للذكريات رأي آخر
للكاتبة Reem
البارت الثاني والعشرون
بيه ســبع ارواح بس كلساع اموت،'
واخخ ياروحي شتهت خناگها،!
هاني : اقدملكم امنيه خطيبتي
رعد : بقيت ارمش الي دااشوفه صح لو كاعد اتخيل
زيد : هلووو منوش عاش من شافج
هاني : شنو تعرفوها
أمنيه : اي زملائي جانو بالكليه زيد ورعد
هاني : اكعدي حبيبتي شنو هاي الصدفه الي تخبل
أمنيه : فعلاً صدفه حلووه شلونك رعد
رعد : مااعرف شأسوي احس الموقف فوق طاقه احتمالي
الْحٍمَدٍ للـّہ انتي شلونج
أمنيه : تمااام
شلونج ام مصطفى يارب بًخٌـًـُيّر
تقى : بقلبي ارجف خرب بحضج تقى حتى من اريد اطلع اغير جو واشوف ناس تصيرلي كارثه تغير كولشي
الْحٍمَدٍ للـّہ قلبي
رعد : تقربت على زيد انت اله تكول نعرفها
زيد : شمدريني اني من شفتها تفاجأت وطلعت مني وثانياً شكوو بيها قابل كذب منعرفها بالعكس حتى من نحجي وياها خطيبها يعتبر الوضع طبيعي لان زملاء
أمنيه : من وصلت للمطعم وشفت رعد اني رجلي متشيلني احس اريد اركض اطلع من هذا المكان مااريد اشوفه ولا يشوفني
ابتعدنا وطريقنا اختلف مااريد اي شى يجمعني بيه اني تعبت ايام وليالي بس ابجي واختنك بسببه وهو متزوج وعايش حياته اتصرفت طبيعي وكأني قويه بس قلبي اااااااه بيه عيطه تكعد الموتى من كثر الالم
يعني ياهاني من دون گـ❈ٍـْلٍ الناس كل هاي الشباب متصادق اله رعد
ليش گـ❈ٍـْلٍ ماابتعد دربي يجيبني ليمك
رعد : اريد اكوم اكطعها اجرها واوخرها منه كاعده بصفه وتبتسم ولا كأني كاعد كبالها اني كل شويه ابعد عيوني وادير وجهي حتى ماابين كدام هاني عيب هذا صديقي وهي هسه خطيبته مااريد عباله اباوع عليها
لو تدري ياهاني هاي منوو هاي رويحتي وانفاسي هاي الي شميتها قبل متلمح طرف اصبعها
مبروك الخطوبه
أمنيه : الله يبارك بيك شكراً
رعد : صدوك هاني شلون تعرفت عليها
هاني : اوووو قصه طويله
بس احجيها مختصر الك
جنت رايح للاردن اكمل صفقه مال الادويه قبل سنه تتذكر مال الشركه المتحده وبقيت هناك كم يوم وجانوا اهل امنيه الهم شهرين من واصلين جيران يمي وبيوم ساعه بالوحده بليل جنت اقرا كتاب طبي ومندمج سمعت صوت قوي ومبين صياح مديت راسي شفت امنيه تركض منا ومنا تريد تشغل سيارتها وترجف عرفتها عراقيه وجانت تبجي من حسن حظي اتوجهت الها وسألتها اختي محتاجه مساعده
كالت والدي تخربط واني مااندل اريد طبيب
كتلها اني طبيب صفنت عبالها اشاقه
ورحت والحمدلله جانت مجرد نوبه خفيفه وكدرت اتلافه الموقف وراها ضلت بالي ويوميه مسويلي حجه شكل ومن شفت طفل يمها يصيح الها ماما
انقهرت بوقتها عبالي ابنها ومتزوجه
وجان اكو شاب يطب ويطلع عليهم عبالي زوجها لحد متعرفت عليه وطلع اخوها
YOU ARE READING
للذكريات رأي اخر
Romanceقصة عراقيه حقيقيه ممزوجه بمواقف من الخيال تحكي عن الحب المستحيل وتأثير المستوى المادي على الحب وعن زواج المتعه وتأثيره على البنت واهلها وتحكي عن ادمانك لشخص وفجاه تجده غير مقدر لحبك واهتمامك وتضحيتك فهل للذكريات تأثير في حياتنا وهل الذكريات قادر...
