ماعرف شكد مر وقت لحد ما عبودي تحرك كعد اول مافتح عيونه باوع عليه
كال
عبودي ... جووووعاان
جنه ... يمه شبيك هسه كعدت صدك جذب
عبودي ... اني حنزل جوه
جنه... مو تطلع بره
عبودي ... اي
ظليت مدده لحد مادخلت سمر ركض دكلي
سمر .... عزه جناوي ضميني ضميني
جنه ... شكو
سمر ... مثنى رجع للبيت
جنه ... اوي عبالي فدشي يمعوده مايسويلج شي
سمر ... اني حبقى هنا
جنه... عزه شكد جبانه اكلج ترى والله ميسوي شي واصلا ماعتقد سمع
ظلينا نسولف وفات عبودي كال بيبي دكول تعال تعشوا
سمر .... نزلنا جوه الكل كاعد اني شنو ظليت مدنجه ودخلت كعدت صار مقابيلي جابر
هذا جابر شخص كوميدي جدا فاني مدنجه مسوين كباب شوي وكبه ودجاج شغلات كلها بيها لحم اني ظليت اباع عالكل وهذا الاكل كله بي لحم اني صعدت راسي شفت جابر ياكل ظليت اباع عليه يسوي لكمه شكبرها كلها يخليها بحلكه فاني بكلبي كلت شكبره حلكه
الولد بسرعه كح ختنك اني درت راسي على جنه وحاصره الضحكه
امه نطته ماي شرب ورد كمل اكل اني ظليت اكل زلاطه
عمتي سعاده كالت
يااا سمر والله نسيت متاكلين لحم
عمي صعد راسه كال منو هاي المتاكل لحم
اني ضحكت كتله اني عمو
عمي ... هو اكو اطيب من اللحم
سعاده ... اي ماتحبه
عمي ... وانتي هم ماتحبي
جنه ... لا عمو احبه
عمي .... عمي شتاكلين
سمر ... عمو كلشي اكل بس لحم ماحبه
سعاده ... بقى تمن ومرك مال الظهر خل احميها الج
مثنى .... وماتكوم هي تسوي اكل لنفسها
سمر ... صدمني من حجه بحيث حسيت عمي فشل نداريت على عمه سعاده الي حسيتها نحرجت كتلها لا عمه اصلا مااشتهي بالغده هواي اكلت ورجعت دنجت كلش نقهرت منه شايفين من تحسين نفسج غريبه وماكو اهلج هيج حسيت
عمي ... البيت بيتها اكيد دكوم شيعجبها سوي
سمر ... ابتسمت بوجه عمي ونزلت راسي
جنه... نقهرت على سمر هذا مثنى بس مال مغثه همست باذنها لان شفتها نقهرت كتلها لاضوجين حبيبتي هو ماعنده اسلوب
سمر ... عادي يله الحمدلله بالعافيه عليكم وكمت
بيبي ... حبيبه ماكلتيلج لكمه
سمر ... الحمدلله بيبي شبعت
كمت كعدت عالتخم وظليت اباوع عالتلفزيون بس اني بالي مو يم التلفزيون
كملو اكل وبدو يشيلون بسفره اني كمت اشيل وياهم فمن داطلع الاستقبال صار بوجهي مثنى باوعت عليه ونزلت راسي
ورحت للمطبخ
ظليت واكفه فرح جان تغسل ماعين وجنه تلملم هي وسعاده
ندارت عليه فرح
فرح ... اسويلج شي تاكليه
سمر ... ابتسمت الها كتلها لا حبيبتي تسلمين ماشتهي
فرح .... حبيبه لازعلين من مثنى هو ترى هيج طبعه
سمر ... عادي فروحه مزعلانه
YOU ARE READING
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
