Mr. Whatever [To Be Published]

CHAPTER 6

CHAPTER 6

NAPAIGIK si Ania ng may humatak sa braso niya pagkalabas na pagkalabas niya ng sasakyan, nang tingnan niya kung sino, ang kaibigan niya iyong si Gina.

“Ania! Bilis! Kailangan mong makita ang ranking ngayong mid-term!” Wika nito habang hinahatak siya patungong bulletin board sa labas ng College department nila.

May dalawang klase ng ranking ang ACU. Ang College and University ranking. Ang college ranking ay ang top twenty list ng mid-term at final exam sa bawat college department, samantalang ang University ranking naman ay ‘yong top ten list ng matataas ang grado sa buong university.  

“No need.” Wika niya na ikinatigil ng kaibigan sa paglalakad.

“Huh?”

Ngumiti si Ania. “For three years, ako palagi ang top one sa college at University ranking. For sure, ako na naman ang nangunguna ngayon.”

Nawala ang ngiti ni Gina at tumingin sa kanya ng may awa sa mga mata nito. Kumunot ang nuo niya. Bakit naman ito maaawa sa kanya?

“Ania, kasi hindi ikaw—”

Naputol ang sasabihin nito ng may magsalita sa likuran niya. “Well, well, well, isn’t it miss number two.” Boses iyon ni Isa. Isa sa mga classmate niya na ayaw sa kanya.

Tumaas ang kilay niya sa sinabi nito. “Excuse me? Anung number two? Baka nakakalimutan mo, I’m always number one.”

Tumawa ng nakakaloka si Isa. “Poor you. Hindi mo pa pala nakikita ang result ng mid-term exam. Bakit hindi mo tingnan para matauhan ka.”

May kung anung kakaibang kaba na naramdaman si Ania sa sinabi nito. Bumaling siya sa bulleton board kung saan napapaligiran ng maraming estudyante.

Lumapit siya doon. Para namang di-remote na nahati ang estudyante at binigyan siya ng daan.

Hinanap kaagad niya ang pangalan niya. Ganoon na lamang ang hiya at galit na naramdaman niya ng makita ang list of top rankers.

2. Anianette Sandejas

P-Paanong… H-Hindi— imposible! Wala pang nakakatalo sa kanya bilang top one. Sino? Sino ang tumalo sa kanya!

Mabilis na tiningnan niya ang top one slot. Nanlaki ang mga mata niya ng makita kung sino ang top one. No! Impossible! Paano siya natalo ng isang taong walang pakialam sa school at grades? Ang taong palaging absent at hindi nag re-recite o sumasagot ng mga test?

1.Blake Landeza

She composed herself. Kalmadong tumalikod siya at naglakad pabalik kay Gina. Ramdam niya ang tingin ng ibang estudyante sa kanya.

Naawang tumingin sa kanya si Gina. “Ania…”

“Huwag mo akong kaawaan, Gina. Mid-term lang naman ‘yan. At saka sure ako na ako pa rin ang top one sa University ranking.” Tumingin siya kay Isa. “Bago mo ako tawaging miss number two, tingnan mo muna ang ranking mo.” Tumawa siya ng nakaka-insulto. “Oh, my bad, nakalimutan kong palagi kitang natatalo sa ranking. At least ako, ngayon lang nag rank two, ikaw, tatlong taon na ginagawa ang lahat, hindi mo parin ako matalo-talo.”

Inirapan niya si Isa at pumasok sa first class nila. Agad niyang nakita si Blake na naka-upo sa upuan na palagi niyang inuukupa.

“Get off my chair.” Walang emosyong wika niya habang masamang nakatingin sa binata.

Ngumiti ito sa kanya, hindi alintana ang masamang mood niya. “Hey, Ania. Good morning.”

Kung nuong isang araw nito siya binati ng good morning, baka nginitian pa niya ito, pero ngayon? Lampas langit ang galit niya rito dahil natalo siya nito sa ranking.