بارت 5
ممنوع نشر القصة بدون اسمي
..
الكاتبة حنين الربيعي 💬
.............................
البارت ٥
نفتح الباب لكيت ابوية فوك اساور يريد يعتدي عليها
وشاك هدومها وهية تبجي وتدفع بي حتى أني نصدمت من شفته لئن ادري بي مريض ومرات حتى ميكدر يمشي ركضت عليه وجريته من فوكها لكيتها صايرة زركة الضاهر جان خانكها
ابو ضرغام:أسد من سمحلك تدخل اطلع بررررة
أسد :يابة شنو هاي الجاي تسوي البنية صغيرة واربعينية ابنك احجي وكوة لازم روحي احس من العصبية راح انفجر
ابو ضرغام: ملك دخل اطلع كتلك اني ومرتي لعد شنو جايبها اباوع عليها
أسد : يااابة انته شتحجي
ابو ضرغام: اطلع برة كتلك منو انته وتحاسبني
أسد:دا ارد وشفت أساور مختنكة وتطلع وغف ابيض من حلكها وصارت زركة رحت عليها اصحي بيها ماكو شلتها وعفت ابوية يحجي وراية
ابو ضرغام: ابن ال... تعااال شلون تمد ايدك عليها وكدامي يعني صحيح من زينب كالت اكو علاقة بينكم
أسد :اليوم اني اعلمج زينب اخذتها وخليتها بسيارة وطلعت للمستشفى امشي سرعة ومن مرة ردت اسوي حادث نزلتها اجو اخذوها وخلولها تنفس اصطناعي وما أعرف شنو سحبو من حلكها وضمدو جروحها رادو يدخلوها تحقيق بس بمعارفي سديتها كالو قضية اغتصاب ضلت نايمة وضعها استقر ما أعرف ليش هيج خفت عليها وشنو تغير
أساور: من خنكني ابو ضرغام حسيت نفسي نكطع الدنيا صارت سودة ادفعة باضافري أضرب وجهة ولا يوخر نكطع نفسي محسيت الة من كعدت وبالمستشفى نزلت دموعي اريد بابة مامة محمد 😓 اريد اكوم ما اكدر بجيت بصوت عالي
أسد : ضليت قلق عليها جنت كاعد برة وسمعت صوت بجيها ردت ادخل وترددت وايدي ع الباب فتحته وطبيت من شافتني زادت بالبجي وغطت وجها يعني منضرها يكسر كلب الكافر رحت كعدت يمها كتلها كافي اوعدج مراح ينعاد الي يصير طبعآ ما أعرف ليش وعدتها بهذا الشي مع العلم ما اكدر امنعة اذا راد يقترب منها هية على ذمته بس احاول اتنهدت وسكتت
اساور:من دخل وشفته زدت بالبجي اريد أسكت ماكو من كال هيج ارتاحيت بس اعرف حتى يواسيني لزمت ايدة بدون قصد وكتله بتوسل اريد احجي ويا امي بس اسمع صوتها حتى لو بس الو والله شتاقيتلها بداعت غواليك وعزازك بس أسمعة حتى ما احجي وابجي واشهك
أسد: أني كاعد مدنك ولزمت ايدي احس كلبي نشلع وكام يدك قوي ما اعرف شعور شلون اوصفة بس من حجت اتذكرت امي ودمعة عيني حطيت ايدي على ايدها وكتلها انشاء الله بس صيري زينة
أساور:من كلي هيج فرحت هوة وكف واني هم كمت على حيلي جلبت بايده كتله زينة والله وأمسح بدموعي بس اتصل دينزل ايدي وانفتح الباب وجانت زهراء وابو ضرغام والولد الشفته ذاك اليوم خطيب زينب ابو ضرغام من شافنا حط ضهره ع الحايط وكال متوقعت الغدر من وليدي أسد راح عليه واجة واحد اضخم من أسد بعد مشاء الله وجاب أسد بوكس بنص وجهة بس الدم يطافر من وجهة بس أسد ولا رفع ايدة
أسد:مقبولة منك خوية ضرغام
اساور:ياااااا هذا ضرغام
عمار: شلون تسوي هيج هاي انته العاقل وبعيد عن سوالف النسوان ويا مرت ابوك
أسد: عماااااارر انته شتحجي
ابو ضرغام:كالت زينب شايفتكم سوة بس مصدكت
اساور: اجة علية ابو ضرغام وسحلني اجة أسد وكف بوجهة وجان ضرغام يجرة واجو بعد ولد مدري منين
وصارت عركة شكبرها والمستشفى كلها تباوع اجو أمن المستشفى وطلعوهم برة وصارت عركة شكبرها وناس كتلت ناس شكو ما ادري وحتى وكفتنا مو قريبين وما بيها غلط بعدها اجة ابو ضرغام جيني وخلاني بسيارة
ابو ضرغام:كح.... اليوم موتج على أيدي ويا ابني مووووووو
أساور:والله ماعندي شي وياا
ابو ضرغام:هسسسس نفس ما اسمع
اساور: يمشي سرعة وما أعرف وين رايح وبس ينافخ واني ابجي شفت بمراية السيارة عمارر ورانة وضل يمشي وكفت السيارة بمكان فارغ ونزل عمار ابو ضرغام سحب سلاحة وخلا علية ديضربني ورفعة عمار اني سنوني ضلن وحدة تطخ بثانية وما أكدر حتى احجي
