&&&&&حكاية زمزم&&&&&&
...........بقلم ام غايب............
وراهه اتصلو بي لازم يجيبني لان الشايب معترف اني جايه ويا بأرادتي
زمزم/هو كال هيج ...عززه بعيني وروح امي وابويه جذاب ....نزلني ...نزلني هنا ....اذا احد من اهلي درو ....تصير مسألة عار مو بس عليه على خواتي ...وكف السياره الله يخليك
نار شبت بكلبي ...شسويت بروحي اني ...الله ياخذج زمزم ...الله ياخذج
هو ساكت ميحجي ولا يوكف السياره ...نزلني ..شنو متسمعني ..انت مو ساعدتني كمل مساعدتك الي ونزلني ..الله يخليك ...والله خواتي يروحن بيهه
فجأه عاط ....كافي يمعوده بس خليني اكدر افكر شسوي ..لوك ..لوك ..من صعدتي الهسه ...مدري شلون جانو متحمليج ..متكطعين ابد ..خرب
سكتت اني
رجع حجه ....بس اريد افتهم وين عقلج من انهزمتي ..بس تدرين مو صوجج صوج هاي الدكتوره الدارسه ...الي فهمته من قصتج هيه اول شخص مشجعج
هيه بس رادت تساعدني .
جان مفروض كبل تاخذج العمامج وتحجي وياهم ...شنو احنه عايشين وين ...نست احنه بالعراق وبعدين هيه مو سباعيه ..شلون من تدري معتبريهه مسألة شرف وغسل عار تعوفج بالشارع
تجيت راسي عل جامه مال سياره وظليت اباوع عل شوارع وعل سيارات وبداخلي وجع .....وعقلي رجع تخايل علي من يعيرني وانهار ونصيحة امي وام شمس وفرح ومن ردت اطلع حتى ام شمس تخلت عني خافت ردت اكول لام مازن اروح وياهه بس مكدرت
دمعتي رجعت نزلت على خدي مسحتهه بيدي.......تجمعت هواي وداخلي تجمع قهر محسيت غير بجيتي تطلع بصوت عالي خليت ايدي على عيوني وابجي حيل ...رأسآ دار عليه
سيف/اني مو قصدي والله ...بس حبيت اساعدج
ظليت ابجي وعيوني مغطيتهن بأيدي بس ابجي بحركة كلب
سيف/بس باوعيلي وخري ايدج وسولفي وياي ....لتيبسين ريجي واني عطشان ..
فز حيدر من نومته وعلى بجيتي وجر ايدي من عيني ....
حيدر/انت بجيت اختي ...ليش كلكم تبجوهه ..والله من اكبر ويصير عندي مسدس اله ابجيك
سيف/بشرفج عندج هيج اخ وتبجين ...عمي والله ممبجيهه بس اختك ام دميعه يمكن كل شويه وباجيه
رجع جر ايدي حيدر وخرتهه وشبكته
حيدر/ زمزمليش تبجين .....اني ابجي من تبجين
باوعت على حيدر الي عيونه متروسه خوف بسببي اااخ سوده عليه دمرته وياي وعقدته من الحياة لو مخليه خالو ماخذه احسن اله
حيدر/ملابسي ولعبتي باكهن ذاك ...
ميخالف حبيبي خل يولي اجيبلك احسن منهه بكومه ....باوعت سيف داير وجهه ويباوع علينه
BẠN ĐANG ĐỌC
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
