أكون أو لا..(مكتمله)

البارت الحادي والعشرون

#أكون_أو_لا

مساء الخير عليكم أحبتي المتابعين💙🌸

الكاتبه:نور حيدر📝

‏- لم أعُد أخاف من أي هزيمة جديده,لقد مات كُل شيء يُخيف شُعوري🖤✨

جيلان /انصدمت من كلام سلطان يعني هاي تصير بنت هذا الحقير الي سوه بيه هيج ودمرني باوعتله شلون يباوع برود دمعه نزلت من عيني رحت اتقدمت عليه

وبهمس:ليش لعد اتزوجته هاا من تعرف هيا بنته

سلطان بقهر:اريد انتقم منه

جيلان بصدمه:تنتقم

سلطان:ايي وظليت ادور عليه بس مالكيته ومن حركت كلبي اخذت بنته وانتقمت منها بدال ابوها لحد ما الكاه

جيلان باوعت على البنيه شفته تباوع ودمعه نازله من عينه شكلها مكسوره من وره سلطان انقهرت كلش عليها
باوعت على سلطان بقهر وحجيت بصوت مكسور

جيلان:وهيا شنو ذنبها حتى تنتقم منها هاا شدخلهه

سلطان:هياا بنت النذل الي سوه بيج هيج

جيلان بصياح وهاي اول مره اتصيح على سلطان
:حراام عليك شنو ذنبها اذا هيا بنته اذا تريد تنتقم روح انتقم من ابوها منه هو ومو من يمها شنو طلعت مراجلك عليها

سلطان انصدم من كلامها وعلي هم انصدم

علي:مو هيج جيلان شبيج

جيلان صرخت على علي:اسكت انت الثاني انت هم مشارك وياه مووو

علي دنك راسه مايعرف شنو يجاوبها

جيلان ابتسمت بااستهزاء:برافو عليكم والله عفيه زلم طلعتو مراجلكم على بنيه
حجيت بصيااح:سلطان ليش هيج فكر انو اني انظلمت واتعذبت ليش اتريد اتعذبها مثل ماابوها عذبني حطني اني بمكانها مو حرام عليك اتريد اتسوي بيها مثل ماابوها سوه بيه

ونزلت دمعه من يمها مقهوره من يمهم:واذا هيا بنته ترى قدرها انكتب اتكون هيا بنت هذا الحقير مو هيا الي رادت مع الاسف عليكم ماجنت هيج اظنكم وانت علي شاركت سلطان بهذا الشي

سلطان من سمع كلامهه هيج دار وجهه عنها ودخل للغرفه وعلي من شاف الوضع هيج اقترب من جيلان

علي:جيلان اهدي مايصير هيج اتسوين بنفسج مو زين عليج

جيلان بغصب:كافي مااريد اسمع شي منكم عوفوني

علي عافها ومشت لان اذا يبقى يمها اطول يمكن تتخبل عليه بقوو بلصاله بس فرح وجيلان

فرح اني هذا كله مصدومه من ردت فعل هاي الي اسمها جيلان معقوله دافعتلي ووكفت وياي ضد ابن اختها وخطيبها على الرغم الي كسرها ودمرها هو أبووي
اني حسبالي من راح تعرف راح اتكون ضدي لو هم اتعذبني و تنتقم بس لا هيا وكفت وياي نزلت دمعه من عيني حسيت شوي بالأمان هنا لان لكيت احد يدافع عليه من ظلم سلطان وقسوته
اتذكر أيسر من چان يحميني ويدافعلي من ظلم أبوي وقسوته
باوعت على سلطان ماحجه شي بس عافنه ودخل لغرفته وعلي كذلك مشه بقينه اني وجيلان بالصاله وحدنه
باوعت عليه واريد احجي وياها او اعتذر من الي سواه ابوي رحت اتقدمت من يمها ودموعي ينزلن