للذكريات رأي اخر

البارت الرابع والعشرون

للذكريات رأي آخر
للكاتبة Reem

البارت الرابع والعشرون

أمنيه : حياتي حلووه ويه رعد نادراً منختلف واذا اختلفنا احاول ماازعله واسكت وهو من يشوفني ساكته يجي يصالحني حتى لو اني الغلطانه هاي سوالف تقى هيج علمتني
وخوش تعلوم هههههه كام حتى ميزعلني لان يعرف بالاخير هو يجي يصالح

خالتي حبابه وبدت تستوعب علاقتي برعد وحبي اله وحتى ايهم بالبدايه ترددت اجيبه لبيت عيالي خفت من ردت فعلهم بس ماما تعبانه وايهومي حرگ وكح ويرادله مراقبه واخاف عليه استأذنت من خالتي اجيبه لان تعب ماما وبنفس الوقت كعد اشتاقله وخالتي تفهمت الوضع وجبته لبيت عيالي
شفت تعاملهم وياه يحبوه ويعاملوه مثل صوفي حتى مرات اشوف محمد يعلم مصطفى ابنه ويكوله هذا ابن عمك خاف عليه ولتخلي احد يضربه وهو مثل اخوك جنت ادمع من اشوف حبهم لاايهم واشوف تعاملهم الطيب واذكر جبار شسوه بهاي العائله وشلون عيشهم برعب على ابنهم ومقابل هذا التعامل يعاملون ابنه بكل حب

اما رعد تكول عبالك ابنه ودوم ويااه واصلاً ايهم لسان وحلوو ابيض وعيونه صفر كولش حلوو على امه الحقيره شكله لان زوجت جبار جانت حلووه

المهم حياتي نوعاً ما هادئه ومستقره بس شى واحد تاعبني لحد هسه مصرت حامل
جنت من اصفن واتذكر وضعي شلون اشرب حبوب منع الحمل حتى لااحبل من ازهر وادعي رب العالمين مااحبل وهسه ادعي بتوسل وبجي حتى احبل من رعد
مااعرف بسبب العلاجات الي جنت اخذهم محبلت القلق دمرني صح صار اشهر من اتزوجنا بس اني اريد طفل يحمل اسم رعد من دمنا يتوج حبنا

خالتي مرات تبسمرني بس اسكت ومرات ابجي بس مااحسس احد

رعد : دخلت على منوش للغرفه لكيتها تبجي
شبي حبيبي يبجي منوو ويااج
أمنيه : لا گلبي مابيه شى سلامتك
رعد : تحجين لو اطلع اسأل ياسه احسن لان هاي استخبارات البيت وكولشي تعرف

أمنيه : ضحكت وبعيوني الدموع اي والله صدوك كولشي تعرف
رعد : حضنتها شبيج رويحتي كوليلي شنو الي مزعل حبيبي الدنيا احركها لعيونج كله ولا تبجين
أمنيه : رعد اني ليش لحد هسه محبلت
رعد : شنوو علمود هذا الموضوع تبجين
أمنيه : ليش هو هذا موضوع هين

رعد : سمعيني منوش اول شى احنا صار كم شهر متزوجين مصار سنين وثاني شى لو سنين والعمر كله ماكوو اطفال مااهتم
أمنيه : شلون متهتم لتخبلني اكيد انت تريد طفل يحمل اسمك

رعد : ماانكر اريد بس لان انتي امه مو علمود شى وحتى لو مصار وربج مو مهم ولا ادير بال انتي بنتي وعندي تسوين الدنيا

أمنيه : بس هسه الحجي اذا مرت سنين ومصار اطفال مستحيل يكون هذا شعورك وكلامك راح يتغير مو بيدك ولا راح الومك

رعد : لزمت وجهه بأثنين ايديه وقربتها مني
اسمعي منوش انت عندي تعادلين ١٠٠ طفل ولو خيروني قبل ويخيروني هسه وبعد ٢٠ سنه ويكولولي لو الاطفال لو امنيه
وروح ابويه وداعت عيونج الي اموت عليهن اختارج انتي ولج خبله ان مصدك ماخذج نومتج بحضني تالي الليل تسوه الدنيا ومابيها هاي انفاسج من تجي بوجهي واني نايم جنت احلم والله بيهم ويوم ميصيرون الي وبوجهي اتذمر واكول والله الطفل اهم
بشرفي انتي مو صاحيه