أكون أو لا..(مكتمله)

البارت الثامن عشر

#أكون _أو_لا

مساء الخير عليكم أحبتي المتابعين🌸💙

الكاتبه :نور حيدر📝

التيه ..
هو أن تفقد كل انتماء كنت تظنه، أن تكون قارب بلا مرفئ
طائر بلا غصن
التيه هو أن تكون بلا موطن بلا أرض بلا حضن يحتويك
أن تفقد كل حواسك وكل شيئ .🖤

فتحت الباب وانصدم من الشخص الي اشوفه كدامي
مستحيل هذا علي شچابه هنااا باوعتله بصدمه
اشو هذا شافني ودنك راسه ..
مااعرف من شفته احس الدنيا رجعت تضحكلي اي هو الي راح يساعدني انو اهرب من سلطان ومن عذابه ..

فرح بهمس وفرحه :علي
رفع راسه الي وباوعلي بنظره مااعرف شنو بس اشو احسه حتى ماانصدم من شافني

هستوني ردت احچي ويااه بس الي صدمني جيت سلطان وكف بصفه وحط أيده على كتفه وباوعلي ورفع حاچبه الي وكال ..

سلطان:هاا علي ليش ماتدخل
علي بتوتر:هااا
سلطان:شبيك مو كتلك اصعد واني راح اچي وراك

اني هنا مااعرف شكوو علي منين يعرف سلطان وشنو علاقتهم واذا يعرف سلطان يعرف بوجودي لو لا

باوعت على سلطان وهو باوعلي وكال:انتي شعندج لحد هسه واكفه يم الباب يعني شلون مراح ندخل شو وخري

دفعني على الحايط وعبر رفعت راسي لعلي اريده يحچي
بس هو نزل راسه ومشه اتجاهلني وراح وره سلطان

اني لحد هسه مصدوومه بس لازم اعرف شيسوي علي هنا وليش ماانصدم من شافني معقوله علي يعرف بيه
ويعرف اني هنا وماخبر أيسر عليه بس هو شيعرفه بأيسر اصلن

قويت نفسي ورحت لصاله شفتهم كاعدين باوع عليه سلطان ورجع دار وجهه اني مااهتميت رحت اتقدمت من علي وهو لحد هسه منزل راسه

فرح:علي
هو ساكت مايچاوب رجعت حجيت:علي فدووه احچي وياي ماتذكرني اني فرح بنت جيرانكم صديقة اختك مروه

هذا شبيه ليش ساكت حچيت بصوت مخنوك:علي ليش ساكت اني فرح الي ابوها قتل زوجته يعني شنو لحد هسه ماعرفتني ماصدك
رحت كعدت بلكاع يمه واحچي وياه حسيته هو الي راح ينقذني من سلطان:علي اني الي نشرو خبر وفاتي وهو اصلن كله چذب هذا اني كدامك عايشه فدووه احجي لا تسكت لان انت الي راح تساعدني مووو

علي /شحچي ياربي حسيت نفسي احقر واحد بهذا العالم لان وافقت وساعدت سلطان وظلمنه هاي البنيه اليتيمه
كسرت كلبي بكلامه وشلون تذكرني بيه يكول اني ناسيه
اووف اساعدج شساعدج يافرح
اباوع على سلطان عينه مانزلت عن فرح بس يباوعله برود

فرح اريده يحچي ماكوو بس الي صدمني كلام سلطان
:هذا علي يكون ابن عمي

فرح باوعتله بتفاجئ:هااا شتكول

سلطان باوعله وأبتسم:ايي أبن عمي ويكون خطيب خالتي

فرح فتحت عيني بقووه باوعت على علي ساكت ومايحچي رجعت باوعت على سلطان:ي يعني مروه بنت عمك