للذكريات رأي اخر

البارت الواحد والعشرون

للذكريات رأي آخر
للكاتبه Reem
البارت الواحد والعشرون

اكيد تريدون تعرفون شصار وين جنت گـ❈ٍـْلٍ هاي السنين اني واحد من بين مئات الاشخاص الي انوخذوا غدر وبدون وجهه حق

واحد من بين مئات ومو بس المئات الالاف الاشخاص الي گـ❈ٍـْلٍ ذنبهم عايشين بالعراق العظيم
وهواي نااس انفقدت اما بسبب ديانته او مذهبه او اسمه او كنيته مع الاسف هذا حال العراق وحال الالاف مثلي بس الفرق يمكن الله يحبني وكتبلي عمر حتى ارجع ولكن اكو غيري ماتواا ومحد عرف عنهم شى او بقوا الهذا يومنا بالسجون السريه حتى لحد يعرف تواجدهم

ورغم وجود ابرياء بكثره بس ماكو عدل بالعراق لهذا نشوف الارهابي يطلع ركض بس مجرد ميورق كم دفتر من الدولارات واحنا ولد الخايبه كاتلنا الضيم بالسجون

بعد مطلعت من البيت واتوجهت للبصره جان اكوه معارك واعتقالات بوقتها اسمها صوله الفرسان جانت ضد جيش المهدي والاعتقالات بفلس وخاصه من المحافظات والدنيا محتركه ماانكر بلحظتها متندمت لان طلعت بله اني من گـ❈ٍـْلٍ عقلي عايف بغداد واهلي بهاي الظروف وجاي للبصره جان اعتذرت صح صديقي لح عليه بس مو معناه اجي بهيج وقت وخاصه الامريكان منتشرين والوضع مو تمام

صعدت عبريه بالكيه وتوجهت للبصره واحنا وصلنا منطقه اسمها

وقفتنا دوريه مشتركه بين الامريكان والعراقين ونزلونا واحد واحد جيب هويتك

هو الحظه طايح كوه يرجه يتعدل
وجان يطلع ويانه بالكيه 3 ولد بجيش المهدي ومطلوبين بالاول هوياتهم مزوره لكفوهم كهويات مزوره وحطوهم على صفحه ويدورون بصورهم ساعه كامله وجان تطلع عدهم بالحاسبه صورهم وتأكدوا همه تعرفون بذاك الوقت ماكو شى اسمه اني معليه لو اني مو وياهم لو مااعرفهم خاصه ويه الامريكان
لهذا اجت تعليمات الكيه كلها يتم القاء القبض عليها والتحقيق وياها ولان اغلب الموجودين من مدينه الصدر والسايق بالذات اعتبروا الكيه تابعه لجيش المهدي

حاولنا بكل الطرق اني و٥ ولد نفهمهم يابه مو وياهم مالنا علاقه ميفيد
ولان بوقتها جان متوصي على جماعه جيش المهدي توصيه معدله من فوك جان الي يلقون القبض عليه ميسجلون اسمائهم وينحطون بسجون سريه داخل السجن الرئيسي والي هو سجن بوگه وهذا الشى عرفناه وره سنه من بقائنا بالسجن عرفنا اسمائنا متنكتب تنكتب على شكل احرف او ارقاام ومكانه غير معلوم رغم تواجدنا داخل سجن بوكه بس بمكانات سريه

وبعد التحقيقات والضرب والاهانات الي اعترف اعترف والي نكر وبقى مصر على كلامه والي من كثر التعذيب اعترف بشى ممسوي اما تشابه الاسماء هاي كارثه اكبر

حاولت بكل الطرق اول لااهلي وابلغهم اقلها يعرفون بيه عايش ماكوو احنا جنا معزولين عن السجناء ولا واحد من عدنا طلع حتى بلكت نحمل هذا الشخص عناوين بيوتنا بلكت يوصل لااهلنا