#الشهوه المحرمه #8#
#ليوثي المياحي
صاح بصوت عالي بنت الجلب ااااااخ ولزمهه من شعرهه وضل يضرب بيه بالكاع وبالحايط وهيه تصرخ وتعيط ‘ اسمع الصياح وكلبي اكلني اكل ادفر اباب الغرفه بس ردت يفتح ما انفتح الجهال كامو يصارخون وياي بالغرفه اسكت بيهم مايسكتون صحت بييهم كااااااافي اسكتو صارت صنطه وما كو اي صوت ‘سمعت كركعه باب الغرفه جان ينفتح الباب لن حميد وقميصه مشكك وبيه دم صحت يمه ليلى دفعته بديه ورحت اركض ع غرفته لكيتهه مرميه بالكاع والدم يجري من راسهه حضنتهه وكمت اخمش بوجهي واعيط وانوح يمه ليلى شصار بيج ولك حميد شسويت ابنتي لك ليش هي ضالم الله ينتقم منك اويلي بنيتي ليلى يمه بعدج اشايفه من هل دنيه الله ماخذني ولا شايفه هل يوم وك حميد اليوم اكتلك عفت جثه ليلى بالكاع والدم مغطيهه ورحت اركض ع المطبخ جبت سجينه وركضت على حميد اليوم اكتلك يا سافل من وصلت يمه رجلي بادن وردت اضربه بس لزم ايدي ولواهه واخذ السجينه من ايدي وراح ركض ع شكريه وخله السجينه ع ركبتهه وهي سود وجي تبجي وتعيط كالي باعي ولج اذا حجيتي كلمه وحده انتي وبنتج اذبحكم واادفنكم سمعتي كتله لا عوفهه لشكريه شنو ذنبهه هل طفله تعال اذبحني وخلصني من هل مرار والضيم عاف شكريه واجه عليه وكتلني كتل كافر وكالي كومي جيبيلي كونيه احسلج لا ادفنج انتي وجهالج رحت للمطبخ وجبت كونيه كالي تعاي وراي رحت للغرفه مالته وليلى متمدده ع الكاع من شفتهه بجيت وصحت حط ايده ع حلكي وخنكني كالي ولج اذا سمعت صوتج او فتحتي حلكج اذبحج سمعتي فرك حلكي بيده الوسخه حيل وكالي جيبي الكونيه وفتحهه ودخل ليلى بنصهه هيه وملابسهه ودمهه وشدهه من فوك بوصله كالي روحي جيبي كرك اني هم رحت مثل الثوله جبت كرك ونطيته اله وكعدت يم راسهه وحضنتهه وكمت ابجي وانوح(( ييمه وياكم اخذوني***وحدي ابداركم لا تخلوني ***عگبكم بس بجي وزادن همومي***واخاف من البجي يعمن اعيوني )) حفر بالحديقه مالت البيت حفره شلون مجان وجاب الكونيه اللي بيها ليلى ودفنهه ‘
بقيت الليل كله مشدوهه وكاعده يم كبرهه بالحديقه واحجي وياهه وممصدكه اللي صار معقوله بنتي دم كلبي نايمه جوه التراب كمت الطم وانوح وازيح التراب باديه ونوبات انام ع الكبر وابوس بترابه يمه شلون عفتج وياه يمه وكل ما اذكر حجايتهه يمه فدوه لتعوفيني اشبع قهر بقيت ادعي عليه الله ياخذه وينتقم منه هل شيطان بجيت لما عيوني ورمن ونشف ماي عيني بس الفاس وكع بالراس وما بيدي حيله ونمت ع كبر بنتي وما حسيت الا اجه حميد وكعدني كمت رحت للغرفه وسديت الباب وضليت ابجي شكريه وعلاوي سالوني يمه شبيج ليش تبجين وليلى ماكو وين راحت لزمتني العبره وبجيت وكتلههم راحت البيت جدكم لان مريض راحت اداريه‘ حضنتهم وضليت ابجي ...
