&&& حكاية زمزم &&&&
... بقلم ام غايب ....
هنا الكل انخبص .....عمو خابر علي اسمعهه كام يصيح ......ويغلط علي ......كللهم المفتاح جوه السندانه ...جانت اكو سندانه بيهه نبته بالممر الي قبل بابنا مال سطح ....جنت شايله كيان ...كبل اخذه همام ..مني ...ونزل يركض ...
لبست جبتي ونزلت بسرعه جان تدفعني ام علي ....وين رايحه...يكتل الكتيل ويمشي بجنازته
انتي شدتحجين ...وخري من يمي
ولج انتي تجاوبيني
دروحي الله يخليج ...وخري من يمي ...بعصبيه حجيتهه وصلت مرحله بعد مااتحمل مؤدبه مو مؤدبه بس طاقتي خلصت
انهار ..صدك انتي وحده ساقطه ومتحترمين .....جان واكفه من الجهه الثانيه ....دفعتهه ....انتي سكتي
جان هاي تهجم عليه ..وكامت تلعلع .....وعمه دفعتني هم وطلعت .....وطبكت الباب وراهه .....
وهاي انهار منطتني مجال تولتني ضرب
اني صح اللسان بس مو قويه ....حيل .....بس حاولت اوخرهه ...الحد ماطلعت شمس ورسل شالنهه مني
شمس/هاي شصاير...جنت بالحمام ماعولت يروح الشامبو من شعري..نور حجت بس مفهمت عليهه
رسل ..والله ماادري
بحيت اني ...كيان ماادري شبي
اانهار/متدرين لو انتي خنكتي
صحت بصوت عالي ...انجبي انتي ...وركضت عليهه جريت شعرهه ...هنا اني سيطرت
..رادو يوخروهه مني .. بقيت لازمه شعرهه محسيت غير عظتني بصدري .....روحي راحت..هديتهه....
صدوك انوجعت خيل ...متوحشه الله ياخذج ....كوه طببوهه وهيه تلعلع ...رسل دخلت وياهه وبقت شمس ....كعدت عل دجه مال درج ......تعبانه ومتدمره
وصلت حدي ....تعبت حيل ....الدرجه ميتحيل تنوصف .....وبعدين ....وشنو التالي .....وشمنتظره يا زمزم ....
شبي كيان
ماادري شمس جان طبيعي نايم ...نام كولشي مابي بس حسيت بصدره مو تمام بس استاذ علي الله ينتقم منه قافل الباب وماخذالموبايل كلت باجر يجي وياخذه للطبيب
زمزم انتي ماادري شلونج شلج بهاي الدوخه ...شكو اخذتي كيان يمج
شنو شكو اخذت كيان ...هو جابه ....وبعدين كيان الله دزه الي ...لان ماعندي اطفال ...وحتى اذا جان عندي ...فمااكدر اعوفه ...اني جبيره ومن الكل تخله عني كاعد اتعذب وممرتاحه شحال هو طفل
ظليت تقريبآ بالساعه ونص كاعده اني وياهه عل دجه مال درج
طلعت انهار بهاللحظه ...لابسه فستان وفاتحه شعرهه
رجعت لبستلج الفستان حرامات جنت نازعته من نزلتي
انتي مريضه بابا شبيج ..ولي من كدامي زعطوطه
شكبرج بعد تصيرين
YOU ARE READING
حكاية زمزم
ChickLitها يا مرايتي تحديتج بيوم من الايام وكتلج زمزم انثى وراح تلبس بدلة عرس هاي اني اليوم واكفه كبالج بالبدله اني زمزم معنى اسمي البئر المباركه بس معروف الزمزم ماء لا لون له ولا رائحة ولا طعم، فضلاً عن أن ماءه حلو نقي يخلو من أي ملوحة أو مرار، ولا يتغ...
