للذكريات رأي آخر
للكاتبة Reem
البارت الثالث والعشرون
هيه مو شغلة ضعف ﻻ والرسول
المشكله بكلبي يحن كلش اله
هواي عذبني بكثر عشك اليتيم
من يحن ل امه ويحس مترد اله
شسوي كلبي من يحب كلش عجيب
ينبض بصدري ويدك كلهن اله 💙
محمد : اني كاعد بالصاله اشرب جاي ومااشوف غير الباب تندك قوي اريد اندل دربي ماكو ركض فتحت الباب واشوف زيد يلهث وكوه يحجي
ولك شكو احجي
زيد : الحك رعد راح لبيت امنيه
محمد : شعنده
زيد : سمع بيها زواجها الجمعه وهذا تخبل همزين خطيبها ضيعتها عليه كتله ركض لان اتذكر العلاج مال امه نسااه واني رايح وراه اشوفه وصل لو لا
محمد : بله هاي حجه حتى الطفل ميصدكها
زيد : هذا الي طلع عندي بلحظتها لان مشفته من عرف تخبل كولشي محجه عافنا وكام يركض اخذ تكسي واني ردت الحك بيه ماكو ومردت اروح وحدي يله بسرعه امشي خلي نروح نتلاحك لتصير كارثه
محمد : بسرعه بس لبست شلون مجان وركض ويه زيد
تقى : يمعودين شصار
محمد : اسكتي منريد امي تسمع هذا الخبل رعد رايح لبيت امنيه لان سمع بيها زواجها الجمعه
تقى : من عزه الي عزاك يارعد على هاي السوايه
محمد : اششش صوتج يمعوده لتسمع امي شبيج
تقى : سكتت يـِْ♡̨ـِْا رَبّ تعدي على خير
محمد : اخذت سيارتي وركض ويه زيد لبيت امنيه
أمنيه : نزلت اركض اريد اندل دربي ماكو
شفت حمزه اخذ السلاح وركض واني ركضت وراه
حمزه : ولك حقير شلون تعيط بأسم أًاٌخٌتي بالشارع اليوم اكتلك واخلص منك
رعد : اكتلي عادي بس متتزوج
أمنيه : ابجي ومنهاره وخايفه عليه
فدوه رعد روح منا فدوه ابوس ايدك
حمزه : ولج منو هذا تبوسين ايده اليوم مااخلي عايش صدوك غلط جبار من عافك عايش المفروض بوقتها يكتلك ويخلصنا منك يااعار
رعد : شتحجي احجي اليوم مااروح اله تفصخ امنيه خطوبتها
أمنيه : رعد شجاك روح عفيه ولك راح تمووت روح
رعد : كتلج اذا متصيرين اليه متصيرين لغيري لتعبين نفسج
محمد : وصلنا ولكينا اخو البنيه لازم اسلاح وموجهه على رعد وهذا الخبل يعيط بنص الشارع الحمدلله منطقتهم جداً هادئه وبس جارين طلعوا مو هواي هاي لو بمنطقتنا جان حتى الشوارع الي ورانا التمو حتى ابو الغاز الي يجي الصبح الكاه واكف
لك تخبلت شجاك
انتم شجابكم
محمد : حظنا المضخم جابنا امشي ويانا وانجر بيه اني وزيد
رعد : وخروا مااروح وياكم
محمد : رعد فضحتنا عيب وفضحت البنيه منا العالم لك امشي
رعد : والكعبه مااتحرك منا لو اتحرك وامنيه بأيدي
زيد : لا انت تخبلت رسمي
حمزه : اخذ اخوك وروح منا لا والله طلقه هسه براسه وانهي هاي المهزله
أمنيه : فدوه محمد اخذ رعد منا
رعد : ولج والي خلقج مااروح لو اموت هنا لو تصيرين الي
محمد : انجر بيه امشي وضربته راشدي
رعد : كطعني شسوي سوي مااروح دااكول الكم
محمد : لك ليكتلك اخوها
رعد : احسن مما اشوفها تتزوج كدامي واني كاعد وساكت صارت مره مااكررها لو اعرف اكتلها واكتل روحي
YOU ARE READING
للذكريات رأي اخر
Romanceقصة عراقيه حقيقيه ممزوجه بمواقف من الخيال تحكي عن الحب المستحيل وتأثير المستوى المادي على الحب وعن زواج المتعه وتأثيره على البنت واهلها وتحكي عن ادمانك لشخص وفجاه تجده غير مقدر لحبك واهتمامك وتضحيتك فهل للذكريات تأثير في حياتنا وهل الذكريات قادر...
