جنه ... اتصل بيه خالي بلغني بيبي ام امي مريضه وتريد شوفنا
وكال شوفي شوكت تجون حتى يدز علينا احد ياخذنا كلتله ابلغ عمو واردلك خبر
اني ام امي كلش احبها فدحنينه وجان تموت على ابويه وابويه هم يحبها جان يتعنى مخصوص لديالى يروح يجيبها ويخليها يمنا
حتى من مات ابويه جانت دكول انه نكسرت من مات ابوكم هذا ابني مو رجل بنتي
بعدها امي توفت زادت اذيتها وهي مره جبيره كلش تأذت على فراقهم...
نزلت جوه واني مخنوكه وضايجه على بيبي لان خالي كلي حالتها متبشر بالخير
نزلت الكل كاعد جانت دنيا ليل وكاعدين يتفرجون تلفزيون
رحت كعدت يم عمه سعاده وانتظر شويه عمي يفضى واحجي وياه
كام مثنى وفرح صعدو عمتي ام جابر راحت تنام بقينا
رحت كعدت يم عمي هو عرف اريد احجي وياه كال ها جناوي خير
كتله
خالي خابر ويكول بيبي تعبانه كلش وحالتها خطره ورايده شوفنه
عمي ... لا موخوش خبر خير شبيها
جنه ... مريضه والله ونضربت جلطه بعد وفاه امي هاي نهتها
عمي ... لازم تروحن شوفوها
جنه ... اي عمو خالي كلي ادزلكم واحد يجي عليكم
عمي ... لا مايصير انه ادزكم ويه واحد من الولد
جنه ... ندار عمي شاف ايوب الي جان يباع علينا ويسمع للكلام الدار بيني وبين عمي
كله
عمي ... عندك شي باجر
ايوب ... لايابه ماعندي شي
عمي ... تاخذ بنات عمك وتوصلهم بيت جدتهم
ايوب ... تأمر يابه
جنه ... مجنت بحال يخليني افكر ايوب حيودينه جان تفكير يم بيبي
ايوب ... باجر نطلع الفجر اذا ماعدكم شي
جنه ... باوعت لسمر وكتله ماعدنا شي
ايوب... تحضروا باجر وره صلاه الفجر نتوكل
جنه ... هزيت راسي اي
صعدنا اني وسمر وعبودي
حضرنا غراضنا ونمنا كعدنا الفجر صلينا وخطيه عمه سعاده ماقبلت الا تريكنا وخلتنا اكل للطريق
سلمت على بيبي وعمي جانو كاعدين للصلاه من داطلع عمي صاحني رحت يمه خله بيدي فلوس
كتله هاي شنو عموكلي بعد عمج انه مثل ابوج خلي ذني عندج تحتاجون شي هناك
كتله .. لا عمو عندي شكر ا
عمي ... مايهم خليها جوه ايدج واذا احتاجيتوا شي هناك اتصلي بيه انه هيج هيج حتصل باابو هاجر (خالي) واشوفه
جنه ... شكرته وسلمت عليه وطلعنا اني جنت كاعده بصدر
وسمر وعبودي ليوره
عبودي اول ماحركنا نام على رجل سمر وسمر شويه وغفت لان دنيا فجر
اني ظليت اتفرج عالطريق هدوء جان الجو
لتافيت على ايوب شفته منتبه للطريق صفنت على ملامحه جانت حلوه وجه شعره مرفوع ليوره لحيته الخفيفه اناقته عطره
لتاف عليه شافني صافنه عليه
ابتسم الي وغمزلي
بسرعه لتافيت وجهي للطريق
كال ... نامي طريق طويل
جنه ... منعسانه
ايوب... وجهج تعبانه منايمه زين
جنه ... اي ماكدرت انام افكر بيبي
ايوب.. لتخافين انشاءالله مابيها شي
جنه ... ان شاءالله
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
