العصر نزلت جوه باعت بيبي نايمه وداطلع من الهول سمعت صوت ايوب يكلي شون صرتي
دكات كلبي سارعت نداريت وماكدرت اباع بوجهه ظل نظري للاسفل كتله الحمدلله عفته وطلعت بسرعه رحت للمطبخ
دخل جابر
جابر ... ها بت خالي شون صرتي
جنه .. الحمدلله احسن
دخل عبودي من بره اجه عليه حضني من بطني
جنه ... شبيك عبودي
عبودي ... بعد لاتشيلين شي صيحيني اني اشيل بدالج
سعاده .... يمه فدوه للي يخاف على اخته
جنه ... اي لعد شعبالج عبودي زلمتي
من كلت زلمتي دخل ايوب ظل يباع علينا اني وعبودي وطلع شويه ودخل جابر صاح عبودي تعال ويايه حطلع
عبودي مصدك بسرعه عافني وطلع
لليل كعدنا كلنا نتعشه ايوب جان بدايه السفره واني بالنهايه عبودي بصفي كملنا اكل وره العشه الكل كاعد ناس تحجي بشغل ناس تحجي عالتلفزيون يعني مشكله المواضيع جانت
عبودي جان بالكراج شويه ودخل كعد يمي فاني بيه طبيعه بسرعه اجر عبودي لحضني احسه محتاج الام وامي جانت سويلنا هيج وهو نحرم منها من وكت
جريته لحضني وحاضنته وره دقايق جابر هم صاح عبودي بس عبودي ماقبل يكوم وبسرعه بتعد عني كتله شبيك
عبودي ... مابيه حصعد فوك
جنه ... عافني وصعد اني كل عقلي كلت ضايج لان يريد يرجع لبغداد صعدت وراه شفته كاعد يلعب كتله عبودي شبيك حبيبي
عبودي... جنه ايوب شيصير من عدج
جنه ... تفاجئت بسؤاله كتله غير ابن عمي
عبودي... بعد لاتحضنيني كدامهم
جنه .... هههههه ليش حبيبي
عبودي ... احسن اني صرت جبير
جنه ... واذا جبير ليش الجبير ميصير يحضن اخته
عبودي ... مايقبلون
جنه ... منو
عبودي ... جابر وايوب
جنه ... ليش ميقبلون
عبودي ... ايوب صبح يكلي انت رجال مايصير ظل تتحضن بالنسوان
جنه ... وهو شعليه جان كلتله انت شعليك هي اختي قابل غريبه
عبودي ... لا يكول زلمه مايحضن النسوان
جنه ... بيا قانون استغفر الله كادر على هالطفل ... صرت افور بيا حق يدخل بيني وبي اخويه
سمر ... نزلت من فوك واني اتلفت منا ومنا خاف اشوف مثنى مره ثانيه خفت اكول لجنه لان اعرفها متسكت حتروح سوي مشكله
نزلت رحت كعدت يم بيبي شافتني فتحت حضنها الي وكلتلي تعالي حبيبه
رحت يمها ونمت على رجلها ظلت تمسح بشعري وتقرا ايات
كلتلي لاضوجين من مثنى هذاالحنين صح عصبي بس كلبه طيب
سمر ... كمت من حضن بيبي كتلها اذا كلبه طيب هيج سوه بيه والله ترى انتو مخدوعين بي
هنومه .... يا يمه هذا تربيتي مو تربيه نعيمه يحب الكل ويخاف عالكل شوفي مريته شكد يسوي بيها بس صابره عليه ومتحملته لان دكول اعرف كليبه طيب
YOU ARE READING
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
