اجه الدكتور وجه ميبشر بخير ابد بسرعه مثنى مشى اله كله ... بشر دكتور شونها فرح
دكتور ... احنا متوقعين هذا الشي كتلك احنا خايفين عليها مو من الولاده خايفين من بعد الولاده
مثنى ... شونها هسه
دكتور .... نقلناها للانعاش ونشوف 24 ساعه الجايه لتخاف ان شاءالله تعدي على خير
مثنى .... راح الدكتور نداريت على ابني الي خالته شايلته الي ماعرف شسوي اروح عليه لو اروح على امه رحت اخذته منها جان نايم كبرت باذنه ورجعته لاخالته
عفتهم ورحت على فرح ابد مقبلوا ادخل الها ظليت واكف لحد مايمكن نقهروا عليه ودخلت رحت يمها بستها من راسها ظليت مسح على راسها كعدت بمستواها لازمت ايدها كتلها لاتعوفينا ابنج محتاجج بست ايديها وطلعت لان مقبلوا ابقه ...
سمر ... بعد ماجابت فرح واصلا دخلوها بالانعاش كلش جنت مقهوه عليها لدرجه احس مخنوكه شلت طفلهم جان صغير كلش واحمر وجهه ذكرت مثنى من يصير عصبي هيج وجهه يصير ظليت سرحانه بي وفرحانه لان مثنى صار عده طفل بعد كل هاي السنين
منتبهت على جنه تحجي ويايه الا لمن دغتني رفعت راسي عليها شفت الكل يباع عليه وايوب ومثنى بالغرفه داخلين كلش نحرجت منهم كتلهم بارتباك يمكن جوعان اريد اضيع الموضوع بسرعه اجتي خالته اخذته مني
جنه كلتلي نرجع للبيت لان عبودي حيرجع من المدرسه
هزيت راسي اي وبسرعه سلمنا عليهم وطلعنا طبعا ردت ابارك لمثنى بس خفت يفهمني غلط رجعنا للبيت وصلنا ايوب ورجع لمثنى للمستشفى لان وحده ميريد يعوفه
جنه كل شويه تخابر ايوب وتسئل على فرح ماكو اي اخبار جديده
جنت كاعده من سئلته على مثنى كلها كلسع رايح على الطفل يشوفه
ورانا جايين عمي علي ونعيمه وعماتي ظليت مضايقه على حاله فرح متستاهل ابد
————
جنه .... رجعت للبيت بسبب عبودي يرجع من المدرسه فبسرعه رجعت حضرت غده بين مااجه تغده وارتاح وراها كعدت اقري جنت بالغرفه مالتي كملنا قرايه ونمنا اني وياه هو يحب بحضني وينام من ماكو ايوب بس من يشوف ايوب ابد ميتقرب مني يستحي من ايوب برغم همه علاقتهم حلوه
حسيت واحد نام ورايه وجرني عليه من نفسه عرفته ايوب جنت كلش نعسانه لان كاعده من صبح بس لزمت ايده الي حاوطت خصري
همس ليش حاضنه عبودي اني شكايلج ويبوس باذني وبركبتي نداريت عليه كتله كافي اخويه نايم يمي بعد منو اجيبلك حتى اخويه متخاف منه
ايوب... خل يكعد اخوج يشوف شون حاضن اخته
جنه .... ههههه شونها فرح
ايوب... بعدها نفس وضعها
جنه ... خطيه كلش مقهوره عليها اني
ايوب... الله يشافيها شفتي علاوي
جنه ... علاوي منو
ايوب ... علي مثنى علي
جنه ... اوي سميتوه علي فدوه اكيد عمو علي فرحان بي مو
ايوب... اي كلش يكله شتريد اجيبلك هديه سياره لو بيت
جنه ... خطيه طبعا الحفيد الاول
ايوب... يوم الحفيد الثاني بس من عدنا
جنه .... ان شاءالله حبيبي
ايوب...كالوا طلعوا للعلاوي مابي شي
جنه ... منو يعتني بي
ايوب... انه كتله لمثنى اخذه عندي جنه داري بين ما امه تصير زينه
جنه ... اي هسه داكلك جيبه يمي
ايوب... هو هسه منا لليل نشوف شون لان خالته هم خبصتنا اني اخذه واني اخذه بس مثنى ميقبل يكلي هي عدها فيلق مال جهال بيتها شتاخذه
جنه ... لعد جيبه اني شعندي هي جم يوم وامه ان شاءالله صير زينه
أنت تقرأ
هل مازلت في قلبك
Romanceمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
