✨حديثتي الشقراء ✨
***
- وانا اهون عليكي !
باوعتله وهو ينتظر مني رد لكلامه
بلحظتهه ماعرفت شحجي ومادريت اذا صدك يهون عليه لو لا ؟
ضليت ساكته وهو كالي ..
- ما كنتي تحكيلي انك ماتكدري بدوني !
تفاجأت شنو ماكدر بدونه ! شوكت حاجيه هيج ! كلتله ..
- شيخ طبعاً ما تهون عليه بس اني مااحب منفعتي على حساب غيري
اذا اكو نفر بالبيت مضايقه وجودي ويحس اني راح اخرب حياته شلون تريدني اكعد واتجاهل اكو من كاره كعدتي !
- تينه انا عاذرك وفاهم انك مستصعبه هالشي لكن اخصمها لك ... انا الخاسر الوحيد لو مشيتي من هين
- لاا ليش
- يعني انا كم مره حكيتلك انا ربحان فيكي تجي هالحين تريدي تمشي وانا اخسرك ! اخسر صحبتك ! ودك تخليني بلا صاحب ؟
- شيخ اني ماتركك كلتلك نضل على تواصل وحتى هم نلتقي .. بس لازم ارجع لبغداد حتى ع الاقل اشتغل شي واسس بيت جديد هيج الى متى اضل
معتمده عليك !
- يولو بودي الحين اكفخك على وجهك والله
- شنوو
- ايييه عجل هالفره كلها والحكي لحتى تمشي لبغداد وتشتغلي ! عجل انا وجودي وش لزومو لو خليتك تشتغلي هين ولا بغير مكان !! يولو انا شاكيلك منك
حاكيلك انك مكلفتني شي ! بيوم انا حكيتلك فلست بسبتك ! انتي ليه عكلك يخربط بهالسوالف بالله بتجننيني
- هههههههه مو هيج بس تضل صعبه عليه وشايلتلك هم
- ما تشيلي هم يولو ما تشيلي هيك بهالحكي انتي بتعلكي النار بجوفي
- هسه يعني انته مافهمت ليش اريد اروح
- ايييه ايييه فهمت لكن تحلمي تمشي من هين
- ليييش شيخ عفيه
- يول انتي بتحرميني صحبتك وبتحرميني بنتي وبتكسري وعدي بالامانه فيكي وبتخلي بالي عليكي وين ماتروحي وبتشلشي حالي كل هذا وتحكيلي ليييه !
- لعد شلوون نضل هيج!
- وشبي حالنه هيك مرتاحين وعين الله علينه والما يعجبو هذاك الحايط يمشي يركع راسو فيه
- ههه شيخ هاي ام جراح شنو نسيت
- يول ماتخليني انزل عليكي وعليها بهالليل انا بالويل كاضب اعصابي عنك
- وشكو تصير عصبي دنتفاهم عفيه شبيك
- ايه ايه دنتفاهم عفيه
- ههههه ياااا ههه خوش تعيب عليه
- من حريكي عجل انا هين معتلك باعصابي وانتي برودك يشك الروح
دنتفاهم عفييه عفييه
- هههههههه والله مادري هسه اضوج لان عصبي عليه مدري اضحك هههه بس يله خوش تقلد صوتي
- هااا يولو ودك انفجر عليكي اسكتي عاد
- ساكته هسه شحجيت
- ايه
سكتت وباوعتله واني اضحك ماشايفته هيج يطلع اعصابه وحركان كلبه ويقلد على صوتي من قبل .. ضليت كل شويه اباوعله وادنك اضحك لحد ما هو ضحك وكالي ..
- يولي انتي بتجيبي اخرتي والله
- لا عيني اسم الله
- تينه بالله عليكي شيلي هالافكار من راسك يولو انا مستعز بوجودك بينه
لا تكسري خاطري بروحتك وانا مكدر اجبرك لكن لو لي خاطر عندك لا تمشي
من هين
YOU ARE READING
حديثتي الشقراء
Romanceليست مجرد سطور .. انها رواية خلود .. حكمه ومبادىء .. روايه يحتاجها من هم في أوج الشباب تجسيد لمعنى كلمه ' قدر ' حديثتي الشقراء .. خالده عصرنا الالفيني الغلاف من صديقتي الغاليه Marwa-Albidhani ✨..
