အသက်၁၄နှစ်အရွယ် ကျောက်မေရှောင်းဟာ အခုတစ်လော ထူးထူးဆန်းဆန်းတွေပြုမူနေတယ်။ ကျောက်မေရှောင်းဟာ ဆိုးသွမ်းတယ်, အလိုလိုက်ထားလို့ အကျင့်ပျက်နေတယ်, ယဉ်ကျေးမှုမရှိဘူးလို့ စီရင်စုမှာရှိတဲ့ လူတိုင်းသိကြတယ်။ ကျောက်မိသားစုက အစေခံတွေလဲ သူတို့မမလေးမှာ ဆိုးဝါးလှတဲ့ အကျင့်စရိုက်တွေရှိတာ သိကြတယ်။ ဒါကြောင့် တစ်နေ့တော့ မိန်းကလေးငယ်လေးဟာ အိမ်တော်ထဲမှာ ဟိုကြည့်ဒီကြည့်လျှောက်ကြည့်ဖို့ သူမအခန်းထဲထွက်လာကတည်းက သူမတော်တော်လေး အိနြေ္ဒရနေတယ်ဆိုပြီး လူတိုင်းအံ့သြနေကြတယ်။ လှပတဲ့မိန်းမငယ်လေးဟာ လက်တစ်ဖက်ကနေ စက္ကူ ယက်တောင်လေးကိုင်ပြီး ပတ်ဝန်းကျင်ကို ဟိုဟိုဒီဒီကြည့်ကာ အိနြေ္ဒရစွာ လှမ်းလျှောက်လာနေတယ်။ သူမရဲ့ပါးပေါ်က ပါးချိုင့်လေးပေါ်အောင် ပြုံးလိုက်တဲ့အခါမှာတော့ အနီးနားမှာရှိတဲ့ အစေခံတွေအသက်ရှူ ကျပ်ချင်ချင်တောင်ဖြစ်သွားကြတယ်။ ကျောက်မေရှောင်းရဲ့အပြုံးဟာ များသောအားဖြင့် "နင်တို့တွေကငါ့အောက်ကလူတွေပဲ" ဆိုပြီး ချိုးနှိမ်နေသယောင်ပဲ ပြုံးလေ့ရှိတယ်။ ဒါကြောင့် သူမဘယ်လောက်ပဲလှလှ အထက်စီးဆန်လှတဲ့ အပြုံးတစ်ခုမှာ ချစ်ခင်နှစ်သက်ဖွယ် ရှိတယ်ဆိုတာကို ဘယ်သူမှ ရှာတွေ့နိုင်မှာမဟုတ်ဘူး။ ဒါပေမဲ့ အခုတော့ အိမ်တော်မှာရှိတဲ့ လူတွေအကုန်လုံးကို သူမရဲ့အပြုံးချိုချိုလေးတစ်ခုက ညှို့ယူသွားခဲ့တယ်။
ကျောက်မေရှောင်းရဲ့ပြောင်းလဲမှုကို သတိထားမိနေတာ အစေခံတွေတင်မဟုတ်ပါဘူး။ သူမရဲ့အဖေ, မြို့စားကြီးလဲ သူ့ချစ်သမီးရဲ့ ပြောင်းလဲမှုတွေကို သတိထားမိခဲ့တယ်။ သူမ နေမကောင်းလို့များလားလို့ သူမေးလိုက်တဲ့အခါ, ကျောက်မေရှောင်းဟာ ရယ်မောပြီး 'အရင်မေရှောင်း' လုပ်သလိုမျိုး သူမအဖေရဲ့လက်မောင်းကို ဖက်လိုက်တယ်။ အဖေတစ်ယောက်အနေနဲ့ သူ့အချစ်ဆုံးသမီးလေးဆီမှာ ဒီလိုချစ်စဖွယ် နှုတ်ခမ်းစူစူအမူအရာလေးတွေ တွေ့လိုက်ရတော့ သူဘာမှတောင်ဆက်မမေးနိုင်တော့ပဲကျေနပ်သွားတယ်။ သူ့သမီးလေးရင့်ကျက်လာတယ်လို့ပဲယူဆပြီး မြို့စားကြီးဟာ ကျောက်မေရှောင်းရဲ့ ရုတ်တရက်ပြောင်းလဲမှုကို မေးခွန်းထပ်မထုတ်တော့တဲ့အခါ အခြားဘယ်သူကထပ်မေးဝံ့တော့မှာလဲ။
YOU ARE READING
အချစ်ဂိမ်း (Myanmar Translation)
Romanceမင်းဂိမ်းကစားချင်လား? စည်းကမ်းချက်တွေကတော့ ရိုးရှင်းပါတယ်.. တစ်စုံတစ်ယောက်မင်းကို အရူးအမူးချစ်သွားအောင်, မင်းတစ်ယောက်တည်းကိုပဲ သစ္စာရှိအောင်, သူရဲ့ နောက်ဆုံးနေဝင်ချိန်အထိ မင်းတစ်ယောက်ထဲကိုပဲ ဂရုစိုက်သွားအောင် လု...