#الشهوه المحرمه #9# والاخير
#ليوثي المياحي
علاوي صاح حمييييييد !!!حقير شيطان باوع حميد ع علاوي وهوه مشدوه ؟؟؟
ليش ولك حميد انته ابو انته شنو لك مواني شكد ما سويت بينه وعذبتنه وكتلتنه جنت اكول هذا ابويه لو شما سوه بس هيج تعتدي على خواتي ما قبلهه منك انته شنو بداخلك انته هم من البشر علاوي يحجي ويبجي بحركه ويصيح ليش ليش وحميد ساكت وراسه ليجوه كام حميد من فوك شكريه علاوي طلع سجينته وطعن حميد ويصيح موت...موت‘‘‘موت‘‘‘ هاي حوبه فريال وطعنه الخ...وهاي حوبه ليلى وطعنه الخ وهاي لشكريه وطعنه الخ وهاي للعذاب اللي عيشتنه بيه اجه سامي وياه وطلع سجينته وطعنوه فوك الاربعين طعنه الى ان تمدد بالكاع والدم اخذه اني من مكاني ارجف وابجي وادعي من ربي يخلصنه منه ويحفظ وليداتي شكريه من شافت السجاجين وحميد غطاه الدم كامت تصرخ وتعيط اني من سمعتهه اجيت اركض دخلت الغرفه شفت حميد مدد بالكاع والدم مغطيه هلهلت كلوووووووولش عفيه بوليدي عفيه بحزام ضهري الدموع تجري من عيوني اليوم ليلى نامي اخوج اخذلج حقج جتي شكريه تركض وحضنتني وبجت .
علاوي ضل مشدوه وكام يبجي رحت عليه حضنته وكتله يمه لاتبجي انته غسلت عار هل حيوان المجرم وانته شفت بعينك بعد لا تبجي انته زلمه من خلصتنه منه كال اي يمه بس يبقه ابوي بس ما خله بكلبي رحمه عليه.
كالي علاوي باعي يمه اني وسامي راح انسلم نفسنه للشرطه ‘ وانتي ديري بالج تحجين تكولين اتحرش بخواتي وكتلناه ما نريد انصير علج بحلوك الناس ما اوصيج يمه كتله ميخالف وليدي بس شراح تكولون للشرطه ‘ انكللهم كتلنا علمود شغله فلوس ‘ وانتي بالغرفه متدرين شي من الي سويناه‘ زين يمه كتله صار وليدي .
راح علاوي وسامي وسلمو نفسهم للشرطه اجت الشرطه للبيت ودخلو للغرفه وشافو حميد والدم مغطيه من راسه الرجليه غطوه بجرجف والتمت الجوارين والناس وكلهه تتحسف وتضرب ايد بالايد خطيه جان شلون رجال ماله شغله بالرايح وبالجاي هذا شلون ولد يكتل ابوه علمود جم فلس عار هذا الولد لازم يعدموه حتى يصير عبره كواد رباك وكبرك وسواك زلمه تالي تكتله ‘اني اسمع الحجي واتكرظم اريد احجي بس ما اكدر .
الشرطه شالو الجثه واخذوهه للمشرحه وبدأ التحقيق ويه علاوي وسامي . المحقق صاح علاوي وكاله ليش كتلت ابوك كاله ردت فلوس من عنده وما نطاني واتفقت اني وابن عمي نطب لغرفته وانبوك فلوسه ‘ طبينه للغرفه دورنه ع الفلوس وما لكيناهه دخل ابويه علينه سكران كال شدتسوون بالغرفه تردون اتبوكوني ‘ جر عوجيه جانت بالغرفه وراد يضربني وخرت منه اجتي العوجيه بابن عمي سامي جريت السجينه وطعنته ‘
المحقق كاله وابن عمك كتله ما عليه اني الكتلته المحقق كاله بس ابوك مطعون بسجينتين مختلفين سكتت ودنجت راسي كالي وقع ع اقوالك وقعت وخلو الكلبجات بايدي واخذوني للنظاره ودخلو ابن عمي سامي للتحقيق ونفس الحجي الحجيته .
