حديثتي الشقراء

اعلان ٢

🎋 للبنات الي طلبو مقتطف توضيحي عن القصص 🎋

************************
‏( حكايه ريمه )

ما كان سيضُر بني ادم لو انهم ادركو
مقصد الله من قوله ان الناس خُلقت اصنافاً وازواجاً وشعوباً وقبائل مختلفه لا يعلى بعضهم على بعض

كل ما على الاريضه مختلف ومتعدد الاصناف ومُتَقبل فلماذا كونك انسان
ان طرأك اختلاف تصبح في خانه المنبوذين وممن أُنزِلت بهم لعنه الله !!

وكأنك احد احفاد الشياطين بهيئه مسلم
مكروه ومنبوذ  لسلالته ومُشفق عليه
لانه لم يشابههم !!!!

كما قال قائلٍ ...
الظل ابن الظلام، لكنه وُلد في الظهيرة ولم تصدقه بقية الأوقات.
حتى أصبح يتبع الجميع كمتسول...

ليت من يتعالى بأنفه يُدرك ان هناك شتان
بين ان تُحرَم وتُحّرِم ..

على ضفاف الوحده هناك من ينتظر شريك يماثله بوحدته ليأنس في عزلة نفسه ...

انا من كُنيت ' ريمه ' احمل في حكايتي مرسال ود لاصحاب العقول المتصحره مرسالي  لمن يظن في قريره نفسه ان لا انسان غيره ..

••••••••••••••••••••••••••••

(ماء مغلي )

عمرها بغداد ماتهدأ وتصفى ..
اذا كل هذوله بشر هنا لعد هالنجف المليانه بالكبور منو نايم بيهه !!!

ازدحام دومهه ازدحام ..
هسه اني ماعرفت اشتغل الا هنا !!

صوت التلفون يدك من اول دكه  ينفتح الخط ..
- هااا سيد شلونك
- هله هله بالعضيد وينك اليوم ما مريت
- طالع اسلم شغل لواحد بغداد
- هاا وين بغداد
- بغداد جديده
- هاا زين ،، ماحجيتلي شصار على سالفتنه شو لاحس ولا نفس نسيتنا شني!
- لااا يابه ماناسي وعلي بس مالكيتهه شسوي فريت عكه ومكه وماجاي الكاهه متكلي شسوي
- شدعواك عصبي اليوم
- من هالازدحام خرب بيومهم شوارعهم دود يروش بيهه
- هههههه ولك حيدر استعجل اذا مادبرهه خليني ارجع للرجال ويشتغلهه من يمه صار شكم سنه انتظر بيك متكلي شوكت تفضهه
- سيد شبيك يعني شجم مره كال الرجال ماترهم سالفتهه مو يمي لزكتله انته شبيك عوفه لخاطر الله اني من يمي بزعت
- شسوي يلا عندك غير حل ! اضل صافن وحاط ايدي على خدي ! شسوي فهمني
- كلتلك هي ماكو غير هاي الي بالي بس هي تكدر وعوفني ادبرهه ان شاء الله اصبرلي هالشهرين وبلكت احصلهه
- هاي اخر مهله تره
- رحمه لجدك يعني لو خلصت شسوي تبطل !!
- شبطل ولك جان بطلت من زمان بس غير مغلوب على امري من الله لايوفقهن
- ههههه اصبر اصبر ماضل الا القليل اصبر بحيل الله تدبر
- الله كريم يلا انتبه على دربك مع السلامه
-الله وياك

.
.
.

اتصال ثاني ..

- حيدر وينك غربت الدنيا ماترجع !
- سيد لكيتهه
- شلكيت ولك !؟
- ريري
- شني ! شني هاي
- البنيه لكيتهه يلا بعدين بعدين نحجي
- ولك انته وييين احجي
- هههخخ اني بالبتاوين
- حييددرررر شصخم وجهك وداك هناك
- رحت اجيبهه
- شتجيب ولك شعرفك بيهه حيدر شعرفك بمصخمات هالمنطقه
- عرفتهه صدفه وحك علي هسه اصبر خلي احاجيهه اني راح اطب لبيتهه بعدين نحجي
- لك شلوووون اطب لبيتهه لك هاي منووو فهمننننني
- كالولي هاي الراس الجبير بينهن هذني بنات الكحاب الي هنا يسموهه داده مدري شني 
- لك من شوكت انته تعرف هالسوالف شوداك على هالكحاااااب حيددددر ارجع اررررجع لاااتسوددددنننني ارجع اكلك
اررجع
- والله ماارجع بلياهه هاي حصلتهه بعد مااهدهه لو مو انته تكول
- لك اتريد تفضحنه انته ! تريد تصخم وجوهنه جايب  ام الكحاب على بيت ساده !!!
- مالكه احسن منهه سيد وماعدنه بعد وكت
- عوووفهه خلي ايطبهه مرض لبنتي خليهه تموت موووت الكرفهه وكرفك وياهه ولا تجيبلنه هيج بلوه وتصخم وجوهنه حيدر وحك علي مااخليك تعتب الباب لو جبتهه
- اذا انته متريد بنتك اني اريدهه ووصيه اختي حالف يمين لو على كص لوزه هم احققهه واجيبهه لريري اجيبهه تريد تزعل ازعل جيب البنيه يمي وروح مالك شغل بعد اطلع انته من السالفه وعوفهه بركبتي
.
.

احداث مشوقه .. نوع من الاثاره والخوف والحماس اضافه لشويه من الرعب
كل مايسموه  'تحت الغطاء ' هنا ينكشف واله دور يتوضح ..

ملاحظه :::::

هالقصه تحتوي على الفاظ بذيئه
وسرد جريء ..
هنا اني اعتذر مسبقاً على جرائه الالفاظ واعتذر على طرح هيج مواضيع بس
هي القصص انواع وهاي واحد منها

رجاءاً الي ما ترضى بهيج نوع من القصص لا تدخل وتعلق ليش تكتبين هيج والمفروض تراعين القارىء والمبادىء
لان اني نوهت بالبدايه عنها فالي تدخل تقراهه هي ماعدها مشكله بيهه

واني ضد اشاعه قصص 🔞🔞❌
بس هي الشخصيات هيج لسانهم اني شلون شحجي ؟؟؟

والي تسأل ليش تكتبين هيج شي وماراضيه عليه ومو نمطج !

اكوللهه لان بيهه حكمه وبيهه كلشي حلو ومثير للاهتمام .. حقيقه تستاهل تنقري بس بس 😄😄😄

انتظر اختياركم 🌷🌷😘

وبارت اليوم اكمله لليل ان شاء وانزله