حديثتي الشقراء

نقاش (( تعديل)) ( اضافه)

هلوووووو🤗🤗🤗

شلونكم بنات 🤓

طبعا الصور الاخيره متحمل حظكم مدري حظي الي خلاهه متحمل ابد بحيث اجرب غير صوره ثواني تحمل الا هذني اي بقن صوره الثوب الهدايا ولا حملن

كلت انزلهن بقناه التلي بس بعدين غيرت رأيي هنا احسن حتى الكل تشوفهن
احاول بيهن باجر ان شاء الله

هسه خلي احجيلكم اخر التطورات بشكل مختصر ..

غاليه صار عندها ولد اختارله رجلهه اسم غيث ولد ناعم وبعده ماعنده شعر هيج كلش خفيف شعره واشكر وعيونه عسليه مثل امه وابوه يتشابه ويه اخته مزن بالخشم والحلك
هسه الولد عمره ٨ شهور وحامل بالثالث
تتمنى هالحمل يكون بنيه ادعولها 🥰

علاقتها ويه اسامه مال مخابيل
هي تحبه وتغار عليه مخليته يمشي ويتلفت من وره دكايكها بي

تشوف مرات ينات يدخلون اله بالانستا او الطاقم ياخذون صور جماعيه وتتخبل
تسويهه عليه سفره سوده
صار اخر فتره يرجع بدل عشر ايام اسبوع
ضلت توهس وين يروح ب ٣ ايام الباقيه
من تساله يكول قلصو اجازتي بس هي كلبهه مارتاح راحت لاخوتهه 😎

واخوتهه اضرب منهه مخبليه للرجال
هذا صكر رايح للمطار بطلب منها ورشاوي طبعا .. وكاعد متفحص كل شبر بي اخذله فتره كل يومين يروح حفظ المكان حفظ
صادق شباب هناك ومن حساباتهم متعرف على بنات هناك بالمطار و واصل للمضيفات
وضل يسحب حجي منهن وعرف ان الاجازه مامقلصيهه باقيه عشر ايام وهي عرفت هالشي ماضل عقل براسهه بعد راحت لجراح شكتله هالسالفه كاللهه رجلج عاقل ميسوي الغلط تكوله لا اكو شي كلبي ممرتاح ليش يجذب لعد الا عنده شي

المهم راجع صكر الي هو عقل مال تلفونات
فاتح حساب الفيس مالته وضال يقرا بمحادثاته
ومدري شلون مكتشف اسامه عنده غير حساب وهالفيس مخلي بس كدام غاليه والعائله ورايح جايب حسابه الثاني وداخل بغير حساب اله على اساس هو مندوب ويريد يوصله هديه وهذاك اسامه كايله اني مو بغداد
من ارجع تدلل
هالحجي كله يوصل لغاليه سكرينات
بعدين ضلو يلحون وراه وراه لحد ماعرفو اسامه هال٣ ايام يكضيها بشقلاوه
و وكت شغله يطلع لمطار اربيل محول هناك
هي تخبلت هوست يم عمها لحد ماكرهته نفسه وراح خابره لرجلهه وبس خلص شغله ورجع لبغداد استلمه تحقيق
وهالحجي هي حتى غراضها لمتها ىمتفقه ويه حسين ياخذها لاهلها وعلكت الجو
تالي طلع هالرجال المسكين ماعنده شي
ورايح بس يبرد راسه وحده يكعد يرتاح من الشغل ومنكتهه فوك راسه واسألتهه كل شويه وينك وصور وشدسوي وهوسه الجهال

يكول اني بس اعيش وحدي ٣ ايام اصفي بالي واطلع لشغلي وحلفلهه بالقران ماعنده شي و هي ماقتنعت تالي اخذهه وياه وشوفهه مكانه الي يروحله ومسلمهه تلفونه ورايح نايم