اخذونه للسجن لحد ما يصعدونه محكمه ‘
اجه مجيد عليه وكالي انسويله فاتحه كتله ابد يوم عيد عندي من مات وخلصنه منه كالي صفيه ليش علاوي وسامي كتلو حميد!! كتله ما ادري موجودين بالسجن روح وسألهم كام يصيح علي انتي كتيلهم اكتلو حتى تنتقمين منه فار دمي وكتله لعد اللي سويتوه بيه قليل وانته هم تستاهل الموت لان تتستر عليه طلع و رركع الباب قوي وراه كتله كشره عساك ما راجع الله ياخذك وينتقم منك مثل ما اخذ اخوك ‘
ضليت افكر بعلاوي اخاف يعدموه لو يحكموه مؤبد ما جانو يخلونه انقابلهم كلت خما خليه يروح من اديه كلت خل الزمله محامي ‘جان عندي جم فلس بس مايكفن وكلت خل اروح ع ابويه واكله رحت على ابويه طلعت مرته وطردتني من الباب وكالت ابوج مريض خليه بحاله وماعدنه ولا فلس حتى ننطيج ردت بس ادبر فلوس المحامي. حتى يتخفف الحكم ‘ بس ما كدرت الى ان اجه يوم المحكمه وصدر قرار بالحكم شنقا حتى الموت على علاوي وسامي ‘ سمعت الخبر وانصعقت يمه شلون اعدام ليش ياربي اللي يحافظ ع شرفه ينعدم شدعي عليك حميد اخذت كل الاعزاز من عندي اوف ربي ‘
كلت لازم احجي الحقيقه واخلص ابني من هل مصيبه رحت لجيرانه ام رعد خوش ناس وخيره دكيت الباب ورحبت بيه المريه وكعدنه سوه وكتلهه خيه عندي سالفه غريبه واريد احجيلج بلكي تساعديني لان ماعندي احد حجيتلهه كل السالفه من البدايه للنهايه كالت خل يجي ابو رعد واحجيله وان شاء الله خير طلعت من يمهه بعد ما طمنتني ثاني يوم جتي ام رعد وانطتني ورقه مكتوب بيهه اسم وعنوان محامي وكالتلي ابو رعد يكول خل تروحله وتحجيله كلشي ‘ اني هم لبست عباتي ورحت للمحامي وسولفتله كل السالفه ..كالي قضيتج صدر بيهه قرار حكم اعدام لو جايه قبل الحكم ‘ جان نكدر ناخذ استئناف كمت ابجي شلون علاوي راح ير وح بشربه مي شلون ياربي ‘ المحامي من شافني ابجي كالي اكو حل واحد كتله كلي فدوه كلشي اسوي بس اخلص ابني وابن عمه حتى لو يعدموني مكانهم كاللهه لا انقدم ع مقابله للريس بس هوه يكدر يخلصهم وانتو وحظكم بعد.
