The Doctor

Part 7 "اصحاب ولا لسه"

وصلت ياسمين المطعم رمت نظرة علي المكان ملقتش ادم او اسر حتي..

دخلت و قعدت علي طربيزة اخترتها جمب الشباك عشان تشوف النيل شكلها هتستنا شوية..
طلعت سجارة من شنطتها و ولعتها

خلصت السجارة و قعد قرب الربع ساعة طلعت موبيلها قررت تكلم ادم
لسه بتتصل لقيت صوت اسر في المكان بصتلو لقتو بيتكلم ب ضيق مع واحدة و شكلو مضايق و هو بيتكلم
تمتمت ل نفسها بسخرية
"هو ديماً كدة مش طايق نفسو"

قربو منها لما لاحظوها و قعدو

ادم:ياسمين اعرفك هايدي مراتي
ياسمين ابتسمت و بدلتها السلام

ادم:و كارمن خطيبة اسر
سلمت عليها بس بالرغب من ابتسامة كارمن بس هي متأكدة انها مضايقة و مش في حالتها الطبيعية..

"و مين عارف مش ممكن تكون دي حالتها الطبيعية و متخلفة زي اسر الطيور علي اشكالها تقع "
قالتها في سرها و بدلتها الابتسامة

قعدو اتعرفو علي بعض اكتر او ب معني اصح
ياسمين اتعرفت علي هايدي...
كارمن كان فيها اللي مكفيها و مكنتش في مود انها تتعرف علي حد كل ما تفتكر اللي اسر عملو قصاد ادم و هايدي تضايق اكتر

بتحاول تصبر علي اسر بس هو ديما بيضيقها ب تصرفاته و هي صبرها خلاص قرب يخلص..

اما ادم ف هو يعرف ياسمين نوعاً ما بس كان قاعد بيشركهم الكلام و اسر بقي مش طايق ياسمين كدة كدة ف قرر انو ميهتمش ب كلامهم و يقعد علي موبايلو

ياسمين :و انتي كمان دكتورة؟

هايدي:لا مليش في الكلام ده..  انا خريجة سياسة و اقتصاد بشتغل في بنك في الاقتصاد

ياسمين:حلو اوي.. و اتعرفتو علي بعض ازاي

ادم:كنا في نفس الجامعة بس الكليات مختلفة عادي

ياسمين:اها اكيد كنتو couple هايل في الجامعة

هايدي:ها!! 

ياسمين:اي قلت حاجة غلط؟

ادم:هه لا لا اصل لما طلبت ايد هايدي هي مكنتش تعرف يعني عملتها مفاجأة يعني و كنت في اخر سنة في الكلية

ياسمين:الله حلو اوي بجد متخيلتش ان ده يطلع منك

ادم ضحك بتوتر

اسر بسخرية:والله ولا حد توقعها منو

ياسمين :ازاي