بس كرشك مو كبران
باوع عليه وابتسم ....زمزم انتي صايره ملطلطه وين اني احجي وانتي وين
ههههه اتشاقه وياك ادري بيك تنخث من اكلك ابو كرش
علي
رفع حاجبه ...
اريد صدوك نبدي من جديد ونغير نفسنه تعبنا هواي .....كمت وكفت على حيلي ...علي عندي فكره
اي يا الله شنو الفكره
اوكف
شنو
كمت ادور على اقلام واوراق ..ملكيت
على شنو كاعد تدورين
على اوراق واقلام
زمزم احنه بالفندق تره
لازم تجيب اوراق واقلام
شتسوين بيهن غير افتهم
من تجيبهن اكلك
اوكفي خل اروح اشوف بالسياره ...بلكت الكه
ماشي .....اني راح ارتب اغراضنه بين متجي
خليت اغؤاصنا بسرعه ودخلت سبحت ومكيجت خفيف ..وهو ماكو ....شلت شعري كبه ...بدون ماامشط لان ماكو مشط ..وهيه اصلا الباروكه شعر سرح
انفتح الباب ..باوعلي ابتسم ..جنت لابسه دشداشه قصيره مخصره عل جسم لونهه ماروني .وبيهه خطوط من الجوانب بيض...شكلهه رياضي
تقرب عليه ...
شنو شو تأخرت
نزل راسه على ركبتي (الرقبه)وجاوب ..رحت للاسواق ملكيت بسيارتي ....ايده حاوطت خصري .....زمزم شكد احب عطر جسمج ...افقد علي
ابتسمت
علي/مابيهه مجال ناخذ قيلوله لطيفه قبل منفذ فكرتج الي الحد الان مااعرفهه
بعدت عنه واخذت الاوراق والاقلام ....لا حبيبي ..اذا اخذنه هاي القيلوله يروح نص الكلام لذلك ...شكيت ورقه وانطيتهيا هيه والقلم
انت تكتب شنو مضوجك مني وحاب اغيره ...واني اكتب شنو مضوجني منك وحاب اغيره ....بس هااا الي ميتغير يتعاقب
هاي شنو لا عيني بطلت
هههه هاي شنو بطلت ...لازم تدري بروحك متتغير
لا مو هيج الحجي ..بس ماكو محبيت سالفة العقوبه ....
لا عيني ..لعد عليمن نكتب
يلله ماشي ..بس العقوبه فلوس
لاعيني انت رجال متمكن اني مره على كد حالي ...فقيره
يابه يلله خل نكتب وبعدين سالفة العقاب
جانت اكو بالغرفه كراسي اثنين وبنصهن طبله دائريه صغيره ...كل واحد بينه كعد على كرسي ..اني جنت اكتب باوعت على علي صافن يباوع عليه ...فتخت عيني وضميت الورقه ......ليش تغش
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
