Ang Buhay Ko (A Buko Love Story) [ COMPLETE ]

CHAPTER TEN

IPINATAWAG ni Senora Aurora si Jeremy kaya naman agad siyang sumunod upang punatah ito sa study. Gusto sana niyang silipin muna si Kim sa kwarto nito ngunit naisip niyang mamaya nalang niya gagawin iyon. At least, wala silang time pressure para sa kanilang mga sarili. He really couldn't wait to kiss her sweet lips again.

Napangiti siya sa naisip.

Nakaupo si Senora sa swivel chair nito pagpasok niya. Agad niyang nginitian ito at ganoon din ang ginawa nito sa kanya.

"So, hijo kalian mo balak sabihin sa'kin ang relasyon ninyo ni Kim?"

Napatitig siya sa matanda. Hindi pa siya pormal na nakakapagpaalam kay Senora tungkol sa relasyon nilang dalawa ni Kim dahil madalas iyong nawawala sa isip. When he was with her, things—including time, often slips away from his mind.

Hindi galit si Senora, sigurado siya doon dahil nakangiti ito sa kanya. She just sounded like a normal grandmother accusing the boyfriend of her grand daughter for not telling her that they were already official.

"Pasensiya na po senora. Balak ko naman po talagang sabihin sa inyo ito, kaya lang..." paano niya sasabihin nakakalimutan niya?

Iwinasiwas ni Senora Aurora ang kamay nito sa kanya. "Never mind that hijo. I just want to know how much you love her."

He smiled. It was too easy to answer kaya naman inilahad niya kay Senora ng lahat mula sa simula. Kung paano niya minahal si Kim at paano niya pinagbuti ang kanyang sarili para sa dalaga. Ang mga ginawa niyang pagsunod-sunod dito sa Maynila—lahat. "She is my life Senora. She's everything to me..." aniya matapos niyang magkwento dito.

Pansamatalang natihimik ang matanda at mataman lamang na nakatitig sa kanya. Pakiramdam niya ay para siyang nasa isang husgado at naghihintay ng kanyang hatol. Ngunit alam niyang hindi siya dapat kabahan. He told the truth and poured his heart out kaya bakit siya kakabahan?

"Gusto kong magpasalamat sayo sa ginawa mo para sa apo ko, Jeremy," panimula ni Senora Aurora. "Hindi ko alam ang gagawin ko kung hindi mo ginawa ang mga bagay na ginawa mo para kay Kim. She was so broken when she arrived here, yet you stayed with her and made her happy. It was something I never really expected that you would do, but you did it anyway."

She was smiling and he knew he just passed the court trial.

"At bilang pasasalamat, gusto sana kitang bigyan ng isang parte ng lupain dito sa hacienda... "

Nabigla siya sa narinig. Isang lupain? It was a very tempting deal considering that the every piece of land in Hacienda Azuela is profitable. Ngunit hindi niya iyon tatanggapin. His love for Kim was beyond any land or any amount of money. "Pasensiya na senora, hindi ko po matatanggap iyan. Ginawa ko po ang lahat ng iyon para kay Kim dahil mahal ko siya. At hindi po matatawaran ng kahit anong kapalit ang pagmamahal na iyon."

Senora Aurora stood up before him. Kahit na may edad ang ginang, alam niya kung gaano nakakaintimidate ito. "Alam mo bang tinanong din ako ng ina ng yumao kong esposo kung gusto ko ng isang bahagi ng lupain sa hacienda? Patago ang naging relasyon naming noon ni Fernando dahil natatakot akong hindi ako matatanggap ng pamilya niya. Ngunit kalaunan, natuklasan nila iyon at kinausap ako ni mama."

"Kagaya mo, tumanggi ako. Hindi pera ng pamilya ni Fernando ang gusto ko, siya. Mamahalin ko siya kahit anong mangyari, maghirap man siya. Hindi importante sa'kin ang kayamanan hangga't alam kong nagmamahalan kami." Bumaling sa kanya si Senora Auroa. "Napakasarap muling pakinggan ang mga salitang mula sa puso, Jeremy. At alam kong mahal na mahal mo ang apo ko. Maraming salamat at ibinibigay ko ang basbas ko kung gusto mong pakasalan si Kim."