متتذكرين من انهزمت ...رادو يذبحوني ...لتروحين ..اكيد راح يتفهمون ...بلكت رجلج يتراجع ويحجي الحقيقه ..
زمزم عوفيني الله يخليج راح يرجعون
ولج يذبحوج اذا لكوج والله ...علي يلكاج بسهوله ..والشارع يخوف ..لتغلطين غلطي ..ديري بالج اني الله سترهه وياي ...
والله يذبحوني ..اهلي اهم شي صورتهم كدام الناس ..والله بريئه اني ....ومراح يصدكون
ووين راح تروحين
ماادري ..
والله ممرتاحه ...ابقي رسل لتروحين فدوه
كامت تريد تروح كوه تسحل بروحهه ...ممنعتهه .مااعرف اخاف اجبرهه ويذبحوهه صدوك ....واضل الوم بروحي ..واخاف تطلع ويصير بيهه شي وهم الوب بروحي ..بقيت حايره ...مااعرف شسوي
رسل ...راح انطيج رقم واحد يساعدج خوش رجال
رحت عل مكتبه مال عمو اخذت ورقه وقلم وسجلتلهه الرقم ..اسمه سيف
خابري انتي فدوه قبل لا اخابره
مااكدر احجي ويا اني.....انتي خابري وكوليله من طرف زمزم هسه هوه يساعدج واصلا ماعندي موبايل
روحي بسرعه قبل ليرجعون ...اهم شي تخابري
منين اخابره
مااعرف لتخابري منا خابري من رقم محد يعرفه ......
دتطلع وكفت بالباب شمس
وين رايحه رسل ..انتي تريدين تورطينه
وخري شمس
مااوخر مو كافي الورطه الي ورطتي اهلج بيهه
والله بريئه اني ..وخري شمس راح يرجعون
زمزم/شمس وخري راح يرجعون
مااوخر والله
جانت شمس ساده الباب شويه فاتحته وواكفه ورا
زمزم لتورطين روحج انتي توكعين بيهه تره ..ومتخلصين منهم لتفكرين بكلبج فكري بعقلج
راح يذبحوهه اذا بقت
واءا طلعت يذبحوج ويذبحوهه ويذبحوني وياكم
بعدنه مطالعين سمعنه صوت همام ....اجه بسرعه ......كبل دخل وجر رسل من شعرهه وسحلهه
اني وشمس نركض ورا سحلههه فوك ...اخذهه بغرفتنه القديمه وطبك الباب واسمع بس صرخاتهه ..ااي ترج البيت رج ...من يمي جسمي كام يوجعني نتوسل بي اني وشمس يعوفهه ولا يسمعلنه ....طلع وقفل الباب
اني تذكرت كيان ...رحت اركض ..لكيته فاطس من البجي ومصخن نار صاير ..خليتله تحاميل وكوه نومته ..وهدء..واني افكر بس لا تكوللهم عل رقم الي انطيتهيا . ...اذا مشافهه همام ....ظليت خايفه ...شكلي ورطت روحي بورطه من حديد
الصبح اجه علي .....سمعت الباب انفتح وفزيت ....كمت ..بسؤعه اريد اعرف شصار
شخبار عمه
صارت بيهه جلطه بالدماغ ..
وانسلت ...بعد كتى متكدر تمشي من وره هاي العاررررررررر ...لو الله ماخذهه ولا هالمصيبه الوكعنه بيهه
علي تحلف تكول والله هو اول واحد يتقربلي
كام يدك عل حايط بيده ...ويصيح ليش يالله ....ليش ...لو ماخذ عمري ولا شايف هذا اليوم ...وانوب كام يركع راسه بالحايط ....
رحت علي ...علي كااافي
لج يا كافي زمزم ...يا كافي ...لج هذا الناقص فضحنه العشيره كلهه انطاهه خبر .مبقه واحد مخابر علينه ....وكام يركع براسه اكثررر
كافي علي ...كمت ابجي ....راح تموت
عساني بالموت ...لج ابويه متخربط ...وامي بين الحياة والموت ...واختي مااعرف مظلومه لو لا ...رحتلهه هسه حتى مابيهه مكان تنظرب بي ...تحلف تكول بريئه ..لا روحي الي تنطيني اذبحهه واغسل عارنه ....واخاف لا هذا يتبلهه عليهه ...مااعرف ضاعت الحقيقه ....
تعال اكعد هنا ارتاح شويه
يا راحه يا زمزم ياراحه ..
..انكسر كلبي على حالته .....جان منتهي وتعبان حيل ....الله يعينهم على هاي المصيبه ...كعد عل قنفه وتجه راسه عل حافه ...خشمه كام يطك دم ...مبين ارتفع ضغطه ...ركضت سويتله عصير
اشرب حبيبي
مااريد
بداعة كيان اشرب
مااريد زمزم ...مااريد ...اريد اموت واخلص من هذا العار الركبنه ..الي حتى اذا ذبحنه رسل مينتهي
كوه قنعته يشرب العصير ....الاول مره اشوفه هادئ او بمعنى مو هادئ محطم ....اجا اتصال ...بسرعه جاوبه
لزمتو يعني ...خوش جاي ...لتطخو ابد
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
