الجزء الثالث من المشوه
الحلقة ال ١٦
بقلم / الشيماء محمد
شيموووو
دعاء عضوة معانا لوالدها توفي بالامس
اللهم ياكريم يا عظيم ياغفور يا رحيم اغفر لابي ولموتى المسلمين
اللهم وسع له في قبره ونقه من الذنوب والخطايا كما ينقى الثوب الابيض من الدنس اللهم اجعل قبره روضة من رياض الجنه ولا تجعله حفرة من حفر النار يارحمن ياارحم الراحمين
يا واحد يااحد يافرد ياصمد نسألك اللهم بكل اسم هو لك سميت به نفسك او انزلته في كتابك او اوحيت به لرسلك ان تجعل في قبره الضياء والنور والفسحه والسرور
اللهم امين يارب العالمين( الفاتحه علي روحه )
ادهم فرش الحاجة اللي اشتراها مش عارف يبدأ منين ويعمل ايه ! قدامه كبدة وفلفل اخضر وليمون وبصل اخضر وعيش .. طيب يبدأ بايه ؟
اخيرا قرر يستعين بصديق وطلع موبايله وطلب المساعدة ..
ع الجهة التانية قاعدة في بيتها استغربت رنة موبايله واترددت كتير ترد عليه ! ياتري عايز ايه منها بعد اللي حصل بينهم اخر مرة ! وبعد صراع مع نفسها قررت ترد عليه : الو !
أدهم ابتسم انها ردت بس كشر ورد بصوت عادي : ايوه يا ليلى كنت عايز خدمة منك لو ينفع !
ليلى استغربت : اكيد اتفضل !
أدهم : قدامي كبدة وبصل اخضر وفلفل اخضر وليمون وعيش
ليلى باستغراب شديد : وبعدين ! كل بالهنا والشفا
أدهم كشر : ايوه مش لازم يتعملوا الاول ولا يتاكلوا كده !
ليلى هزت دماغها وابتسمت : اههه .. وانت هتعملهم !
ادهم بتريقة : عندك بديل !
ليلى بابتسامتها : الكبدة شكلها ايه !
ادهم : ايه شكلها ايه دي ! اهي كبدة! سؤالك غريب
ليلى كشرت : يا ذكي متقطعة ازاي ولا علي بعضها !
ادهم ابتسم : كتلة علي بعضها
ليلى : وليه يا فصيح ماخليتهوش يقطعهالك !
ادهم بنفس اللهجة : علشان يا فصيحة جايبها من السوبر ماركت مش من جزار
ليلى كانت عايزة تضحك بس كشرت : طيب يا فصيح قطعها قطع صغيره بس الاول انت عايز تعملها ايه ! هتحمرها ببصل وفلفل اخضر ولا هتعملها اسكندراني !
ادهم بنفس التريقة : ماعنديش ادني فكرة عن اللي بتقوليه دي ! اهو اي كبدة والسلام المهم نتعشى !
ليلى يدوب هترد بس اخدت بالها من كلمة نتعشى ! مين يا ترى معاه ! وماقدرتش تمنع نفسها : مين دول اللي يتعشوا ؟ مين معاك !
ادهم ابتسم من غيرتها الواضحة : هيكون مين يعني ؟ أحمد معايا
ليلى : امممممم احمد ! بس اشمعنى ! ايه اللي لمكم علي بعض ؟
أدهم : مش اخوات لازم مسيرنا نتلم علي بعض . المهم ام الكبدة دي في ليلتها دي ؟
ليلى بدأت تشرحله طريقة عمل الكبدة الاسكندراني لانها اسهل عليه وبتستوي بسرعة وفضلت معاه علي الفون وهو بيعملها
ادهم بيدوقها : طعمها تحفة ..
ليلى ابتسمت : بالهنا .. اخص عليك جوعتني واحنا اخر الليل ونفسي راحتلها !
ادهم بأسف : يا ريتك كنتي قريبة
ليلى قبل ما تضعف اتكلمت بلهجة قوية : يلا بالهنا ! لو عوزت اي حاجة ابقى كلمني ! تصبح علي خير
قفلت قبل ما يرد وهو فضل كتير باصص للفون وبيسأل نفسه ليه مراته مش في حضنه ! وليه بعيدة عنه كده !
فاق من افكاره علي صوت احمد : يا ترى الطعم هيكون بجمال الريحة اللي صحتني من احلى نومة دي ولا ايه !
ادهم ابتسم : تعالي دوق ! اعتقد استوت
داق احمد وبذهول : انت بتعرف تعمل اكل بالروعة دي معقولة ؟
ادهم كان عايز يقوله لأ دي ليلى كانت معاه خطوة بخطوة بس تراجع وابتسم وسكت
YOU ARE READING
المشوه ٣ بقلم الشيماء محمد
Romanceالمشوه 3 بقلم شيمووو ShiMoOo الشيماء محمد الماضي باثاره وتبعاته يهاجم مرة اخري فهل سيسامح ام يستمر في تبعات الماضي ؟
