البارت ٣
للكاتبة حنين الربيعي ممنوع نشر القصة بدون أسمي
.......................
طلع الحجي واني ويا وحدنا نشف الدم بية
أساور:عمو فدوة لتقترب مني ونزلت دموعي وكمت ارجف
أبو ضرغام : تعاي بنيتي لتخافين تعاي أكعدي اني رجال اخاف الله وما اضلمج وياية كم شهر وترجعين لهلج
واني ما كطعت عليج مهر حتى لحد يأذيج
أساور:أطمئنيت من كلامه بس بقيت واكفة اخاف يضحك علية بكلامه
أبو ضرغام :بنيتي ترة هذا البيت محد بيه اني مزوج أم ضرغام توفت قبل ٤سنوات و ضليت واني عندي ٥ ولد وبنات ثنين واحد الي اخوج كتله سيف وعلي بغداد
وأسد هم بدوام ينزل ويلتحق وليث هم مزوج وعازل
وضرغام الجبير داير أمور العشيرة وياية وهم عازل
وبنتي زهراء مزوجة أبن عمها وزينب بعدها تدرس
ومحجوزة لأبن عمها انتي يعني بوية ماكو أحد هنا انتي واني وأسد وزينب هاي هوسة العزاء كلها تروح
أساور :ماشي عمو بس انته كلت يدرس بغداد ليش وين احنا
ابو ضرغام :ضحك وكال احنا بمحافظة ال .......
أساور :من سمعت احنا مو بغداد نزلت دموعي وختنكت
يعني لو يموتنوني محد يدري وقطع حبل أفكاري
أبو ضرغام: بوية هاي أم علي وجان يأشر على مرة جبيرة هاي عايشة هنا تدير أمور البيت وزوجها حارس الدار أي شي تردين كولي الها
أم علي: يا سنة سودة علية انتي الي خذوج فصلية بعدج صغيرة ومتستاهلين أي تحتاجين كوليلي اني هنا بمكان أمج
أساور:من ذكرت امي انفجرت بجي اجت حضنتني وكالت والله هم طيبين والثوب العليهم ينطوة وابيض من كلبهم ماكو بس بعد هاي الأعراف العشائرية وحل نزاع والدم
أبو ضرغام:يلا اني اترخص
أم علي :الله وياك شيخنا
أساور: خالة وين الحمام أخذتني دلتني ع الحمام والغرف وكلشي قل خوفي وارتاحيت اكثر من معرفت محد بالبيت طبيت أسبح توني نزعت والباب اندفع علية
اريد بس شي استر بي روحي ماكو جرتني وحدة يطلع عمرها بص٢٠ بس ضخمة
زينب :ولج ك... س.. كتلتو اخوية وجاي سبحين وتفترين بكيفج
زهراء ؛ هاي شكو
زينب :طابة تسبح المسعدة وثنينهن نامن فوكي حتى نفسي انكطع
أم علي :يمه موتن البنية وخرن
زينب دفعت ام علي وكعتها وكالتلهالتدخلين فصلية والكل يدافعلها والله خوش
أساور :لزمني موتني ام علي ركضت برة واجتي وياها
ابو ضرغام وخرهن عني وهنة عايطهن وين واصل
زينب:ها بوية غيرتك علينا الفصلية حسافة عليك شيخ عشيرة تالي بيد طفلة
أبو ضرغام : ولج انجبي وضبي لسانج وجابها براجدي
زينب :يا تضربني من ورة وحدة كح.... اليوم موتها على أيدي
أساور:أني فاقدة واسمعهم شيحجون وأحس دم ينزل من راسي ورجعت تريد تضربني ودفعها وزهراء مناك تصيح بعد ما ابقى بيت دارته فصلية