كتله اي عيني فدوه اروح بس يخلص الولد‘ كال ميخالف المقابلات كل يوم ثلا ثاء من كل اسبوع راح اقدملج ع موعد تعاي يوم الاثنين ‘ كتله الله يحفظك خويه وطلعت من يمه وامشي واندعي ربي يخلصهم من هاي المصيبه رجعت للبيت لكيت فريال كاعده ويه ولدهه الاثنين ابن ابوهه ووابن عادل وشكريه بالمطبخ كتلهه ها يمه كالت طلكني عادل بعد ما ابوه فضحنه وجبره يطلكني ‘يمه شسويتي ع علاوي سولفتلي شكريه شلون علاوي كتل حميد !!حيل بيه يستاهل والله سبع علاوي خلصنه من هل مجرم ‘ رحت يوم الاثنين للمحامي كلي والله هل اسبوع مكدرت احصل مقابله لان ازدحام فعلى الاسبوع الجاي ‘ كتلهه فدوه شلون اخاف يعدموهم وما نلحك الهم كالي اختي خلي عينج بعين الله وما يضيع حك وراه مطالب ‘
ابنج ضحيه ومضلوم والله مايرضه بالضلم.رجعت للبيت واتاني يوم يوم وساعه ساعه الاسبوع عندي صار سنه حسيته لحد ما اجه يوم الاثنين رحت للمحامي وكالي ابشري باجر المقابله مالتج وعلمني المحامي شاحجي وشلون اتصرف من اقابل الرئيس رجعت للبيت وسبحت وتوضيت وصليت وضليت اقره قرآن واندعي الله يخلص الولد . العصر اخذت شكريه وفريال وابنهه ورحنه نزور ابو الجوادين جلبت بالشباك واجاني كل البجي نخيتك يابو الجوادين وانته ما تخيب ضن اللي ينخاك رجعت للبيت وضليت الليل كله اصلي واقرأ قرآن وادعي من رب العالمين يخلص وليدي وابن عمه اخذتني الغفه شويه وصحيت ع اذان الفجر صليت وبجيت بحركه لحد ما نشفن عيوني من الدمع كمت وبدلت ملابسي وطلعت الجو جان ستوه مكشف رحت ع المحامي لكيته كبلي واكف ركبنه سيارته واتجهنه للقصر وكالي لا تخافين احجي كلشي للرئيس لان هوه وحده يكدر يخلصكم من هل مصيبه جان باقي يومين وينفذون الحكم بعلاوي وسامي ..وصلنه للقصر ساعه سته العصر قدمنه اسامينه وفايلاتنه وضلينه ننتضر اني لازمه القران بيدي واقره وادعي ناس جانت جايه هوايه بس كلهم مصايبهم مو مثل مصيبتي جانو كاعدين واحد يحجي مشكلته للاخ بس اني لابيه احجي وضليت ضامه بكلبي . صارت ساعه عشره الصبح كامو يصيحون اسامي لحد ما صاحو اسمي تقدمت عليهم كالي ولد لابس زيتوني مرتب وكلش نظيف يمه شنو طلبج حتى نكتبه ع الفايل مالتج كلبي كام يدك واريد احجي بس الكلام كام ميطلع من حلكي كالي كولي يمه كتله ابني محكوم عليه بالاعدام بس والله ضلم ‘ كتبو ع الفايل وكالي انتضري هنا كعدت وطلعت القران وكمت اقرأ الى ان صاحو اسمي فتشوني من فوك ليجوه وكعدوني بصاله ثانيه لما صارت الساعه بثنعش الضهر ضليت بس اقره ايات وادعي من ربي يحنن كلب الرئيس ويخلص الولد‘ كامو المرافقين يتراكضون بالقاعه وصوت الاحذيه يطكطك ع المرمر مال القاعه شكو كالو اجه الرئيس كلبي كام يدك بسر عه ورجليه بادن ردت اوكف ومكدرت ضليت كاعده ردت اقره ايات نسيتهن كلت خل اقوي كلبي لان فكري جان بس اشلون اخلص علاوي وابن عمه من حبل المشنقه لان هذا جان اخر امل بخلاصهم‘ كمت ادعي لما صاحو صفيه عباس ‘ كلت وصوتي مخنوك نعععععععععم ‘ اني صفيه ياله تعاي حتي ادخلين ع الريس كمت ورجليه يرجفن مشيت اجه مرافق وعلمني ممنوع تتقربين عليه وممنوع اتسلمين عليه وممنوع وممنوع واني جان بالي ولا يمه جان بالي بالحجي اللي راح احجيلهياه
