هل مازلت في قلبك

مشهد

صبر الروح بيش وانت بيه الروح
وإذا تطلع أظلّن بس جسد خالي
لكيتك من جنة ما لاكي كلّ الناس
انت أوّل محب وانت صرت تالي
يلكلك محبّة وانت أحن مخلوق
معقولة الحمامة تصير كتالي
صح ماكو بجمالك آني أدري بهاي
وروجه رقّتك ما كظها أي جالي
حرام عليك تزعل وانت الصوج
أجيك أنا أعتذر وبلا ذنب خالي
تزعل ليش غالي وكلشي عندي
وما أهدك دوم غالي
وهسه حبّك جيف صرت غالي
أحسّك تختلف عن كلّ الناس
بعيوني أشوفك عالنّجم عالي
وأشوفن دمعتك ما جنها تنزل ماي
ذهب تنزل دمعتك تجدح اتلالي
إلك بستان عمري بكلّ ثمن مزروع
راضي بكلشي منّك كلشي يا حلالي
أجيك ومن أرد فارغ أرد للغير
وعنب بس أعله مودك تارس اسلالي
يمك أنسى روحي ومن أكون ويّاك
وعلى فنجان شفتك تركع ادلالي
الواشي بلا بخت مرني وزعلك
أموت إنه ولا يوم أجرحنّك وزعلك
حلو كلّك على بعضك وزعلك
بحلاتك فدوة بس ارضى عليّ

..................
طلعت من البيت واني كلي غضب وكره من الي ديتحكم بالكل ومحد يكدر يفتح حلكه وياه بس رحت توجهت للديوان واني اريد ادخل ماشوف الا انجريت بقوة وصوته باذني يكلي
...... وين الديوان متروس زلم
هد ايدي وكفت كباله واشرت بيدي بتهديد
.....منو انت حتى تأمرني
..... لاتصرخين لا والي حق الحق ادفننج هنا

اجتي عمتي تركض على صراخنا ظلت لازمتني ودكلي
..... يمه لاتكلمينه هيج هذا ابن عمج العود
..... كلامي واضح لا تلعبين بااعصابي لاندمج عمرج
..... انت انسان ظالم تريدنا كلنا عبيد عندك بس احذرك قاطعني
.... انه الحذراً  اتقي شري لا تخليني اشوفنج وجهي الثاني خليني صابر عليج

..... جابر شعدك هنا كاعد
.... هلا هلا بت خالي تفضلي
.... ريحه الحط كلش طيبه ويه هذا الجو شفته مدنج وميباع عليه همه هنا الكل هيج ميخلون عينهم بعين بنات عشيرتهم يجوز ادب يشوفوه كتله دايما اشوفك تكعد هنا
... هاي الكعده تريح البال ياخيتي
... جابر اني اذكرك جنت دايما تجي ويه عمه بغداد تذكر جنا نلعب سوه
.... ذاكرتج قويه يابت خالي لكن اخيتج ماتذكرني
....سمر صغيره جانت من تجي انت ومن كبرنا انت ماكمت تجي
... مشاغل

قاطعنا صوته المزعج وهو يصيح جابر بصوت كانما وحش
ماشوف الا جابر كمز من مكانه وراحله بقيت اني كاعده بمكاني
واني اعيد ذاكرتي لايام من جانو يجونا لبيتنا وبابا يفرح بيهم كلش
اني اظل استحي منهم ومن نلعب ويه جهال مافتهم لكلامهم ويظلون يصرخون عليه حتى افتهم ويجي بابا يفهمني كلامهم ويكلي معناه
وينك بابا اشتاقيتلك

.... عافوني وطلعوا  واني احس مخنوكه ليش ياربي هيج ديصير بيه مو كافي الي صار شنو حكمتك من الي ديصير
شنو الي بي خير الي واني ازوج شخص كرهته وحبه مات بكلبي
ظليت كاعده ودموعي احاول ماخليهن ينزل سمعت رمي طلقات وهوس وهلاهل وكفت بسرعه صوت الهوسه قريب غرفتي يمكن ديزفوا
دخل عليه  واني ظليت واكفه مثل الصنم احس اقدامي ماعدت اسيطر عليها  كل دموع جمعت بعيوني احس بس ارمش حتنزل
نزع العبايه  بكل هدوء  وتقدم عليه ملامحه بيها ملامح الانتصار اي انتصر عليه 

..... عوف ايدي دتاذيني
... ميت مره اكلج لاطلعين هيج وخلي شي على راسج
.... ماخلي ماخلي والا اكول البيبي عليك مسوي نفسك فقير كدامهم
دفعته حيل وركضت للبيت

............
قصتنا الجديده (هل مازلت في قلبك)
ان شاءالله عن قريب حينزل البارت الاول ويارب تعجبكم

سوزان ليث❤️