أكون أو لا..(مكتمله)

البارت الثالث

#أكون_أو_لا

الكاتبه نور حيدر🍃

>>>>>>>>>>>>>

ايسر دخلت للبيت بتعب وعيوني حمر مقهور على خالتي الي ماتت هيج بدون سبب ورحت اني وابوي وشكم واحد منا وامي راحت ويانه ودفناها وهمه رجعوو للبيت بس اني بقيت ادور على فرح لان راح اتخبل وين راحت وعدمن
طبيت وشفت امي بعدها تبچي حقها اختها ماتت قتل ومنو زوجها الي قتلها وبنت اختها ماكووو والناس هسه اطلع اشكال وألوان من الحچي اووف يارب
ماتحملت وصحت على أمي
ايسربعصبيه :يماااا كاافي فدووه لخاطر الله

ام ايسر وهيا تبچي:ولك شنوو كافي اختي راحت وبعد مااشوفها الحنينه الله لا ينطيك يا رافد(ابو فرح)كتلتها عساك ماتفرح بحياتك لا والمصيبه البنيه مالكوها يمه ايسر دورت عليها وين راحت
ايسر بعصبيه:دورت المستشفيات كلها وحتى رحت لمراكز الشرطه مالكيتها يكول فص ملح وذاب
ام ايسر:ولك يمه خاف ابوها ماخذها وياها لا يسوي بيها شي هاي الي بقت من ريحت اختي
ايسر :ماادري يمه راح اتخبل وين راحت يعني شنو طلعت من بغداد بس وين تروح هيا اصلن ماالها احد بس احنا
ام ايسر:يماا خاف شردت من الخوف ماعرفت وين تروح وشتتصرف
ايسر :لا يمه مااظن فرح ماتشرد هاي كلشي ماتندل

ظلت تبچي امي وتصرخ على اخته عفتها وطلعت رحت للحديقه
وكعدت بنفس المكان الي كعدنه اخر مره اني وفرح بيه ظليت افكر بحالتها
شصار بيها هسه هيا وين ماكله شاربه دمعه نزلت من عيني مقهور على خالتي الي انكتلت وعلى بنتها الي مانعرف وين صارت
غمضت عيوني بقوه بقهر عصرت ايدي

ايسر بغضب:اااخ رافد كوون اشووفك والله ماارحمك

"وحين يغادرُ البعض ،يأخذُ معه ألوانَ الحياةٰ💔"

"
"
في المستشفى..

فرح /شفت نفسي بمكان مظلم محد بيه بس اني واسمع اصوات غريبه وتخوف چنت خايفه كعدت بالكاع وابچي
واصرخ اريد احد يساعدني ماكوو
شويه وشفت نور قريب اچاني اني غمضت عيني من قوة النور سمعت صوت هادئ اعرفه يصيح بأسمي

:فرح كومي
فتحت عيني بهدوء واشوف أمي يمي ومبتسمه الي
مدت أيدها بااتجاهي
:يلا حبيبتي كومي وياي خل نطلع منا

فرح اني فرحت من شفت أمي خفت لا أخسرها كمت بسرعه من مكاني وكظيت أيدها ومشينه ثنينه ظليت أباوع على امي ومبتسمه

فرح:ماما تدرين حسبالي رحتي وعفتيني وحدي
ام فرح ظلت اتباوعت عليها وابتسمت بس ماحچت شي

طلعنه ثنينه من المكان المظلم وشفت حديقه حلووه
اباوع على الحديقه ومبتسمه باوعت على أمي وخرت أيدها مني ومشت ابتعدت عني شويه شويه اختفت

فرح ظليت ابچي من ماشفتها:ماما وينج وين رحتي

:ماماااا