عمار:هاي شبيك ابو ضرغام شنو تكتلها وتلوث ايدك بيها وتتحمل ذنبها
ابو ضرغام:انته شتحجي نزلت راسي هاي الله يعلم بعد شمسوية بس وسفة على أسد عود اكول العاقل
عمار: دخذها وشوفها شريفة اكسرها وخليها خدامة
اساور:جان يحجي ويباوع علية بحقارة ما اعرف سببها
رجعني ابو ضرغام لسيارة ومشة وصلنا للبيت واني دموعي ولا نشفت شلون راح يقترب مني وابجي لكينا هوسة بالبيت واول مطبيت تلكني نسوان والكلام أشكال
وكعتي زلمنا اجت زهراء ويا زينب جمن علية بس وحدة كلتلها عوفيها عمة كافي اليوم ابوج ياخذها وياخذ بثار ابنة وبعدها دوسيها برجلج طلعن اخوات ابو أسد وحدتهن ب١٠ زلم حتى يخوفن صارت هوسة وحسب الي فتهمتة انو اني وأسد على علاقة وهوة ماكو هيج شي بينا أبد ولا مفكرة وحتى لقائنا قليل بس بالفترات لاخيرة قطع تفكيري صوت زينب
زينب :تحضري اليوم لابوية ونطينا نيشانج ويا ويلج نسمع معاندة
اساور:عفتها وصعدت ودموعي عشرة عشرة دا ادخل للغرفة واحد جرني من ايدي وسد حلكي باوعت هذا عمار وبغرفة أسد شيسوي شو هذا راد يبوسني أسد حلكي واني ابجي واتلوة وهوة مثل الحايط ولا تحرك همس باذني
عمار: هلا بالوردة ولج خبلتيني من يوم الشفتج حرامات هيج جمال لشايب كلت خطية اول مرة الها ويا شايب خل اونسها
اساور: باسني من ركبتي ادفعة وماكو ميتحرك
عمار: أسكتي واهدئي احسن الج ترة اكول هية تحارشت بية
اساور:من سمعته هيج كال كلت اكيد يصدكو خليت ايدي على صدرة بينت الة اني راضية
عمار :اي هيج خليج عاقلة
اساور:هوة يحجي بس رخة صعدت ايدي على صدرة وثانية على يدة الباب دفعته شوية فتحت الباب الحمد الله ممقفول دفعته كل قوتي وكع وركضت بغرفة ابو ضرغام وسديت الباب قفلته وكعدت بضهر الباب ابجي بكل حركتي مستحيل اخلي الشايب يقترب مني قررت انهزم لو يكلف هذا الشي ثمنة روحي مر الؤقت حستهم كولهم جوة فتحت الباب باوعت ماكو أحد رجعت سديته ادور ع عباتي ونقابي لكيتهن حضرتهن بس شلون اطلع والؤقت يمر دنيا غربت شمرت من الشباك ع حديقة خلفية البيت من الباب الخلفي عباتي واخذت فلوس من كنتور ابو ضرغام ما اعرف شكد هل طلع بيدي نزلت اتختل تختل همزين بالمطبخ طلعت رحت ركض وجان يجيني صوت زينب حتى كلبي احسه يريد يطلع من صدري
زينب هاي شسوين هنا
أساور:ختنكت طلعت اشتم هوى
زينب : هاي العايزة طالعة تتمشين وتشمين بعد متريدين تكعدين واحنا نخدمج ست أساور
اساور:اجت جرتي من ايدي كالت روحي ع المطبخ نضفي واصعدي ممنوع اشوفج طالعة منا لحد ميجي ابوية رحت ع المطبخ انضف وتوسخ وبس تحجي وخلتني اعيد غسل الحاجة ميت مرة نضيفات وتكول وسخات ساعة زفرات صارت ساعة ب٨ وكل ميمر الؤقت خوفي يكبر واخاف لحد يلكة غراضي بالحديقة غير هسة كبل طلقة براسي ويسوني مهزومة ويا واحد
اشتغل وافكر اذا طلعت شلون ما اندل منين اروح واجي وهاي على راسي ياربي ساعدني ضليت اشتغل شفت زينب طلعت من المطبخ باوعت ماكو أحد رحت اتختل ع حديقة وصلت اخذت عباتي ونقاب لبستهن ودنيا ليل وتخوف حتى صوت كلاب اكو ولا عبالك ساعة ٨ مدري ٩ كملت دا اطلع مشيت وما اندل كلشي وضلمة مكان يخوف صفحة بساتين مشيت خطوتين واحد سد حلكي من ورة ضليت ارافس وهوة يزيد بسد خلكي حتى اختنكت اخر شي همس ياذاني هسسس هاي اني مركزت صوت منو مسكتت ضليت ارافس
جان يكلي اثبتي بنت الكل.. هاي اني أسد
انداريت وشفت صدوك أسد أسم على مسمى ضلمة وشفت عروك ركبته مبينة ولازم ايدي احس عضمها راح ينكسر من قوة القبضة نشف الدم بية كلت هل مرة محد ينقذني اجت ساعتي
وما زلت اكتب انتضرونا غدآ بأحداث مشوقة وخل نشوف أسد😍شنو راح يسوي وابو ضرغام
مع تحيات الكاتبة حنين الربيعي 🌹🌹🥰