حميد صاح بيه طلعت من الغرفه وكالي نظفيلي الغرفه راح اطلع وما اريد الجهال يعرفون اللي صار كتله اي وانته شكد مهتم رفع ايده يريد يضربني بس جرهه وراح وطلع رحت للغرفه والدم مالي الكاع مسحته واني ابجي ع بنيتي. كملت مسح ورحت وطلعت من الغرفه وقفلت الباب واسمع صوت ونين من يم الحديقه رحت اتمشى جان اشوف حميد كاعد يم الكبر وجكارته بحلكه ويبجي ليلى حبيبتي ما جان قصدي اكتلج انتي ليش قاومتي ليش ليش ويضرب بايده ع رجله ويعض باصابيعه كلت ان شاء الله ياخذ حوبته منك ياضالم شنو ذنبهه هل بنيه كتلتهه حتى دفنه مثل بقيه الي يموتون ما حصلت الله ينتقم منك بقه شهر اكثر ع هل حال يكعد يم الكبر بالليل هواي ومن يسكر يكوم يبجي ويحجي ويه نفسه انتي لو بس ما مقاومه ولو بس متراددين والله جان مكتلتج ويشهك ويبجي اللي يسمعه يكول جان شكد حنين ويحب بناته حتى نوبات بالليل هوه ونايم اسمعه يحجي ويصيح ليلى وين رحتي ليلى ليش قاومتيني ‘
فد يوم اجاني حميد وكالي اريد اروح ع اخويه مجيد للكوت واريد اخذ علاوي وياي كتله لا عيني حميد ما عندي بس هل اثنين عوفلياهم اروحلك فدوه كال لج هاي شبيج اكلج اريد اروح لبيت اخويه وماخذ ابني وياي قابل موديه للاعدام ردت امنعه ما اخليه ياخذه ما قبل كتله زين خل انروح وياك ومناك هم اشوف فريال لان مشتاقه الهه وماشايفتهه من زمان صفن وكال ميخالف بس اذا حجيتي كلمه وحده متلومين الا نفسج حضرت غراضي والجهال ورحنه للكراج واجرنه تكسي للكوت مشت السياره بينه وحميد ما حجه ولا كلمه اني بداخلي حجيت كلت شعجب حميد هسه اذكر اخوه وجاي يزوره بس لا محضرلنه مصيبه جديده وخصوصا اخوه مجيد بعد انكس منه .وصلنه الكوت ونزلنه من السياره دك الباب حميد وجان يطلع ابنه اللي ماخذ هواي من ملامحه عاط بيه انته ابنمن كاله اني ابن عادل فتح الباب احميد ودخل بالبيت ودخلنه اني والجهال وراه جان تطلع فريال واجتي تركض عليه وحضنتني وباستني كتلهه ها يمه شلونج كالت الحمد لله يمه زينه جوه رحمته بوست شكريه وعلاوي وكالت يمه لعد وين ليلي لزمتني العبره وضليت مشدوهه فريال حست وكالت يمه خما ابويه سوالهه شي كتلهه خل انطب جوه واحجيلج اللي صار طبينه سلمنه ع مجيد وعائلته فريال ضلت تتكرضم كومي يمه لغرفتي حتى تحجيلي رحنه للغرفه ها يمه احجي ليلى شبيهه بداخلي كلت اخاف احجيلهه وتروح اتعيط وتفضحنه هنا كلتلهه مابيهه شي بس ابوج زوجهه لولد من المنطقه كالت فريال يايمه نشفتيه لدمي اي احسن خل تخلص من ظيمه هل ضالم بقينه ثلث تيام ابيت مجيد علاوي كام يلعب ويه الولد الي بل منطقه من ردنه نرجع علاوي كايل لفريال يريد يبقه يمهه جتني كالتلي يمه بقيه علاوي يمي هوه مبطل من المدرسه خليه كتلهه اخاف عليه يمه كتلهه يمه اذا تخافين عليه خافي من ابويه خليه يمي خل يشتغل ويه عادل احسن كتلهه اكل الابوج واشوف حميد قبل وما عارض ع السالفه رجعنه للبيت اني وياه وشكريه مشت الايام وعلاوي كبر وصار عندي امل احجيله القهر اللي بكلبي واخليه ياخذ حقي وحق خواته من هل مجرم
شكريه هم كبرت وبلغت وصارت كلش حلوه حميد كام ميكعد ياكل اذا ميصيحلهه تكعد يمه وكام يدلع بيهه ويصيحلهه شيكو تعاي بابه شيكو روحي بابه شيكو وكام يجيبلهه ملابس وحتى نوبات العاب دبوبه وهاي السوالف نوبات احسه يكعد يشرب جكاره ويباوع عليهه خفت منه كلت هاي النظرات نفسهه اللي جان يباوع بيهه ع فريال وليلى استغفرت ربي ورحت اكمل شغل البيت‘
