للذكريات رأي اخر

البارت الثامن عشر

للذكريات رأي آخر
للكاتبة Reem

البارت الثامن عشر

بطلّي المعاتب
يـ روحـي
وتوبي من كلـ شي وتوّضي..!!

لا الدنيا
ولا الوادم
انه سالفتي ويـَ حظي..

تقى : طلع محمد للبصره واااااه ياذاك اليوم الي ماانساه اليوم الي بدت الدنيا تكمل سوادها عليه مكافي من اني وبطن امي ماعندي حظ وجبتها واني جايه ضيم وقهر وشوي ولج يادنيا شويه كم يوم ضوكتيني الفرح والراحه هيج عزيتيهم عليه وهلمره اخذتي حب عمري مني

بقينا اياام نسأل وندور وكلنا عقل مابينا حتى المنطقه مقصرت محمد كلها تحبه صغار وكبار كل واحد عنده معارف عنده ناس بالدوله بالمستشفيات بكل مكان يدورون وماله اثر والي صعب البحث صار ممنوع التجوال واتأزمت الاوضاع بغداد واحنا بالبيت وعدنه عزه منصوب خالتي من يوم فقدان محمد وهي لاايد ولا رجل نايمه وبس نفس صاعد والثاني نازل على ساعه نفقدها
ياسه بس تبجي ورعد مثل المخبل يدور على اخوه وعبالك هاي العائله من دخلت الهم جبت گـ❈ٍـْلٍ النحس والفگر وذبيته عليهم من مدخلت عدهم ومصيبه اكبر من الثانيه بس هلمره عامود البيت راح

اني گـ❈ٍـْلٍ الي كاعده اسوي متمدده على السرير وعيوني بالسكف مال الغرفه واحرك ايدي على بطني واحجي ويه ابني

ياسمين : فقدان محمد اخذ حيلنا والبيت جهنم وكلها تعبانه واني مااعرف اتصرف وتقى حالها اغرب حاال بس صافنه وتلعب بطنها وتسولف عبالك مثل الي تخبلت واني مااعرف اعتني بأمي الي دتموت بسبب محمد لو بتقى الي بالاشهر الاولى من الحمل وهي لااكل ولاشرب
لو رعد المريض ورغم مرضه يركض منا ومنا

حالتنا مأساويه وكل الي بالمنطقه يبجون على وضعنا وعدا الجيران الي طاب وطالع يسأل وبس اني استقبلهم واني حتى حيل مابيه ابجي
كاعده وايدي على خدي واندك الباب
حطيت الربطه على راسي وفتحت الباب

نعم تفضلو
السلام عليكم احنا صديقات تقى بالكليه وحبينا نسأل عليها ظل بالنا متجاوب وصار اياام ماكو
ياسمين : اهلاً وسهلاً تفضلو وكعدو البنات
وحجيت الهم وضعنا وخطيه انقهرو كلش
وحبوا يشوفون تقى صعدتهم لغرفتها عسى ولعل اذا شافت صديقاتها تحس على نفسها

تبارك : (بدموع) تقااوي حبيبتي تسمعيني اني تبارك وهاي نسرين اجينا نطمن عليج
نسرين : دخيلك ربي شبيها البنيه ماعدها وعي بس لا تخبلت من الصدمه
تبارك : اششش اسكتي

تقاوي قلبي كومي توضي حبي وصلي وادعيله يرجع بالسلامه بالدعاء والصلاه رب العالمين ميخذل عبده حشااه
كوومي شوو تعالي كومناها اني ونسرين وهي مثل اللعابه بيدنا رادت حتى توكع وكفتها باعي عليه وكمت اضرب خفيف على وجهه بااوعي ابجي واريدج تبجين قووي طلعي گـ❈ٍـْلٍ الي بگلبج بدت تنزل شوي دموعها رجعت ضربت خدها
ابجي اقوى اقوى صيحي عيطي حتى ترتاحين
وجان تنهار منظرها يبجي الكافر