليل اريدهه طلعت من يمه واني شبعانه قهر بله هذا شنو معقوله هذا بشر رحت صحت فريال كتلهه يمه كومي خل اوديج كالتلي وين يمه غير اشوف شبيج للمستشفى كالت ما اروح يمه عوفيني بلكي اموت دكومي يمه لا شلعين كلبي جريتهه من ايدهه ورحنه للمستشفى طببتهه ع الدكتور كال شبيه كتله دكتور تشكي من معدتهه وبس اترد كتبلي ورقه زغيره ونطانياهه كالي روحي للمختبر خل يسوولهه تحليل دم اخذت الورقه وفريال ورحت ع ابو المختبر كعد فريال ع كرسي وربط ايدهه من يم زندهه وسحب دم وكال فد نص ساعه وتجين رحنه كعدنه بالاستراحه ونباوع ع اي واحد طاب وطالع وجان اكو هواي عوائل واني اتحسر من اشوف هل عوئل شكد مرتاحه وعايشه اني بس الضيم بيه‘
صاحو فريال حميد فزيت وصحت نعم كال التحليل طلع اخذت التحليل ورحت للدكتور وكلبي كام يدك يريد يطلع من مكانه واحس رجليه خدرن وما كامن يعينني ما ادري ليش احس بالتحليل اكو مصيبه وكفت اباب الدكتور انطيت التحليل والباص للحارس مدري مضمد اللي واكف بالباب اتاني وجبه تطلع حتى ادخل عليه ربع ساعه ياله لاحنه السره صاحو فريال صحت نعم كالي ادخلي كعدنه اني وفريال ع الكراسي الدكتور شال التحليل بيده ولبس نظارته المكبره باوع ع التحليل وباوع بوجه فريال وباوع بوجهي وبتسم .....وللماساه بقيه
