لليل جنت كاعده بالمرجوحه شفت ايوب جاي عليه عدلت كعدتي وحجابي وكف يمي كال ايوب.. انه مو ظالم ولا انتوا عبيد عندي انه من حجيت ويه ابوي هيج لان انه ماكدر اشوف امي زعلانه خليج بمكانها شوفين رجلج يزوج عليج شسوين
جنه ... باوعت عليه كتله خل يزوج اذا يحبني اكيد ميبدلني ببنات الدنيا كلها .. شفته ابتسم
ايوب... وانه مابدلج ببنات الدنيا كلها جنه ... انه داحجي على رجلي ايوب... وانه رجلج جنه ... ظل احلم ايوب... احلا حلم هذا جنه ... هسه انت موافق على زواج عمي ... ظل ساكت ويباع عليه ايوب... موافق لان انتي طلبتي مني هذا الشي جنه ... ابتسمت اله ايوب... اروح فدوه للابتسامه جنه ... عقدت حواجبي وكمت كتله ترى مناسيه عياطك عليه كدام الكل البارحه ولا اليوم ايوب... جنه جم مره صار اسمعج تحجين على امي واغلس كليلي جنه ... محاجيه شي هي تبسمر وبس تريد تطردنا منا ايوب ... جنه كافي اعتبريها امج وجربي تحبيها جنه ... ماريد ايوب... لخاطري جنه ... باوعت بوجهه كتله ماعندك خاطر عندي ايوب ... ها هيج صارت جنه ...اي عفته ودارجع ادخل للبيت لزمني من ايدي وجرني وراه حيل صرت امشي واضرب بيده عوفني وين ماخذني عوفني دخلني وره البيت و حصرني بالحايط ولزمني حيل من ايدي حتى لاتحرك ظل مركز بعيوني ايوب... عيونج الوحيدات الي يكشفن حبج الي جنه ... بعدت عيني من عليه كتله ابتعد ايوب... احبج جنه ... ابتعد ايوب ... اعشكج جنه ... ماريد اسمع شي ابتعد ايوب... جنه كافي متعبتي من هذا العناد جنه ... لا متعبت ابتعد مني لحد يشوفنا ... تقرب مني حيل صرت ابلع بريكي من الخوف وكلبي صار يدك سريع مثل وحده مسويه شي وخايفه احد يشوفها