فديوم اجه حميد للبيت جايب وياه فواكه وطبعا بطل الشرب والخيار والروبه والكرزات صاحني وكالي صفيه هاج حضريلي الشرب اني هم حضرتله المزه والجاجيك والشرب كعد شرب الا صار فول صاح عليه والحجي كوه يطلع من حلكه كال باعي باجر خميس واريدج اتحضريلي شكريه اريدهه بالليل يمي ‘ كتله صدك تحجي لك ما كفاك دم بنتك انته شنو انته حيوان انته لا لا مو بشر دكيت ولطمت وصياحي وعياطي ولا همه بشي كام موتني كتل وضرب وسحلني من شعري وبالحزام الى ان كتله نعم باجر احضرهه الك . عافني رحت للغرفه وجسمي كله يوجعني ضليت افكر شاسوي يا ربي كلت ماكو غير اروح لعلاوي واكله هو صار جبير وعليه يتحمل المسؤليه من الصبح حميد كال راح اروح للشغل وماارجع للمغرب مثل ماكتلج اريدج اتحضرين شكريه مو تنسين هوه طلع اخذت شكريه ورحت للكراج وكبل للكوت اتلكتني فريال ها يمه شو وحدج شعجب جايه خما ابويه سواله مصيبه لو طردكم من البيت كتلهه لا يمه ماكو شي بس جيت اخذ علاوي لان ابوه يريده يشتغل وياه كالت زين يمه اكعدي خل اجيبلج مي وارتاحي علاوي على جيه راح هوه وابن عمه سامي للسوك كعدت شربت مي وكلبي ع نار لازم ارجع للبيت كبل ميجي حميد والله شويه واجه علاوي ركض عليه وحضنته وبوسته وحضني كالي هايمه شلونكم ويه ابويه كلت لفريال بلكي اتسويلنه جاي لان راسي ديوجعني من الطريق ردتهه ما تسمع الحجي كالت اي يمه كومي شكريه وياهه علاوي اجه بصفي كتله يمه علاوي اريد اكلك سالفه كال كولي يمه بس ما اريد خواتك يعرفن اني كايلتلك كال ميخالف احجي حجيتله سالفه ابوه ويه فريال وشلون كتل ليلى ودفنهه بالحديقه كال ما اصدك معقوله ابويه يسوي هيج اني ادري بيه جان قاسي وياج ويتعاك ويكتلج بس يسوي هيج ابناته ما اصدك لا يمه انتي تحجين عليه هيج لان يكتلج ما اصدك كتله باوع علاوي تدري اني ليش جايتك هسه وابوك ميدري اني طالعه من البيت لان يريد شكريه اليوم بالليل كالي حضريهه ولبسيهه ودزيهه للغرفه مالتي كالي يمه صدك تحجين كتله بيش تريد احلفلك زين ما شفت ليلى ماكو ويانه وين اختفت كالي انتي مو كلتي راحت البيت جدي تخدمه كتله وليدي جذبت عليك لان انته زغير وخفت عليك منه‘ حط ايده ع راسه وكال ليش مكلتيلي يمه جان اتصرفت كتله جنت خايفه عليك من هل ضالم كال زين يمه لحظه واجي راح علاوي ع سامي ابن عمه وجانو صدقان الروح بالروح وحجاله كلشي رجع علاوي على امه وكاللهه يمه راح نرجع وياج وانريدج تتصرفين طبيعي واني وسامي انشوف اذا صدك الحجايه احنه نتصرف كالتله يمه اخاف عليك ابوك ضالم هواي واني ماعندي غيرك كاللهه معليج يمه ياله كومي خل انروح كبل مصير مغرب ويرجع هذا حميد صعدو بسياره من الكوت البغداد وصلو ساعه اربعه العصر طبت هيه ع كيفهه خاف جاي كبلهه كالت اذا لكيته اكله رحت اشتري مكياج ما لكيت دخلت لكيته بعده ما راجع دخلت علاوي وابن عمه ورحت رتبت غرفته وسويت مكان مال ختله بالزاويه لان ما عنده شغل بيهه وذبيت عليهه جرجف حتى يختلون وراهه صار المغرب اجه حميد ودك الباب علاوي وسامي راحو يتراكضون ودخلو الغرفه وختلو بالزاويه رحت فتحت الباب طب حميد وجايب وياه بطل ويسكي وفواكه وخيار وكرزات وجايب كباب كالي هاج سوينه عشه اخذت العلاليك من عنده ورحت للمطبخ هوه كعد وصاح ع شكريه تكعد يمه كملت العشه وكعدنه ناكل وهوه ياكل ويباوع على شكريه كملنه العشه وكعدنه لما صارت الساعه بالتسعه كالي صفيه سوي اللي كتلج عليه كتله ميخالف دقايق كالي شعجب ما عترضتي ولا حجيتي ارتبكت وكتله ماكو فايده من الحجي رحت للمطبخ حضرت المزه والجاجيك والشرب وصحت شكريه وبدلتلهه ومكلتلهه اي شي ع الخطه انتي اخدمي ابوج اليوم خطيه شكريه فقيره ومتعرف كلشي يعني ع نياتهه اخذت الصينيه مالت الشرب وراحت ع الغرفه واني كلبي يتكرظم اخاف ع علاوي منه لان ضالم ونذل ومجرم انوب شايلين سجاجين هوه وابن عمه واخاف ياخذهن منهم ويكتلهم شلون لو ادري ما كايلتله لعلاوي..دخلت شكريه عليه والصينيه بيدهه وبدون متعرف شي كام يشرب ويكللهه هاج اشربي وياي كام يحضن بيهه ويلعب وياهه ويمد ايده ع صدرهه ويكللهه شلون صايره شيكو مره معدله راد اينزعهه هدومهه وما قبلت كامت تدفع بيه وكعهه ع الكاع ونام فوكاهه وهيه تعيط طلع علي وابن عمه بعد ما تاكدو ان الحجي الحجته امهم صحيح علاوي صاح حميييييييييييد!!! وللماساه بقيه
