للذكريات رأي آخر
للكاتبة Reem
البارت الرابع
رجاء ام ياسر : شوف ابوياسر من الاخير ابني ميتزوج هيج وحده حثاله
ابوياسر : يوميه ابنج موكعنا بمشكله بس فهميني الى متى نبقى نغطي على اغلاطه البنيه حامل والولد ابنا شنكول لله
رجاء: شوف لو ماهي وحده رخيصه متقبل على نفسها تمارس بالحرام وفوكاها تحبل
ابوياسر : غير ابنج مقشمرها وكايل اله هذا الزواج حلال وهي باكر يعني الزواج باطل ابنج شيطان وتعرفين بيه الى متى يوميه كاسر رگبة بنيه وسادين الشغله اله كافي خلي يحس بالمسؤوليه راح اخذه واخلي يعقد على البنيه وبس تجيب عود وراها خلي يطلكها
رجاء : لو تنگلب الدنيا مااخلي هاي السافله وابنها ابن الحرام ينحسبون على عائلتي
ياسر : شكوو صوتكم واصل للشارع
ابوياسر : طبعاً استاذ انت شعندك كاعد وساكت ومرتاح واحنا نركض وره مصايبك
اسمع لك باجر نروح اني وياك نعقدلك على هديل تتزوجها وننهي هاي المهزله
ياسر : لو اخر مره مااتزوجها شلون تريد اتزوج وحده باعت نفسها واهلها شلون أمن على اسمي وعائلتي
ابو ياسر : ولك لتخبلني مو انت قشمرتها والبنيه تحبك وسمعت كلامك
ياسر : بابا من الاخير هي لو شريفة ومتربايه لو مو اقشمرها لو ابوس رجلها متقبل بس هاي وحده بايعه نفسها لخاطر الفلوس والونسه يطبها مرض هي تحير بروحها الي يجي من ايده الله يزيده
رجاء: تعال كولي انت مو كلت خطبتها حتى تنزل الطفل شو الخاتون هسه طلعت حامل يعني كذبت عليه ذيج المره
ياسر : ماما مفيد هذا الحجي بعد من الاخير هاي البنيه لو يصبوها ذهب مااريدها
رجاء : حسابك بعدين خلي تخلص هاي الشغله واني اعلمك شلون تكذب عليه
اعتقد سمعت كلام ابنك من الاخير زواج ماكو واي فلوس يردوها انطي لااهلها وخلي نخلص من هاي الحثالات
ابو ياسر : لااله الاالله ولكم اتقوا الله بأعراض العالم ليروح ربج يگلبها بينا
رجاء: لدوخنا الموضوع انتهى
ام محمد: يمه محمد شبيج صارلك كم يوم وضعك مو طبيعي اكل متاكل والليل والنهار الجكاره بأيدك متفاركها بس فهمني شصار انت واكع بمشكله بيك شى
محمد : يوم لتخافين مابيه شى بس شوي تعبان
ام محمد: محمد لتوجع قلبي عليك ياتعبان شوف حالك وجهك تكول عندك ميت يمه فهمني انت متضم عليه شى ولا تكذب فهمني يجوز اكدر اساعدك
محمد : يمه رحمه لااهلج جوزي مني كتلج مابيه شى شويه تعبان يعني شلون واحد ميرتاح بهذا المهجوم اله يهج بالشارع
ام محمد: خلف الله عليك يمه اول تالي تعلي صوتك عليه ولتنسى هذا المهجوم بيت ابوك وبيتنا
محمد : يمه عذريني فدوه روحي بخشمي ومالي حيل الحجي والملحه اتركيني وهاي راسج ابوسها وايدج بس رحمه لاابويه اتركيني ارتاح
ام محمد: رايحه يمه الله يبرد نار قلبج ويفتحها بوجهك ياابن بطني
YOU ARE READING
للذكريات رأي اخر
Romanceقصة عراقيه حقيقيه ممزوجه بمواقف من الخيال تحكي عن الحب المستحيل وتأثير المستوى المادي على الحب وعن زواج المتعه وتأثيره على البنت واهلها وتحكي عن ادمانك لشخص وفجاه تجده غير مقدر لحبك واهتمامك وتضحيتك فهل للذكريات تأثير في حياتنا وهل الذكريات قادر...
