.
شنو زمزم اني على مزاجج
مو كلت كلامك وسدينه المكالمه ليش اتصلت
اتصلت حتى اكلج شغله ..علي مراد ميمشي بكلام ...مره وبمزاجهه ...للأسف زمزم ...مجنت متوقعج انسانه مصلحجيه والله ...
تدرين اني ابد ماافكر بكرامتي من اجي يمج ...واني الي اتنازل دائمآ ....وابد مافد يوم لان محتاجج اجيج ...بكل مره اجيج بيهه ...لان احبج ..مو علمود اي مصلحه
سكت ...واني سكتت
يلله زمزم اذا ممحتاجه شي اني اروح ...لان جماعتي منتظريني
لا ممحتاجه شي سلامتك
سد الخط .....حقهك يا علي فعلا اني مصلحجيه ......ماالومك ابدآ .....
تمددت بجربايتي ...طبعآ راسي بعده موتني من ذاك اليوم ....تعبت الدرجة الليأس ...من كلشي داير مدايري .....بقيت صافنه ومفتحه عيني ..بس عقلي ميفكر بأي شي ....
دك موبايلي ...وره ساعه تقريبآ .....علي
فتحت الخط وظليت ساكته .....وهو ساكت
اخذ حسره .....وكام يكح
شبيك
صدري تعبان شويه
سلامتك .....وسكتت
اااوف...الله يسلمج ..رجع سكت
شنو بعدك بره
بالدوام اني
بعد يومين نزولي
اهااا ..ترجع بالسلامه
شصار وياج اليوم ..
سكتت .......
احجبلي شبيج ...ليش خابرتي ...صار شكد من جيتج ....ومتنازلتي ...شمعنه اليوم ..
مااريد اعطلك ....عندك دوام
لو عندي شغل مجان خابرت ..سولفي
شعندج
ماعندي
لعد ليش خابرتي اليوم ....لتكولين لان احبك ..لان مااصدكهه ابد ...لان حافضج واعرفج ....لو ماالدنيا ضايكه بيج مخابرتي
بين الاحجي وبين الاسكت حايره........
علي
نعم
راح اكلك على شغله ....
شنو الشغله ..اي يا الله احجي
صحيح ..خابرتك ...من احتاجيتك ...صح كلامك مصلحجيه ...بس هاي المصلحجيه ...بيهه شي ميتغير ابد ...لو شيصير
شنو بلله الشي
حبهه ال علي ....يمكن مااعرف اتصرف ...ولا اعرف ابين مشاعري ...بس اني داخلي يحبك الك ..بس ابتعد عنك ...لان مااريد اظلمك وياي
لان انت كبرت ومن حقك تريد طفل ...واخاف منك بنفس الوقت
مسألة الطفل عوفيهه على صفحه ...... نجي عل تخافين مني شنو ...لازم عليج سجينه اني ...
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
