IT HURTS || TAEKOOK [مُكتملة]

ATTENTION

أولا رواية it Hurts
روايه أجنبية لبنت من أمريكا بعتقد،،، روايتها سردها قليل طريقه وصفها للاحداث قليلة، يعني الوصف قليل جداً، كمان البارت تبعها قليل، أنا قرأتها كلها وحبيتها جداً، غير إني إضايقت لأن سردها ما يستاهل للرواية، حبيت أغيرها وأترجمها ،كل اللي أنا عملته فيها إني ترجمتها وكتبتها بسرد مختلف وبوصف مختلف تماماً ، وتقدروا تلاحظوا دا لو روحتوا قرأتوها بالتفصيل.

ثانياً في بنت دخلت ع الكومنتس هنا وفضلت تقول كلام وحش، وإني سارقه الروايه وبنسبهاا لياا، تمام معاها حق بس في حاجه هي مش عايزه تقتنع بيها، إني منسبتش الروايه لياا كإني الكاتبه الاصليه ليهاا ،أنا بكل بساطة ترجمتها وأعدت كتابتها بطريقتي ووصفها وسردها كمان، لكن هي شتمت ف الكومنتس وقالت إني سارقه مش بس مره لا عادتها كتير.

أنا في آخر بارت فالروايه كنت هكتب كل شئ عنها وعن الكاتبه الاصليه كمان واني غيرت فيها حاجات، وبعتقد إني مش أول واحده تترجم روايه في بنات كتير ترجموا روايات وانا بقرأها حالياً مقولتش علي واحده فيهم إنها سارقه، رغم إنها مش كاتبه إنها مترجمه ولا حاجه ولا حتي كاتبين إسم الكاتبه هما عاملين بارت نهائي كاتبين فيه كل شئ يخص الروايه بعد ما تخلص وانا كنت هعمل كداا، لكن للأسف هي مازالت بتتكلم كتير وانا بصدع من الكلام الكتير، لذلك كتبت الجزء دا.

لو هي فعلاً مش حابه تشوف حاجه مسروقه طب ليه بتدخل كل شويه هنا، أنا ما أنكرتش إنها تخصني او بتاعتي، بالعكس كل دا كنت هقوله ف أخر بارت للروايه ، اللي مش عايز يكمل الروايه ميكملهاش، براحتكم، أنا هفضل أترجمها وأسردها بطرقتي لأني فعلاً لما قرأتها حبيتها جداً ،وأنا مش زعلانه إنها قالت كدا بالعكس أنا فرحانه إنها مركزة معايا 😂✌️

فالنهاية هوريكوا التعليقات الثانيه اللي هي كتبتها بعد ما حذفت الاولي، والسبب إني كنت هقول ف النهايه، بس هي مُصره تكتب وانا ريحتها أهو...

طريقة كلامها حتي مش لطيفه لو هي عندها وجهة نظر كانت تقولها بطريقة لطيفه، حتي إنها قالت كلمة سارقه دي كتير فالكومنتات اللي قبل كدا وانا سكت ومكلمتهاش لاني مش متعوده أرد علي الطريقه دي بصراحة ، فأنا كدا رديت عليها وعلي سؤالها اللي كان مش مريحها ، وانا فعلاً مغيره حاجات كتير فالروايهه من حيث المواقف وحاجات كتير حتى إنهم فالروايه ف مدرسه وانا خالتهم ف جامعه، كمان إن تبريرات تاي وتبريرات كوك ف الروايه أنا مغيرها وكاتباها من عندي حتي، الوصف بتاع معظم الاحداث أنا برضو كاتباه من عندي وانا واثقه من دا جدااا ومعايا دليل كمان هو إن الروايه الاصليه عندكم روحوا شوفوا الوصف بتاع كل شخصية فالقصه وتعالوا شوفوها هنا وإحكموا بنفسكم.

أيوه من حقي إكتب تفاعلوا لاني بترجمها، الترجمة مش سهله لهذه الدرجةة يعني... حتي طريقتها هنا مش لطيفه،، والتعب اللي بتكلم عليه الناس اللي بترجم روايات هما اللي هيفهموه بجد. هي مش فاهمه إني أقصد آخر بارت بعد ما تنتهي الروايه ودا مش ترقيع زي ما قالت دي ف نبيتي من ساعة ما بدأت أترجمها، أنا مش مجبرة إني ابررلها هي متفرقش معايا ،إنتو بس اللي تفرقوا معايا لانك معايا من بداية الروايه، فحبيت أوضحلكم بعد ما هي كتبت الكومنتس دي.

في النهاية..

اللي عايز يكمل معايا القصه يكملها واللي مش عايز براحته،، أنا زي ما قولت فوق إني بترحمها وبكتبها بطرقتي وبس،، يعني وصف خيال الشخصيه وإحساسه من عندي أنا ومعظم الحاجات، وف نهايه القصة هتفهموا دا، لما أكتبلكم آخر بارت.

شكراً للي هيفهم كلامي وهيكملها معايا، وشكراً برضو للي ممكن ميكملهاش،،

أنا هكملها للنهايه حتي لو كان في شخصين بس بيقرؤها لاني بحبها كتير ،، وبس.

شكراً ليكم جداً ،، 💜