أكون أو لا..(مكتمله)

البارت الاول

#أگون_أو_لا
الكاتبه:نور حيدر🍃

""""""""""""""""""""""
مرحبا👋🏻
اعرفكم على نفسي وعلى حياتي الي عشته

اسمي فرح مااعرف ليش امي سمتني بهذا الاسم مع انو عمري ماشفت الفرح بس اتكلي بنيتي على يوم وتجيج السعاده عمري 19سنه امي كرديه وبابا من بغداد شاف امي وحبها چانت قصة حبهم  حلووه كلش امي تسولف شلون ابويه اخذها على عناد اي احد وچان مدللها
ومن دره هيا حامل بيه فرح كلش وكال ماكو فرق اذا اچه بنيه او ولد نعمه من الله
واتكلي ماما من صرتي چان ليل ونهار يشيلج ويلعبج ومايقبل عليج

لحد مصار عمري 8سنين اتغيرت معاملة ابويه تدريجياً
مره كعدت من النوم وسمعت بابا يصيح كمت من فراشي فتحت الباب واشوفه يظرب باامي حاطه بالكاع ويدفر بيها اني رحت براءة طفله مااعرف شي رحت يمه

فرح ببراءة:بابا ليش تظربها ووخر
ابو فرح بصياح:وخري انتي لا اضربج انتي الثانيه افتهمتي
ام فرح وهيا تبچي:ماما وخري مابيه شي اني حبيبتي
روحي
شفتته اتقدم على امي ورجع يضربها كدامي ويدفر بيها برجله اني غوركت عيوني مااستحملت رحت كظيت رجله
فرح:بابا فدووه عوف ماما
ابو فرح ظربها بكل قووه ودفعها على الحايط
فرح بوجع:ااااه
ام فرح ركضت حظنت بتها:شبيك انت اتخبلت ليش تظربها
ابو فرح:طاحظج وحظ بنتج يوم الاسود الي اخذتج بيه وعرفتج
عافنه وطلع
ام فرح حظنت بتها:ماما ليش هيج موكتلج روحي ليش متسمعين الكلام
فرح وهيا تبچي:ماما ليش هيج بابا ظربج
ام فرح مسحت دموعها وباابتسامه:لا حبيبتي بس بابا شوي چان عصبي واني مسويت اكل اله فاا هيج سووه حبيبتي
فرح:لا بابا يكرهنه لو يحبنه چان مظربنه
ام فرح لزمت وجهه بنتهه:لا حبيبتي بابا يحبنه بس كتلج هو جان عصبي شوي يلا تعاي خل انام

بيومهه اخذتني امي ونامت بصفي حظنتني وغفيته ثنينه
بس الحاله بقت تتكرر يوميه بابا يصيح على امي ويظربها وچان يسكر وبيها هواي وبيها من يچي سكران ادخلني للغرفه حتى مااشوف وامي اتصيح عليه وهو يظربها ومرات من ادافع على امي يظل يظربني واظل ابچي

ومرات اكعد من النوم على صياحهم افتح الباب اشوفهم شلون يتعاركون اني اسد الباب وارجع لفراشي واسد اذني واظل ابچي مكسوره

وتچي امي يمي وتحظني وتظل تبچي چنها تحس بالامان يمي
واسمعه تحچي وياي واني اسوي نفسي نايمه
ام فرح :يمه كون من تكبرين حظج يصير مو مثل حظي كون تفرحين اااخ يايمه من انتي صغيره مكسوره من وره ابوج ان شاءالله يايمه تشوفين الفرح بحياتج مثل اسمج

وهاي يوميه تحچي وياي هيج كلام اني چنت ماافهم شتكول بس من كبرت عرفت قصدهاا

بعد مرور سنوات كبرت وصار عمري 18سنه وشكلي تغير هم وبابا معاملته ماتغيرت ويانه
مره اچه بالليل وكال جوعان اريد اكل اني شفت ماما تعبانه وماتكدر
كتله اني راح اسوي العشه فاا رحت سويتله كبه وچاي وزلاطه واني اصلن مو كلش اعرف اسووي اكل لان ماما ماتخليني اتكلي عليج بدراستج احسن
خلصت واتقدمت اله حتى انيطه الاكل هو شاف الاكل