گالولي شتحب؟ عديت گلشي أسمر 🌼
لاتضل مستحي لولاح كلبك عشگ🌸
..................
سمر ... ندكت الباب ودخلت فرح علينا كالت
فرح... ولجن هذا الصار جوه حقيقي
جنه... فلم مو
فرح .... خيه بيتنا صايرمسلسل يوميا شي جديد
جنه ... دايما البطله اني ههههههه اني ونعيمه
سمر ... مثنى خوما حجه علينا
فرح ... لا اصلا كال اعرف سوالف امي دايما مسويتنا طلابه
خل اروح انزل مثنى يريد اسويله اكل
سمر ... راحت فرح واحنا رجعنا لسوالفنا هناك ودك تليفون
هذا تليفون فرح ناسيته
جنه ... يا هذا مثنى يدك عليها روح اخذيلهياه يجوز بعدها بالغرفه
سمر ... اخذت التليفون ورحت لغرفتهم دكيت الباب كل ظني هي بالغرفه بعدها منازله وفتح الباب مثنى اني ظليت اباع شويه عليه شويه عالتليفون
كتله بتوتر موبايل فرح ناسيته بغرفتنا وجان يدك مد ايده اخذه وياها لزم ايدي بقوه
مو لزمت ايد كهرباء صارت ارتعش خوف وصرت اتلفت منا ومنا خاف احد شافنا كتله بصوت خايف
عفيه عوفني لحد يصعد ويشوفنا .. بس هو جان مركز بعيوني حيل واني شويه اباوع بوجهه شويه اتلفت خفت اي خفت بس ماعرف قربه يخليني اخاف لان هو مو ملكي ملك وحده ثانيه
مثنى ... السويتي عقابه جبير عندي بس مأجله هسه
سمر .... اني احجي وصوتي همس وهو يحجي بصوت عالي وكانما ممسوي شي غلط
مثنى .... انه اكدر انهي عليج واسد السالفه
سمر... شتنهي هو عمي يحارب سالفه النهوه الدصير انت ابنه تريد سويها
مثنى ... اسوي كلشي بس اظمن تبقين يمي
سمر ... هاي انانيه اني ماريدك قاطعني بضحكه مستفزه
مثنى .... المهم انه رايدج
سمر .... سمعت صوت احد يصعد الدرج نداريت عليه كتله مثنى عوفني حيشوفونا بس هو ولا يخاف ظل لازم ايدي كال
مثنى ... جاوبين على اتصالاتي افتهمتي
سمر ... هزيت راسي اي بسرعه وخرت ايده وركض للغرفه
دخلت جنه كالت
جنه....شبيج جفلتيني عبالي نعيمه دخلتلي
سمر ... يانعيمه بكلبي اكول هذا ابن نعيمه حيسوي بيه جلطه من وره سوالفه
ورحت كعدت شويه وجاني مسج 📱(باجر تنزلين ودكليلهم ماريد اتزوج)
جاوبته 📱 كافي مثنى ترى زودتها فكر بفرح عالاقل لصير اناني
جاوبني📱 فرح مالج دخل بيها انه ممقصر وياها بشي سمر اعرف انتي هم تريديني بطلي عناد
جاوبته 📱ياعناد مثنى كمت افكر ارجع لبيتنا من وراك
جاوب📱سويها حتى شوفين شنو اسوي
جاوبته 📱 كافي بس تهدد
جاوبني 📱 اريدج
YOU ARE READING
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
