أكون أو لا..(مكتمله)

البارت الثالث عشر

#أكون _أو_لا

مساء الخير أحبائي المتابعين💕
وهذا بارت تعويض مني الكم مثل ماوعدتكم  😍♥️

الكاتبه:نور حيدر📝

"تعلمت أن اكتفي بذاتي ولا اعيش على الإنتظار ولا اكون هامش بحياة احد، اصبحت اتجاهل مشاعري كثيرًا واستوعبت ان الدنيا ليست آمنه وان لا احد يدوم لاحد مهما تعدت حدود محبتك بداخله، اصبحت ابتسامتي بارده لكل شيء.
تعلمت كيف أكرر كل يوم أنا بخير".

أيسر /أبتعدت وچان أنصدم من الي شفته أكوو غراض موجوده حاطيهن باوعت وسئلت الدكتور

أيسر بخووف:دكتور هاي الغراض المن
وأني بكلبي ادعي اتكون مو ألهه بس حطمني من سمعت كلامه
الدكتور:هاي الغراض لبنيه خليناهن هنا حتى الي يچي من اهله يتأكدون هيا بنتهم لو لا لان مثل ماتعرف هيا وجهه متشوه فا مراح احد يعرفهه

أيسر اتقدمت للغراض وكلبي يدك بسرعه رفعت أيدي وشفت الملابس تبع بيت عفتهن بس اني اتذكر أنو شايف فرح عده مثلهن بس كلت يمكن عد هاي البنيه
بس واني كاعد اكلب بلغراض وانصدم من أشوف الشي الي صار بأيدي رفعت وچان تطلع قلاده اني هنا متت
فتحت عيني بقووه
أيسر مستحيل هاي قلاده فرح أي والله قلادتهه
القلاده عباره عن سلسله ذهبيه وبوسطه قلب ينفتح يصير نصين بالجهه أكو صورة فرح والجهه الثانيه أسمهه وأسم امها زينب

أيسر فتحت القلاده وغمضت عيني بقووه هاي قلادته لا يربي اتذكرت مره من سئلته عليه

(نرجع للماضي)
أيسر:اكلج فرح شنو هاي القلاده اشو من زمان شايفج لابسته وابد ماذابتهه
فرح أبتسمت وهيا لازمه القلاده:هاي هديه عيد ميلادي من چان عمري تسع سنين چابته ألي امي وغاليه كولش عليه ووعدت نفسي أنو تبقى وياي وين مااروح

أيسر :خل اشوفهه لعد
فرح قدمته اله وهو فتحه وشافه وأبتسم

رجع للواقع ودموعه ظلن ينزلن وحده وره الثانيه راح اتوجه للجثه ودموعه ينزلن
اأيسر صرت قريب عليهه ولزمت وجهه:فرح هاي انتي مستحيل فرح كومي فدووه لاتشاقين وياي الله يخليج

أيسر ماچاوبتني ظليت اهز بيها واصرخ عليه بعصبيه
أيسر:كوومي فرح كافي شقه ترى تعبت واني ادور عليج تاليتي الكاج هنا وبهذا المنظر مستحيل كومي فدوه

أيسر اتخبلت ظليت اهز بيها متچاوب واني دموعي ينزلن بوجهي مستحيل اتكون هاي فرح:ولچ انتي مو وعدتيني نبقه سوه كومي خالتج منتظرتج وكلبه نار عليج
شترديني اروحله هسه واكلله فدوه كومي شلون راح اعيش بدونج
بدون اي مقدمات حظنته بقوه واني ابچي مثل الجهال واصرخ:اااااه فرح ليش ولج كسرتيني والله فرح عفيه كومي لا تشاقين وياي هيج

حسيت ايد شخص يريد يوخرني سمعت صوته هذا الدكتور
الدكتور :اخي كول يالله واترحمله هذا قضاء الله وقدره ولازم تبتعد عنه حتى ناخذه