مو ذاك الوكت والناس غير الناس
كلها تغيرت والصاحب تبدل
كلت ماروح اكله وغشني بيه العوز
مااعثر بعد وبخطوتي اتمهل
عله وجهه شفت مكتوب المن جاي
وعله السانه تلعلع كلمة ادلل
انفاس البشر خطوات للتابوت
بعد ماضل عمر يستاهل اتوسل
من كثر الطعن صار الكلب غربيل
حطيت الربع بس مايهم وشل
علي
عيونه
اريد اكلك بشغله
شنيه
مو كتلك انهار اجتي ذاك اليوم ....واليوم اجه ميثم دك الباب .......
اي
سأل عليك
اي وشنو
هو سأل عليك
هااا خوش من انزل اشوف شيريد
كيان كام يغفي ...شلته ...نومته بالغرفه ....اباوع علي ...شكد حلو ...شكو بيهه لو هو ابني ....اوووف اخذت حسره ...الحمد لله والشكر ..
كعد كيان والجو عادي ....بقه وقت يمنه وبعدين اخذه وكل مايروح كيان كل ماتتدمر نفسيتي الساعات اليجي بيهن احس روحي ملكت الدنيا كلهه
من راح علي ..كعدت افكر . .لازم اكول ال علي ....احجي بيني وبين نفسي ....لازم اكله ...هاي العائله متنفهم ..بلله دبسوني بشغله ....بس خاف علي يروح يأذي ميثم ....شلون ياربي ...شسوي هسه اني
زمزم انجبي تفكرين بميثم طبه مرض ..لعد هو ماعنده عقل ..شكو يورط روحه ويسمع كلام بيبيته
اهم شي اني ..مااتورط ...اذا تورطت وين انطي وجهي ...والله ياربي زمزم فكري بروحج وبس
بس لازم تختارين اسلوب تحجين ويا ...والله تخوفني عصبيتك يا علي
سمعت الباب انفتح يعني رجع.....بس مأجه للغرفه
...رحت لكيته عل قنفه متمدد .....كعدت على بطنه
اخخخخ ....خرب ببليسج متبطلين هاي الحركه ...وابتسم ... اشوفج تتحارشين بيه .
علي
باوعلي يريدني اكمل
بين الازواج تصير مشاكل
اي والله واخيرآ فهمتي
زمزم/واكو امور لازم تنحل بالنقاش
طبعآ اكيد ..احلى شي النقاش ..بس انتي استفزازيه وتخربين النقاشات
مرات الانسان تصير امور يحب يحجيهن للشخص الي يحبه
اي شنو ذني الامور
بس خل اكملك ...يعني بس من يلكه الشخص المقابيله عصبي يتراجع لان يخاف
زمزم شمسويه من مصيبه ..احجي
ممسويه بس داأحجي هيج
زممزم احجي طلعيلي بالنظيف
ماكو شي بس هيج ..يعني كاعد اكلك العصبيه محلوه اولا علمود صحتك والامور تنحل بالنقاش احلى
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
