للذكريات رأي آخر
للكاتبة Reem
البارت التاسع عشر
اخذت ايام عمري وسافرت لبعيد
وخليت الدمع بجفاك سابيني
ما انساك لحضه وانته تعرف زين
واذا عني تغيب عيوني تعميني
تعلمت السهر وعيوني ابد متنام
يموتني اشتياقي وحيل ياذيني
تلوعني بغيابك كوه اصبر الروح
وازرعها بأمل والصبر يجويني
سميتك شعر وسنين اكتب بيك
واضل اكتب عليك وما افك ديني
تقى : وخرت من حضن نصر منو هذا الولد
نصر : مااعرفه بس يمكن استاذ وياج بالكليه اسمه عماد
تقى : شنووووووو عماااد
نصر : شبيج تقى
تقى : وكفت على حيلي لو اموت مااتزوج عماد
نصر : ليش شبيه
تقى : هذا واحد حقير صار مده يركض ورايه رغم جان يدري ڰـْـْـْـڷْشْـْشْ زين اني متزوجه وبقى يتعرضلي وشكد صديته ورفضته ونفس الشى
نصر : وليش مگلتي لمحمد بوقتها
تقى : مكتله لان مااريده يتعارك ويااه وبنفس الوقت راح تصير ضجه بالكليه واحتمال الكل يسمع وتعرف انت بعد الناس متعود تلكه قصه تحجي بيها وفضيحه يتونسون عليها لهذا جنت دووم اني اصده لعماد بس هو شلون وصل لعنواني
نصر : ماكو اسهل منها يسأل اي احد مقرب منج
تقى : فدووه نصر ساعدني اني مااريد اتزوج لا عماد ولا اي احد اريد ابقى انتظر محمد اني متأكده عايش گلبي حااس هو عايش
نصر : تدرين اتمنى كلامج صح بس مع الاسف تقاوي مااعتقد احساسج صحً
وخاصه بالوضع الحالي الالاف الشباب طلعوا ومرجعوا والطب العدلي مليان مجهولين الهويه
تقى : اششش لتكمل راح يرجع متأكده
نصر : ياارب
تقى : شلون لعد ماازوج لو تنگلب الدنيا.
نصر : اكعدي ويه حسين واحجي بهدوء ويااه عسى ولعل يقبل تبقين بلا زواج بس مال يرجعج لبيت محمد مستحيل
تقى : عادي والله ابقى عايشه هنا بس ليزوجني
حمدية ام حسين: هاايمه بشريني شلون صرتي
تقى : باوعت عليها متكوليلي شوكت تحسين بيه شوكت تاخذين دورج الطبيعي بحياتي
حمدية ام حسين: شبيج بنيتي شمسويه اني
تقى : هي هاي المصيبه ممسويه ولا راح تسوين تشوفين حسين يگتلني ويأذيني ويفرض شى عليه اني مااريده وانتي باقيه وماخذه وضع المتفرج
شنوو الي بيدي كولي واني اسوي المهم راحتج وتكونين راضيه
تقى : عمري مراح ارضى عنج ودووم راح تبقين سبب تعبي وعذابي بالدنيا واعرف حتى لو احجي واطلب منج هم اطلعين عذر
بأن متكدرين
حمدية ام حسين: لو بعد سنين تبقين تكرهيني ومراح تشوفيني امج بيوم
تقى : ولا اريد اشوف وعوفوني ارتاح كاافي
وين صوفي
نصر : يم بيبيته ام محمد تريدين اروح اجيبه الج
تقى : لا عوفه اليوم يبات بحضن خاله لان صار كم يوم مدينام زين وباجر الصبح جيبه بس روح اخذ الحليب مالته وديه اذا مصارت زحمه عليك اخاف يجوع بالليل وماكو حليب عدهم وبلغهم بأن صوفي يبقى يمهم هاي اليومين
حمدية ام حسين: وليش يومين
تقى : بكيفي ابني واني حره بيه يوم مشمرتيني لااختج احد كلج ليش هيج سويتي
ماااريد احجي عوفوني وحدي
YOU ARE READING
للذكريات رأي اخر
Romanceقصة عراقيه حقيقيه ممزوجه بمواقف من الخيال تحكي عن الحب المستحيل وتأثير المستوى المادي على الحب وعن زواج المتعه وتأثيره على البنت واهلها وتحكي عن ادمانك لشخص وفجاه تجده غير مقدر لحبك واهتمامك وتضحيتك فهل للذكريات تأثير في حياتنا وهل الذكريات قادر...
