أكون أو لا..(مكتمله)

البارت الثاني والعشرون

#أكون_أو_لا

مساء الخير عليكم أحبائي المتابعين🌸💙

الكاتبه:نور حيدر📝

وحدي أنا من استطعت قراءة عيناها لأني أحفظ تدرّج بريقها عند كل شعور؛ وهي الآن منطفئة وقلبي كذلك 🖤.

:ليش تبجين

مروه درت وجهي واشوف يوسف اقترب مني وصار واكف بصفي ويباوعلي اتنهدت وكال:هسه عليش البجي مو كلتي راح تنسينه وراح اتصيرين قوويه

مروه بغصه:كلت وراح انساه بس انت كلي شنو شعورك من حبيبة كلبك تشوفه تروح لشخص ثاني هاا مو راح تنجرح وكلبك ينكسر الف مره

يوسف سكت ماجاوبه وظل يباوعله

مروه مسحت دموعها :كافي اني مليت من البجي هاهي هو اختار والله يسعده وياها وعادي اني مو اول ولا اخر وحده اتحب من طرف واحد

يوسف باوعله:صحيح انتي مو اخر وحده

مروه مافهمت كلامه بس كملت : وراح انساه واختار الشخص الي يناسبني الي راح يسعدني

مروه باوعتله وابتسمت:مشكور يايوسف تدري اني استمد قوتي من يمك

يوسف :مو لهاي الدرجه يعني

مروه:لا والله واكثر انت خليتني اصحى لنفسي واوعى لو مو انت جان الله يعلم شنو حالي

يوسف ابتسم وظل صافن عليه ..هيا حست بنظراته وانحرجت فاا استئذنت:عن اذنك لازم ادخل لحد يشوفنه

استغربت منه ليش ساكت لحد هسه بس عافته
مشت من يمه بس الي وكفها كلامه انصدمت ماعرفت شتحجي بس بقت على وكفته ومنطيته ظهره

يوسف بهدوء دار وجهه عليها وكال:مروه تتزوجيني

مروه هذا شيكول شبيه خاف شارب شي اليوم معقوله يحجي هيج شوي وحسيته واكف بصفي رفعت راسي اله
شفته مركز انظاره عليه :شكلتي مروه

مروه سئلته تريد بس تتأكد:على شنو!؟

يوسف بهدوء:اتقبلين بيه اذا اتقدمت وخطبتج

مروه فتحت حلكي من الصدمه وبفهاوه:هااا شتكول انت

يوسف ابتسم على شكله ومد ايده وحطها جوه فكها وسد حلكهه هيا استوعبت وابتعدت شوي
يوسف:لا اطب ذبانه بحلكج سديه هههه

مروه بعده على صدمتها:انت شكاعد اتكول يوسف

يوسف:الي سمعتيه يامروه

مروه:بس تعرف اني ظروفي شنو وانو اني

يوسف سكتها:وانو انتي اتحبين احمد اعرف هذا الشي بس اني ان شاءالله راح اخليج تنسيه يامروه بس وافقي

مروه:مااكدر انت شكاعد اتكول هاا اني صح كلت راح انسه احمد واختار الشخص الي يسعدني بس ترى بعدني مامستعده ومااكدر اظلمك وياي