Nakilala kita ng di inaasahan
Mga panahon hindi ako naniniwala sa tamang pagkakataon
Na parang lahat ay isang laro na walang sumerseryoso,
na ang pagkahulog ng loob ay simbolo ng pagkatalo
na ang mundo ay puno ng gago at isa ako sa biktima nito
Hindi ko inakala na makikilala mo ako sa ganitong klaseng estado,
na sa ganito pa magsisimula ang ating kwento.
Nakiagos lamang ako sa hangin,
Hanggang sa mapadpad ako sa iyong piling.
Nakiramdam kung ako'y dapat bang manatili o tuluyang aalis kasabay ng hangin umiihip,
Ngunit tila huminto ang pagihip
at hinayaan ako manatili ng saglit
Sa bawat minuto ng pananatili
mayroon akong hindi mawari,
Habang ang mga mata mo'y nakakatitig parang may nais itong ipahiwatig
kasabay ng pagkapit sa akin ng mahigpit.
Nakaramdam ako ng kakaiba,
Nakapangingilabot na saya at di mapagtantong ligaya
Isang sandali na pilit nating sinusulit na dalawa.
Pero bakit ganito at naguguluhan ako
Isusugal ko ba na manatili sa piling mo o hahayaan na lamang tangayin ulit ako?
Kasabay ng agam-agam at pagaalinlangan
Bigla mo akong hinagkan, sabay pagbigkas ng mga katagang "hindi kita iiwan"
Tila ako'y nagising at nahimasmasan sa mga salitang binitawan,
Pagaalinlangan at agam-agam unti unti kong nakalimutan.
Ang matagal ko ng ipinagdarasal sa wakas akin din nakamtan,
Ang nagpatunay na ang salitang "Mahal Kita" ay may malalim na kahulugan
At ang katagang "Hindi kita iiwan" ay madaling panindigan.
Isang hindi inaasahan na sa simpleng pagagos sa hangin, ikaw ay natagpuan.
BINABASA MO ANG
Sulat
PoetryKung anu-ano lang na nakasulat sa wikang Tagalog. P.s Apologies to all my non-tagalog speaking friends, but I chose to write this in Tagalog. Salamat!