مشيت بكل ثقة في طريقها لـ مكتبها الجديد..
دخلتو و بصت بكل فخر..
ايوة فخر اخيرا خدت الوظيفة دي بعد تعب كانت يأست انها تشتغل في مجلها في مكان كويس
قعدت علي المكتب تجربو..
خدت نفس عميق بعدها تنهدت
"شكلها هتحلو ولا اي يا ياسو"
فصل لاحظة الفخر دي واحد
"معتقدش ان الموضوع حلو اوي كدة زي ما انتي شايفة"
بصتلو ب استغراب
"انت مين ؟و ازاي تدخل كدة؟ "
"هو انا دخلت عليكي الحمام يعني؟ "
قالها ب استهزاء
بصتلو ب معني •انت اهبل!!•
قرب منها و مد ايدو عشان يسلم
"انا ادم زميلك هنا و هكون الاستشاري بتاعك لو احتاجتي اي حاجة هنا و هعرفك علي المكان"
سلمت عليه
"و انا ياسمين"
ادم:عارف مفيش كلام هنا إلا عليكي
ياسمين بخضة:نعم؟ لي ان شاءالله
ادم:اهدي مش حاجة وحشة.. يعني انتي اول بنت تشتغل هنا دكتورة
ياسمين:و فيها اي؟
ادم:يعني الموضوع شيفينو امممم مش مناسب اوي لـ بنت بس اشطة انا شايف في عنيكي اصرار و عجبني اوي علي فكرة اه و لو احتاجتي حماية انا موجود طبعا
قالها و غمز في اخر كلامو
لاحظت في نبرت صوتو و معني كلامو سخرية
ياسمين بثفة مزيفة :شكرا.. بس انا مش محتاجه حماية انا بنت اه بس اعرف كويس ادفع عن نفسي
قالتها بتحدي
ادم:عارفة الدكتور مدحت ديماً لما بيجي حد جديد بيحب يسألنا مين يحب يكون الاستشاري بتاعو.. اول ما عرفنا ان الجديد ده بنت محدش كان راضي ياخد الخطوة دي
ياسمين:لي؟ هو انا بوعبوع ولا اي
ادم:بوعبوع؟ هههه لا مش للدرجة دي.. بس الكل هنا متأكد انك مش هتقدري تكملي و هتحبي انك تسيبي المكان بسرعة ممكن حته متكمليش اول شهر ليكي فـ محدش عايز يضيع وقتو من الاخر
ياسمين حاولت مسك اعصابها :علي فكرة كلامك فيه نبرة سخرية و كمان في اهانا ليا و الموضوع ده منرفزني ف يا ريت يعني منتكلمش في الموضوع ده انا جيت هنا عشان اشتغل و بس
ادم :عظيم
ياسمين:اه و اثبت نفسي لكل حد هنا سواء مؤمن اني هعرف اكمل او حتي مش مؤمن
أنت تقرأ
The Doctor
Poetry"انا... انا اسمي حسين... " قالها بتوتر مع ابتسامة خفيفة لتظهر غمازات وجه التي تبين جمال ابتسامتة مع عيونة العسلية نظر للارض ثم اعاد نظره اليها بتوتر زائد و اكمل.. "ممكن اخود واحدة؟ " نظرت له ب ابتسامة "اكيد تقدر تاخد زي ما انت عايز " اخد قطعة من...
