✨حديثتي الشقراء ✨
***
- هههههه وانته شعندك يم شباكي
- ودي اتسامر مع صاحبتي مابيصير
- هههه يصير يصير
- عجل امشي يلا
- وين ماندخل للبيت
- لاا هالمره غير امشي وبتعرفي
مشيت وراه واخذني من جهه بيت الفلاح وعبرنا لناحيه البستان وجابني منا وداني منا وتالي وكفنا
بمكان محضره بي كعده .. المساند الحمر ومنقله ودلال يمهه .. باوعتله وهو كالي ..
- هين هالمكان انا وكت فراغي اجي اتسامر فيه مع صحابي واليوم صار نصيبك من الكعده
-اممم خوش مرتبين مكان ماعليه عين
- ايييه عجل هذل للراحه بعيد عن الناس
ابتسمت ورحت كعدت على المفرش وهو هيج الجمرات بالمنقله وشال دله صبهه بالثانيه وخلاهه على الجمر واجه كعد وارتاج على المساند وباوعلي وكال ..
- ايييه كيف حالك ياتينه
- بخير وانته شيخ
- الحمدلله زين
- شوكت رجعت
- من ساعتين كان ودي انام وماكدرت ولكيت روحي اصحيكي
- امممم .. هاي الكهوه جاهزه لو بعدها
- باكيلها شوي
- هاا هاي التخديره الثانيه لو الثالثه ؟
- هههههه يولو حتى هاذي تعرفينها وش دراكي بتخديراتنا لها
- لعد عبالك ماعرف شلون تخدرون كهوتكم يااهل حديثه
- كهوه حديثه اصل تخديرها بدوي ومايعرفها غير بدوي ابن بدوي انتي وش علمك فيها
- هههه ما اعوف شي احبه ناقص معرفه عندي
- وهالحين تكصدي حبك للكهوه لو حديثه
- وحده تتبع الثانيه حب هاي من هاي
- وش كصتك مع حديثه ياتينه ماتحكيلي عنها
بهتت ملامحي ورجعت نغزه بكلبي كل ماينذكر اسم حديثه ترجعلي هالنغزه على ذكرى صاحبها
درت وجهي عنه واخذت نفس ورجعت باوعتله وتصنعت الابتسامه وكلتله ...
- ذكرى قديمه راحت بزمانها
- وش هاذي من ذكرى وصلتك لعندها وكت ضلمت في عينك دنيا بكبرها
- لان هالذكرى الوحيده الي من يومها تضوي دربي
- صاحب هالذكرى هين موجود ولا مابتعرفي
ترددت اجاوبه حسيته عرف انها تخص ولد وبعدين كلت ..
- شتقصد بالضبط
- الي حكالك عنها ووصلك سيطها هين اهلو ادورهم لك !
- لاا لاااااا
- وهالحين انا شو فهمت منك احكيلي من اي بيت عرفتيهم
- شيخ انته ليش مدتصدك اني مارايده الناس اني ردت هالكاع .. ماعرف اي بيت ولا اي شخص هنا ولا اريد بس اعيش بظلها وعلى ترابها
- وليه تحبيها هالكثر
- بعد هاي محبه ونزرعت بالكلب مو بايدي ولا الها سبب
- ولو انو حكيك فيه مخفي لكن هاذي حريتك
ابتسمت بخجل وهو راح شال الدله وفرغ الكهوه منها بدله ثانيه .. همه طريقه تخدريهم للكهوه تصير ... انهم يخدرون اول مره بشكل عادي ومن تفور يصبوها بمصفي بحيث ينزل بالدله صافي
ويخلون الي بالمصفي بدله صغيره ويرجعون يفرغون الي صفوها بنفس دله التخدير وتتفور للمره الثانيه وهم ترجع تنصب وتتصفى وينضاف الي بقى منها بالمصفي بالدله الصغيره ويرجعون يخدرون الباقي للمره الثالثه ويضيفون الها الهيل المطحون يلا تتقدم ... والي تجمع بالدله الصغيره يضيفون فوكاه مي ويخبطوه ويصير يسموه
شربت كهوه هذا من يريدون يخدرون من جديد
يستخدم من هالشربت بدال المي ويضيفون فوكاه البُن وتتخدر هالمره تخديرتين وهكذا ...
وهالمره الشيخ مستخدم شربت الكهوه بيهه لان خدرها بس مرتين وقدملي منها بفنجان الابيض الصغير ...
YOU ARE READING
حديثتي الشقراء
Romanceليست مجرد سطور .. انها رواية خلود .. حكمه ومبادىء .. روايه يحتاجها من هم في أوج الشباب تجسيد لمعنى كلمه ' قدر ' حديثتي الشقراء .. خالده عصرنا الالفيني الغلاف من صديقتي الغاليه Marwa-Albidhani ✨..