دخلت واني مدنجه راسي كالي ارفعي راسج ولا دنجين رفعت راسي جان كاعد ع كرسي نزلت عحذاءه ابوسه واتوسل بيه لزمني من ايدي وباس راسي وكالي كومي يمه انتي عراقيه والعراقي ما يدنك راسه
حسيت بالامان من كلامه كالي كولي يمه شنو طلبج كتله اروحلك فدوه سيدي وليدي وابن عمه ‘ كالي شبيهم‘ كتله محكومين بالاعدام وهمه مضلومين ‘ سحب الفايل مالتي وكام يكلب بالاوراق وكالي بس ابنج وابن عمه كاتلين ابوهم وهذا عقوق الوالدين وجرم مشهود شلون ترديني اعفو عليهم كتله سيدي راح احجيلك الحقيقه واني راضيه بحكمك كالي احجي قصيتله القصه من البدايه للاخير
صفن بوجهي كلي اذا هذا كلامج صحيح ابنج وابن عمه صدك زلم واذا حجيج كذب تنعدمين وياهم ‘
كتله امرك سيدي هوه منو يكدر يجذب عليك ‘
ضحك هههههه زين اتعرفين. شال سماعه التلفون واتصل بمدير الامن العامه وكله وكف تنفيذ حكم الاعدام بحق المدانين علي حميد وسامي مجيد وشكل لجنه تحقيق بهل قضيه واعلموني بالنتائج صاح ع المرافق اللي بالباب وكاله خل الامن يودوهه لمركز التحقيق وياخذون اقوالهه وكومو باللازم.
رحت المركز وانطيت كل اقوالي ‘ارتاحيت لان طلعت كل اللي بكلبي ولان اني واثقه من كلامي ‘اجوي الامن للبيت ودليتهم ع مكان دفن الجثه وحفرو ولكوهه كلت خل احافظ ع الباقين الراح راح اخذو الولد ابن فريال وحللوله وتاكدو انو مو ابن عادل ومشت الاجراءات مدير الامن خله حراسه ع بيتنه حتى يحافظون ع حياتنه وقبضو ع مجيد لانه تستر ع جريمه وما بلغ وحكموه بالاعدام ‘ علاوي وسامي طلعوهم براءه وقابلهم الريس وكرمهم وكاللهم انتو غسلتو عاركم واجهتو حكم الاعدام بشجاعه هذا هوه العراقي الاصيل
رجعنه لبيتنا وتم اعدام مجيد بس حياتنه بقت مريره لان اللي صار صعبه ينسي عرضت البيت للبيع وفكرت اروح مكان محد يعرفني بيه ‘
اني اعترف جنت ضعيفه الشخصيه وجنت اكدر ما اخليه بكل الطرق يتقرب ع بناتي بس خوفي كتلني وشخصيتي الهزيله جانن السبب في ماساتي ‘
نشرت قصتي هذه كي تكون عبره ودرس لباقي الامهات بان ينتبهو الى بناتهم لانهم امانه في اعناقهم وان يكونو ذو شخصيه قويه كي لا يقعو في الي وقعت انا به وانصح بناتنه ان يحافضو ع لبسهم ويحافضو ع الصلاة وقراءه القران وان لا يبرزن مفاتنهن حتى امام المحارم لان الشيطان وسواس.
هذه قصتي انا صفيه حصلت في بغداد عام 1999.
#ليوثي المياحي
حاولت ان اعيد لكم كتابه هذه القصه وباسلوب سهل ومبسط وبتفاصيل صغيره وبعنصر التشويق لانها اساس نجاح القصه قد اكون اطلت عليكم لكن الصبر جميل اشكركم ع حسن متابعتكم لكتابتي واشكر كافه تعاليقكم القيمه واعتذر من كاتبه القصه (ف) واعتذر من كافه احبائي القراء لاني لم استطع الرد على كافه تعاليقهم واخيرا شكرا لقصص من واقعنا على سعه الصدر تقبلو تحياتي... ليوثي المياحي وتابعوني في قصه جديده (كريم زحلاوي#)
