الفريسة والصياد ©️ - كاملة - الجزء الأول ✅

الفصل السادس

الحلقة السادسة :

في منزل الجدة بالغردقة ،،،

-رأفت: والمصيبة دلوقتي لو أمك عرفت اني كنت على اتصال بالحاجة نجاة

-خالد: أعتقد ان الحاجة نجاة معدتش هي المشكلة دلوقتي

-رأفت: اها

-خالد: مشكلتنا دلوقتي في ...في يارا !!

-رأفت: يارا !!

-خالد: ايوه هنعمل ايه معاها دلوقتي ؟

-رأفت: مقدميش حل تاني غير انها .. انها تيجي تعيش معانا ........ !!!!

..............

في أحد الكافيهات بالقاهرة ،،،،

كان أدهم بصحبة شاهي ورزان وباقي أصدقائهم يقضون وقتاً طيباً في داخل أحد الكفايهات الحديثة و..

-باسل : ما تيجوا نطلع ع بورتو مارينا يومين

-هيثم: أوك ، أنا موافق

-ندى: ممممم... مش عارفة

-رزان: اوك .. أنا معاكو ، وانت ايه رأيك يا أدهم ؟

-أدهم: والله آآآ...

-شاهي: أنا مش هاعرف أجي

-أدهم: ليه ؟

-شاهي: مامي وجاسر مش هيوافقوا طبعاً ، ما أنت عارف

-أدهم: الكلام ده لو انتي طالعة لوحدك ، لكن معاكي أدهم الصياد وده لوحده كفاية !!

-رزان: لو مجتش شاهي عادي يعني

-أدهم: لأ هاتيجي ، ولو مطلعتش مش هطلع

-شاهي: بجد ؟

-أدهم: طبعاااااا

-هيثم: مين ادك يا عم بتظبط التظابيط

-أدهم: بلاش أرك خليها تكمل

-هيثم: هو انت الأر بينفع معاك أصلاً

-أدهم بثقة: الكل بيجي عندي ويفرمل

-رزان بحنق: اوووف

-ندى هامسة لرزان: اهدي يا رووزا ، دي بنت خالته ، فمافيش داعي وشك يتقلب كده

-رزان: أنا مش بخلص من عمايل أدهم ، أقولك أحسن حاجة أعملها اني أقوم

-ندى: استني بس يا رووزا

قامت رزان من مكانها ، فأسرع أدهم ورائها ليعرف ما بها و..

-أدهم: رزان ، مالك ، قومتي ليه ؟

-رزان: مافيش تعبانة وعاوزة أمشي