✨ حديثتي الشقراء ✨
🔹🔹
صباح يوم جديد بسنه ٢٠١٢ ابديه
بشوفه وجه حبيب عمري الشيخ خالد
وابوس عيونه مثل مامتعوده حتى اكعده
ونروح نصلي الفجر سوا ونتريك ومن يعدهه اصعد لغرفه وليدي الي بي كل روحي ابني حسين .. اكعده حتى يروح للمدرسه واشيله كوهع من الفراش وانزله وياي حتى يغسل كدامي ويصحصح
واخليه يصعد يبدل ومن ينزل يلكاني محضرتله صينيه الريوك بكل ماتشتهي نفسه ... اعرف وليدي يحب الاكل ادلل بطنه الصبح حتى مايضل مترفز لان جوعان ...
لازم موجود ماعون بيض وبتيته مكسبه
ومربى وكيمر وبسكت او كعك ومرات سياح وكوب جاي وخبزتين حاره لازم
ويكعد ياكل واني اراجعله ...
هو ملتهي بالاكل واني يمه لازمه الكتاب واحجي وهو يسمع ويهز براسه وياكل
تضحكني شواربه الشكر الي هستوهن طاكات وخدوده الحمر مايطلع اذا مااكرصه منهن ... لحد مااوصله لباب الشارع اني اوصيه لا يتاخر ولا يتعارك
ويتذكرني بالامتحان ويتشجع ويذكر شنو حجيتله بهالماده ...
ودائماً من يفتح باب الشارع اكوله ..
- حسوني ماما اني احبك
يبتسم ويرجع يبوس ايدي ويكولي ..
- روحي انتي ياامي
ويطلع ويه اخوته للمدرسه ...
ارجع للبيت انظف والتلفون بايدي وين مارح اخذه وياي خاف غاليه تتصل
متعوده عليهه اذا تدخل ومحاضره وتطلع تكولي اني اخذت هسه فلان محاضره وهسه خلصت وراح اكعد بفلان مكان
ويه فلانه ..
اي حركه تسويهه لازم تكولي عليهه
وبالبيت هم نفس الشي .. اذا امي حجت شي تخابرني تكولي .. جدتي هيج وهيج حجت واذا واحد من اخوتي صار وياه شي تحجيلي .. حتى على حبيبه علي هم تحجيلي وتكولي لتكولين لاحد مايقبل..
انتظر جيتهه كل خميس واكون محضرتلهه كيك تاخذ وياهه ومرات اذا عندي مجال اسويلهه كليجه او انواع معجنات ثانيه .. اشتريلهه دشداشه جديده كل جيه لازم تاخذ وحده وياهه جديده
مرات بجامه للنوم لان اخوتهه مايقبلون تلبس بجايم وشي كصير هناك . .
ومصرفهه كل اسبوع الشيخ ينطيهه
وهي تجي اشوفهه بس ليله الخميس والجمعه الصبح لحد الغدا بعد هنا تلتهي ويه اخوتهه والمغربيه والليل ويه جراح
ماتخلي يطلع باب البيت لو تنهجم الدنيا
مايطلع يضل مكابلهه وكاعد ..
وهالمره من اجتي جانت متحمسه لجيه جراح اكثر من اي مره وجنت اسألهه شعجب وتكولي من يجي تعرفين
ومن خلص صلاه المغرب واجانه
كلنه ملتمين بالهول على العشه بس الشيخ بالديوان جان تكول ...
- يمه انا ما حكيتلك سالفه صارت معي هالاسبوع اجلتها للحين
-هاا شعجب ! شبيهه هالسالفه!!
- يمه لزوم احكيها هيك وجه لوجه حتى ادحكوني منفعله
-ههه احجيلنه شنو السالفه
YOU ARE READING
حديثتي الشقراء
Romanceليست مجرد سطور .. انها رواية خلود .. حكمه ومبادىء .. روايه يحتاجها من هم في أوج الشباب تجسيد لمعنى كلمه ' قدر ' حديثتي الشقراء .. خالده عصرنا الالفيني الغلاف من صديقتي الغاليه Marwa-Albidhani ✨..
