أكون أو لا..(مكتمله)

البارت الخامس عشر

#أكون_أو_لا

مساء الخير  عليكم أحبائي المتابعين💙🌸

بارت مفاجئ😻♥️

ونشرت الكم بارت مفاجئ تستاهلون انتووو واتمنى منكم هم تتفاعلون وياي بلقصه حبايبي ونشروهه بين اصدقائكم واقاربكم وسوو تاكات لمتابعينكم حتى يشاهدوها فديتكم لا تقصرون😻💙

الكاتبه :نور حيدر📝

لَقد كنتُ علَى وشكِ أن أكتُب لكِ رسآلةه ، لولَا أنِي سألتّ نفسي ، هل أعنِي لكِ شيئا ؟.🖤🥀

ْ

علي /من رحنه للمستشفى واني كلبي يدك وخايف صارلي فتره مشايفه ومشتاقله بس خايف من ردة فعله
شفت أيدي ظلت ترجف هاي شبيك علي قوي كلبك
دخلنه للمستشفى ووصلنه لغرفته هيج اچاني احساس اروح افتح الباب وكبل اروح احظنه بس توترت وماقبلت ادخل
دخل سلطان وبقه الباب مفتوح وشفته شلون كاعد على الكرسي المتحرك حتى ماهتمت بوجود سلطان كسر كلبي منظرهه ظليت اسمع كلام سلطان وردت اشوف ردة فعله من چاب اسمي بس خاب أملي من شفت ماكو اي ردة فعل دنكت راسي بخذلان وعفتهم ومشيت كعدت على احد الكراسي ومدنك راسي
علي بحزن:ليش هيج يا جيلان يعني معقوله تنسيني لو خايفه مني ولج مو والله احبج واموت عليج ليش اتشلعين كلبي والله راضي بيج

رفعت راسي واني اسمع صوت سلطان يكلي:كول يالله خويه ربك يحله وهسه هيا مو بوعيه

علي كام من الكرسي وبأنفعال:بس ليش مو أني وعدته انو اكون الامان اله واحميه من شر الناس بس هيا ماعده ثقه بيه وتاليه تروح وتعوفني شنو من كلب شايلته

سلطان مقهور على حالتهم ثنينهم:كله من وره هذا الحقير رافد دمر حيات جيلان كمت اشوف الحزن بعيونه
چانت عيونه كله فرح الله ياخذك يارافد الكلب

علي ومثله مقهور:والله بس خل الزمه الا ادمره وانهيه موته على ايدي

سلطان واتذكر فرح :لا تخاف افرغ قهري بغيره

علي فهم كلام سلطان:الله يخليك عوف فرح شنو ذنبه هيا حرام عليك اصلن شلون تريد تتعالج جيلان وانت هيج اتسوي بفرح

سلطان بقهر:والله من شفت حالت جيلان زاد حقدي عليهم كلهم

سلطان مشيت وركبت بلسياره وانتظرت علي حتى يصعد ومن صعد حركت وصلت علي ورحت لشقه
دخلت وماشفته رحت لغرفتي هم ماكو كلت معقوله شردت رحت على غرفته فتحت الباب واسمع صوت باب الحمام انفتح باوعت وانصدمت من الي شفته ..

فرح /كمت من مكاني بتعب اريد ادخل اسبح لان من اجيت لحد هسه مسبحت وعلى نفس ملابسي حسيت بلقرف من نفسي بس ياربي اريد ملابس منيلي اني ماچبت اي شي وياي
اتذكرت كلام حسنين من كال هناك كلشي جاهز
رحت اتجهت لكنتور فتحته وچان اشوفه فارغ اووف هاي ماكو كلشي هنا يمكن حاطينهن وي ملابس هذا الوحش
فتحت الباب بهدوء اريد اشوفه موجود بس ماكو الحمدلله يمكن طالع رحت لغرفته هم فتحت الباب بهدوء وشفته ماكو فرحت رحت دخلت لغرفة الملابس اريد ادورلي على شي البسه دورت مالكيت اي شي ألي
لا يربي لعد هسه اني شلبس اريد اسبح هسه
أچت ابالي فكره باوعت على ملابسه أخذت قميص أسود من قمصانه حتى البسهن بس خفت كلت خاف يعصب
بعدين كلت اوو طبه وجع شيسوي خل يسوي مشكلته محد كله لا تجيب الي ملابس
فرح بقوه مصطنعه بس هيا اصلن خايفه:اي عفيه فرح لا تخافين منه وشنو يعني البس وبكيفي بعد  شيريد يسوي خل يسوي