الفريسة والصياد ©️ - كاملة - الجزء الأول ✅

الفصل الثامن عشر

الحلقة الثامنة عشر :

ظل أدهم ينظر إلى يارا الباكية و...

-يارا: حرام عليك ، انت بوظت سمعتي ع الفاضي

-ادهم بخبث : ولا باظت ولا حاجة ، وبعدين اللي باظ ممكن يتصلح !

-يارا: فكني لو سمحت

-أدهم: تؤ مش دلوقتي

-يارا: ليييييه ؟؟

-ادهم: أما يجيلي مزاج ، وبعدين انتي منورة الأوضة بتاعتي كده ، وأنا بصراحة بقى عجبتني فكرة أصلح اللي ... اللي بــاظ

-يارا: تـ.. تقصد ايه ؟؟

-أدهم وهو يقترب منها : أقصد آآآآآ...

وفجأة دخل عمر وخالد إلى الغرفة ويبدو على وجههما القلق الشديد و..

-خالد: ايه اللي حصل ؟

-عمر: ماما فين ؟

-أدهم: فريدة هانم لسه ماشية من هنا

-خالد: يارا ، انتي .. انتي كنتي بتعيطي ؟؟؟

-عمر: ثواني أجيبلك مناديل تمسحي دموعك

-أدهم: خلاص بقى يا خالد

-خالد: هي ماما قالتلك حاجة ؟؟؟

-يارا ببكاء: هي ..هي

-أدهم: يا سيدي زعقت ، وقالت كلمتين فارغين والعبد لله لم الموضوع في ثانية

-خالد : طب يارا بتعيط ليه

-يارا : عشان هي آآآ...

-أدهم مقاطعاً: يا سيدي عشان عاوزاني أفكها وأنا مش راضي غير لما تضحك

-يارا: لأ محصلش انت كنت عاوز تـ...

-أدهم مكملاً : عاوزك تضحكي وبلاش جو ميلودي دراما ده

-عمر: ميلودي دراما قفلت من زمان على فكرة وفتح مكانها قنوات تانية

-خالد: نفسي أعرف الواد التافه ده محشور معانا ليه

-عمر: انا مش تافه، انا زي زيكم في البيت ده ، وبعدين يارا دي أنا أقرب واحد ليها

-خالد: طب اطلع برا بقى

-يارا لعمر: عمر فكني

-أدهم: لأ

-يارا: تعالى فكني يا عمر ، أنا بقيت كويسة وملكش دعوة بيهم

-عمر: طلباتك أوامر يا قمر

-أدهم: خالد امسك الواد ده

-خالد: ليه

-أدهم: اعمل اللي هاقولك عليه بس

-يارا: بسرعة يا عمر