نزلته من وكت وقبل التصويت الخاطر عيون الي عدهم امتحان باجر
&&&&حكاية زمزم &&&&
....... بقلم ام غايب ......
علي/مااكدر اخسر امي علمودج زمزم ...امي هسه تخربطت ورادت تموت ...وكالتلي اذا تطلع بيت اتبره منك ....شسوي بهاي الحاله اني
لتسوي شي لان لو اني بمكانك هم اختار امي .....بس انت لا خليتني اوكف بوجه عمي وخوالي ولا الوفيت بوعدك ....بس هذا هو ...اني اختار خواتي واخويه
شتقصدين ...يعني تريدين تطلكين ....لج انتي شنو ..شكد شفت بالدنيا ناس متعافين بس مثلج مشفت والله
لج ...انتي شنو ...شنو بابا ....لج فوك مكلبتج وانتي كرعه ...متحمل اشوف هالأرف يوميه ....لج بابا اصحي لو تفترين الدنيا كلهه متلكين واحد متقبلج ومسويج ملكه فوك كل هذا ..بكل عيوبج ..باعي على روحج زين بالمرايه باعي جسمج المتشوه . ....اخذتج للدكتور دلت بلكي تصيرلهه جاره والدكتور كال ماكو جاره يعني فوك مراح اتحملج العمر كله
كمت اباوع علي بنظرات استهزاء على حزن على حقد على كلشي تجمع
تعرف عبالك راح انقهر من كلامك هذا.....لا ...متوهم ...لان زمزم عبرت هاي المرحله ....العيب والتشوه الي بيهه مو عيبي ...عيب مجتمعي الي انخلقت بي ...يشوفون عيوب الظاهر ونسو انو عيوبهم الي بالداخل اقبح ..
زمزم ...حضري اخوج بسرعه ..حجيت العندي
واني حجيت العندي ...وللعلم حتى اذا انت تتراجع اني مااريدك بعد ..
لج بابا انتي منو ...شو شايفه روحج ..لج بابا والله اني مسوي صدقه ومكعدج بيتي ومخليج زوجتي ....هو انتي شنو بالضبط لا من الدارسات لا من المصخمات وكلج عيوب وتتعيقلين والله ياربي
تصدك انو اني كرهت الفلوس والدراسه من دخلت بيتكم ...لان لا لفلوس راحه ولا الدراسه ثقافه والدليل انتو الدارسين
محسيت غير دفعني عل حايط حتى احس ظهري انمتن من دفعته انوجعت واختنكت حيل
تقرب مني ولزمني من دشداشتي ...لج انتي شنو من اللسان ..لج انتي شنووووووو ..لج هسه ارتكب بيج جريمه والله
باوعت حيدر اجه من وره ويضرب بظهره كوه يلوحه .....
عوف اختي....حقير ...اله اضربك اني
باوعت علي دفع حيدر....اني تخبلت محسيت روحي غير اضرب بعلي ...الله ياخذك ..لتمد ايدك على اخويه ...الله ياخذك ..الدفعه جانت بسيطه بس حيدر بقه نايم بمكانه ...علي كبل ركض علي جيبي مي بسرعه
صرخت بعلو صوتي ..وركضت علي جان لا حس ولا نفس ...جبت مي جان اكو بطل بي مي ..رش على وجهه بس مصحه
اخويه ...حيدر احجي ودموعي تنزل ..ولك حيدر لتسويهه بيه وتعوفني
علي شاله كبل ....وركض بي واني ورا بفتحت الباب شفت شمس تبجي ....وكمزت من شافت علي شايل حيدر . ..زمزم شبي حيدر
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
